ହାଇଦ୍ରାବାଦ: ସାଉଥର ଲୋକପ୍ରିୟ ଅଭିନେତ୍ରୀ କାଜଲ ଅଗ୍ରୱାଲ ଏବଂ ଗୌତମ କିଚଲୁ ଆଜି ତାଙ୍କ ପୁଅ ନୀଲଙ୍କ ପ୍ରଥମ ଜନ୍ମଦିନ ପାଳନ କରିଛନ୍ତି । ଏହି ଅବସରରେ ଅଭିନେତ୍ରୀ କାଜଲ ସୋସିଆଲ ମିଡିଆରେ ପୁଅର ପ୍ରଥମ ଜନ୍ମଦିନର ଏକ ନୂଆ ଫଟୋ ସହ ଏକ ସୁନ୍ଦର କ୍ୟାପସନ ସେୟାର କରିଛନ୍ତି । ଯାହାକୁ ସାଙ୍ଗ, ଫ୍ୟାନ୍ସ ସମେତ ଅନେକ କଳାକାର ଲାଇକ କରିବା ସହ ପ୍ରତିକ୍ରିୟାରେ ଶୁଭେଚ୍ଛା ଜଣାଇଛନ୍ତି ।
କାଜଲ ତାଙ୍କ ଅଫିସିଆଲ ଇନଷ୍ଟାଗ୍ରାମରେ ପୁଅର ଏକ ସୁନ୍ଦର ଫଟୋ ପୋଷ୍ଟ କରିଛନ୍ତି । ଏବଂ କ୍ୟାପସନରେ ଲେଖିଛନ୍ତି, 'ଆମ ପୁଅ ନୀଲ କିଚଲୁଙ୍କୁ 1 ବର୍ଷ ବୟସ ହୋଇଛି ।' ଫଟୋରେ, ନୀଲ ହଳଦିଆ ରଙ୍ଗର ପୋଷାକରେ ଏକ ଟୋକେଇ ଭିତରେ ବସିଥିବାର ଦେଖିବାକୁ ମିଳିଛି । ଟୋକେଇ ସହ 1 ସଂଖ୍ୟା ଲେଖା ଏକ ଫଏଲ୍ ବେଲୁନ୍ ବନ୍ଧା ହୋଇଛି । ଏହି ଫଟୋରେ ନୀଲ ବହୁତ ସୁନ୍ଦର ଦେଖାଯାଉଛନ୍ତି । ଏହି ପୋଷ୍ଟ ସେୟାର ହେବା ପରେ, ତାଙ୍କର ବନ୍ଧୁ ଏବଂ ପ୍ରଶଂସକମାନେ ପ୍ରତିକ୍ରିୟାରେ ଲାଲ ହାର୍ଟ ଇମୋଜି ଦେବା ସହ ତାଙ୍କ ପୁଅକୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଏହି ପୋଷ୍ଟରେ କମେଣ୍ଟ ଦେଇ ବଲିଉଡ ଅଭିନେତ୍ରୀ ନେହା ଧୁପିଆ ନୀଲକୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ସେହିପରି ଅଭିନେତ୍ରୀ ରକୁଲ ପ୍ରୀତ ସିଂ ଲେଖିଛନ୍ତି, 'ଓଏମଜି, ନୀଲ ବହୁତ ସୁନ୍ଦର ଦେଖାଯାଉଛନ୍ତି ।' ଅନ୍ୟ ଜଣେ ଫ୍ୟାନ୍ସ ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା ।' ଆଉ ଜଣେ ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା ଛୋଟ ନିଲ୍ ।' ଜଣେ ଲେଖିଛନ୍ତି, କେତେ ସୁନ୍ଦର ।
ସୂଚନା ଥାଉ କି, 2020 ମସିହା ଅକ୍ଟୋବର 30ରେ କାଜଲ ଅଗ୍ରୱାଲ ଏବଂ ଗୌତମ କିଚଲୁ ବିବାହ ବନ୍ଧନରେ ବାନ୍ଧି ହୋଇଥିଲେ । ଏବଂ 2022 ଏପ୍ରିଲ 19ରେ ଏହି ଦମ୍ପତି ଶିଶୁପୁତ୍ର ନୀଲ କିଚଲୁଙ୍କୁ ସ୍ବାଗତ କରିଥିଲେ । ତେବେ ତାଙ୍କର ପ୍ରଥମ ସନ୍ତାନକୁ ସ୍ବାଗତ କରିବା ପରେ କାଜଲ ଏବଂ ତାଙ୍କ ସ୍ବାମୀ ଗୌତମ କିଚଲୁ ସେମାନଙ୍କ ସନ୍ତାନର ନାମ ନୀଲ ରଖିଥିଲେ ।
କାଜଲ ଅଗ୍ରୱାଲଙ୍କ ୱାର୍ଟପ୍ରଣ୍ଟ କଥା କହିବାକୁ ଗଲେ, ସାଉଥ ଫିଲ୍ମ 'ଇଣ୍ଡିଆନ୍-୨' ରେ ନଜର ଆସିବାକୁ ଯାଉଛନ୍ତି କାଜଲ । ମାତୃତ୍ବ ବିରତିର 2ବର୍ଷ ପରେ କାଜଲ ଅଗ୍ରୱାଲ 'ଇଣ୍ଡିଆନ-୨'ର ସୁଟିଂ ଆରମ୍ଭ କରିଥିଲେ । ଏହି ଫିଲ୍ମରେ ସାଉଥ ଅଭିନେତା କମଲ ହାସନ, ଅଭିନେତ୍ରୀ ରକୁଲ ପ୍ରୀତ ସିଂ ଏବଂ ଅଭିନେତ୍ରୀ ନୟନତାରା ପ୍ରମୁଖ ମୁଖ୍ୟ ଭୂମିକାରେ ନଜର ଆସିବେ । ଇଣ୍ଡିଆନ୍ ୨ ହେଉଛି ଏକ ଆକ୍ସନ୍ ଥ୍ରୀଲର ଫିଲ୍ମ । ଯାହା ଏସ୍ ଶଙ୍କରଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ଫିଲ୍ମ । ଏଥିସହ ଏହି ଫିଲ୍ମ 1996 ଫିଲ୍ମ ଇଣ୍ଡିଆର ଏକ ସିକ୍ୱେଲ୍ ଅଟେ । ମାତୃତ୍ବ ବିରତିରେ କାଜଲ ଅଗ୍ରୱାଲ 'ଇଣ୍ଡିଆନ-୨'ର ସୁଟିଂ ଆରମ୍ଭ କରିଛନ୍ତି ।
