ହାଇଦ୍ରାବାଦ: ବଲିଉଡରେ ଗୋଟିଏ ପରେ ଗୋଟିଏ ସେଲିବ୍ରିଟି ଖୁସି ଖବର ଦେଉଛନ୍ତି । ଚଳିତ ବର୍ଷ ଦକ୍ଷିଣ ଅଭିନେତ୍ରୀ କାଜଲ ଅଗ୍ରୱାଲଙ୍କଠୁ ନେଇ କମେଡି କ୍ୱିନ୍ ଭାରତୀ ସିଂ, ସୋନମ୍ କପୁରଙ୍କ ସମେତ ଅନେକ ଅଭିନେତ୍ରୀ ମାଆ ହୋଇଛନ୍ତି । ନିକଟରେ ଆଲିଆ ଭଟ୍ଟ ଏବଂ ବିପାଶା ବସୁ ଗର୍ଭବତୀ ହେବା ନେଇ ପ୍ରଶଂସକଙ୍କୁ ଖୁସି ଖବର ଦେଇଥିଲେ । ବର୍ତ୍ତମାନ ଚଳଚ୍ଚିତ୍ର ନିର୍ମାତା ତଥା ଅଭିନେତା ଫରହାନ ଅଖତରଙ୍କ ଘରେ ଶୁଣିବାକୁ ମିଳିବ କୁଆଁ କୁଆଁ ଡାକ । ଖୁବ୍ ଶୀଘ୍ର ବାପାମାଆ ହେବାକୁ ଯାଉଛନ୍ତି ଫରହାନ ଅଖତର ଏବଂ ଶିବାନୀ ଦାଣ୍ଡେକର (Farhan Akhtar and Shibani Dandekar)।
ଫରହାନ ଅଖତର ପତ୍ନୀ ଶିବାନୀ ଦାଣ୍ଡେକରଙ୍କ ସହ ଏକ ସୁନ୍ଦର ଫଟୋ ସେୟାର କରିଛନ୍ତି, ଯେଉଁଥିରେ ଫରହାନ ଏକ ସୋଫାରେ କାଜୁଆଲ୍ ଲୁକରେ ବସିଛନ୍ତି ଏବଂ ତାଙ୍କ ପଛରେ ତାଙ୍କ ପତ୍ନୀ ଶିବାନୀ କାନ୍ଧରେ ହାତ ରଖି ଠିଆ ହୋଇଛନ୍ତି । ଏହି ଫଟୋ ସେୟାର କରି ଫରହାନ ଖାନ ଲେଖିଛନ୍ତି, 'ଆମେ କେବଳ ତିନି' (Just the three of us .. #nirvana @shibanidandekarakhtar)।