ମୁମ୍ବାଇ:ବଲିଉଡ ଅଭିନେତା ଜନ୍ ଆବ୍ରାହମ୍ ତାଙ୍କର ଆଗାମୀ ଚଳଚ୍ଚିତ୍ର ପାଇଁ ଚର୍ଚ୍ଚାରେ ଅଛନ୍ତି । ଆଜିକାଲି ସେ ଫିଲ୍ମ 'ଏକ ଭିଲେନ୍ ରିଟର୍ନସ୍'ର ପ୍ରମୋସନ କରୁଛନ୍ତି, ଯେଉଁଥିରେ ଅର୍ଜୁନ କପୁର, ତାରା ସୂତାରିଆ ଏବଂ ଦିଶା ପାଟାନି ତାଙ୍କ ସହ ନଜର ଆସିବେ । ଏହି ସମୟରେ, ଜନ୍ ଆବ୍ରାହମ୍ ତାଙ୍କର ପରବର୍ତ୍ତୀ ଚଳଚ୍ଚିତ୍ର ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ଜନ୍ ଆବ୍ରାହମ୍ ଆକ୍ସନ୍ ଥ୍ରୀଲର ଫିଲ୍ମ 'ତେହରାନ' (Tehran) ରେ ନଜର ଆସିବେ । ସେ ଏହି ଚଳଚ୍ଚିତ୍ରର ସୁଟିଂ ଆରମ୍ଭ କରିସାରିଛନ୍ତି ଏବଂ ବର୍ତ୍ତମାନ ଏହି ଫିଲ୍ମରୁ ଜନ୍ଙ୍କ ପ୍ରଥମ ଲୁକ୍ ମଧ୍ୟ ସାମ୍ମାକୁ ଆସିଛି।
ମ୍ୟାଡକ୍ ଫିଲ୍ମସ୍ ଜନ୍ ଆବ୍ରାହମଙ୍କ ପରବର୍ତ୍ତୀ ଚଳଚ୍ଚିତ୍ର ଘୋଷଣା କରି ଟ୍ୱିଟରରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ଅଭିନେତାଙ୍କ ଲୁକ୍ ଦେଖାଯାଇଛି। ଏହି କିଛି ସେକେଣ୍ଡ୍ ଭିଡିଓରେ, ଜନ୍ ବହୁତ ଦମଦାର ଏକ୍ସପ୍ରେସନ ସହିତ ନଜର ଆସିଛନ୍ତି । ଜନ୍ଙ୍କ ପ୍ରଥମ ଲୁକ୍ ସେୟାର୍ କରି ମ୍ୟାଡକ୍ ଫିଲ୍ମସ୍ ଟ୍ୱିଟରରେ ଲେଖିଛନ୍ତି ଯେ ଲାଇଟ୍, କ୍ୟାମେରା ଏବଂ ଟିକିଏ ଆକ୍ସନ୍ ସହିତ ତେହରାନରେ ସୁଟିଂ ଆରମ୍ଭ ହୋଇଛି। ଜନ ଏହି ଭିଡିଓକୁ ଇନଷ୍ଟାଗ୍ରାମରେ ମଧ୍ୟ ସେୟାର କରିଛନ୍ତି, ଯାହାକୁ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି।