ହାଇଦ୍ରାବାଦ:କରଣ ଜୋହରଙ୍କ ଚାଟ୍ ଶୋ' 'କଫି ୱିଥ୍ କରଣ'ର ଅଷ୍ଟମ ସିଜନ୍ ଅକ୍ଟୋବର ୨୬ରେ ଡିଜ୍ନି ପ୍ଲସ୍ ହଟଷ୍ଟାରରେ ଷ୍ଟ୍ରିମ୍ ହେବାକୁ ଯାଉଛି । ନିକଟରେ କରଣ ସୋସିଆଲ ମିଡିଆରେ ପ୍ରଥମ ଏପିସୋଡର ପ୍ରୋମୋ ସେୟାର କରିଥିଲେ । ଏହି ପ୍ରମୋରେ ବଲିଉଡର ଲୋକପ୍ରିୟ ଦମ୍ପତି ରଣଭୀର ସିଂ ଏବଂ ଦୀପିକା ପାଦୁକୋନଙ୍କୁ ଦେଖିବାକୁ ମିଳିଛି । ଏହାର ଅର୍ଥ ପ୍ରଥମ ଏପିସୋଡରେ ଏହି ବଲିଉଡ୍ ଦମ୍ପତି ନଜର ଆସିବେ । ବର୍ତ୍ତମାନ ଖବର ଆସୁଛି ଯେ, କାଜୋଲ ଏବଂ ରାନୀ ମୁଖାର୍ଜୀଙ୍କୁ ମଧ୍ୟ ଏହି ଶୋ'ରେ ଏକାଠି ଦେଖିବାକୁ ମିଳିବ ।
ସୂଚନା ଅନୁସାରେ, ରାନୀ ମୁଖାର୍ଜୀ ଏବଂ କାଜୋଲ ୨୦୦୭ରେ ପ୍ରିମିୟର୍ ହୋଇଥିବା କଫି ୱିଥ୍ କରଣ ଶୋ’ ସିଜନ ୨ରେ ଏକାଠି ନଜର ଆସିଥିଲେ । ଦୁହେଁ ଶାହାରୁଖ ଖାନଙ୍କ ସହ ଏହି ଶୋ’ରେ ନଜର ଆସିଥିଲେ । ବର୍ତ୍ତମାନ ୧୬ ବର୍ଷ ପରେ କରଣ ଜୋହରଙ୍କ ଶୋ' କଫି ୱିଥ୍ କରଣ 8ରେ ପୁଣି ଏହି ଅଭିନେତ୍ରୀଙ୍କୁ ଏକାଠି ଦେଖିବାକୁ ମିଳିବ । ରିପୋର୍ଟ ଅନୁଯାୟୀ, “କାଜୋଲ ଏବଂ ରାନୀ ମୁଖାର୍ଜୀ ଏକ ଏପିସୋଡର ସୁଟିଂ ପାଇଁ ପ୍ରସ୍ତୁତ ହେଉଛନ୍ତି । କରଣ ଉଭୟଙ୍କ ପାଇଁ ବହୁତ ମଜାଦାର ଜିନିଷ ଯୋଜନା କରିଛନ୍ତି । ଅକ୍ଟୋବର ୨୬ରେ 'କଫି ୱିଥ୍ କରଣ'ର ଅଷ୍ଟମ ସିଜିନ ପ୍ରିମିୟର ହେବ । ଯେଉଁଥିରେ ବଲିଉଡ୍ ଦମ୍ପତି ରଣଭୀର ସିଂ ଏବଂ ଦୀପିକା ପାଦୁକୋନ ପ୍ରଥମ ଏପିସୋଡ୍ରେ ନଜର ଆସିବେ ।