ମୁମ୍ବାଇ: ନୱାଜୁଦ୍ଦିନ ସିଦ୍ଦିକି ଏବଂ ନେହା ଶର୍ମାଙ୍କ ଅଭିନୀତ ଫିଲ୍ମ 'ଯୋଗୀରା ସାରା ରା' ମେ 12(ଶୁକ୍ରବାର) ରିଲିଜ ହେବ ନାହିଁ । ଫିଲ୍ମକୁ ଦେଖିବାକୁ ଦର୍ଶକ ଉତ୍ସାହିତ ଥିବା ବେଳେ ଏହି ଖବର ଶୁଣି ଫ୍ୟାନ୍ସ ଅସନ୍ତୋଷ ପ୍ରକାଶ କରିଛନ୍ତି । ଏହାରି ମଧ୍ୟରେ ନିର୍ମାତା ଫିଲ୍ମର ନୂଆ ରିଲିଜ ତାରିଖ ଘୋଷଣା କରିଛନ୍ତି । ଏହି ଫିଲ୍ମ ବର୍ତ୍ତମାନ ମେ 12 ବଦଳରେ ମେ 26ରେ ରିଲିଜ ହେବ ।
ଟ୍ରେଡ ଆନାଲିଷ୍ଟ ତରଣ ଆଦର୍ଶ ତାଙ୍କ ଟ୍ୱିଟର ହ୍ୟାଣ୍ଡେଲରେ ଫିଲ୍ମ 'ଯୋଗୀରା ସାରା ରା'ର ରିଲିଜ୍ ଏବଂ ନୂତନ ତାରିଖ ବିଷୟରେ ସୂଚନା ଦେଇଛନ୍ତି । ଏହି ଶୁକ୍ରବାର ରିଲିଜ୍ ହେଉଥିବା ଫିଲ୍ମମାନଙ୍କ ସଂଖ୍ୟାକୁ ବିଚାରକୁ ନେଇ ଫିଲ୍ମ 'ଯୋଗୀରା ସାରା ରା'ର ରିଲିଜକୁ 2 ସପ୍ତାହ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି । ଫଳରେ ଏହାର ରିଲିଜ ତାରିଖକୁ 26 ତାରିଖକୁ ଘୁଞ୍ଚାଇ ଦେଇଛନ୍ତି ମେକର୍ସ ।
ସେପଟେ ଅଭିନେତ୍ରୀ ନେହା ଶର୍ମା ତାଙ୍କ ଟ୍ୱିଟରରେ ଏକ ଭିଡିଓ ମାଧ୍ୟମରେ ତାଙ୍କ ଫିଲ୍ମ 'ଯୋଗୀରା ସାରା ରା' ବିଷୟରେ ପ୍ରଶଂସକମାନଙ୍କୁ ସୂଚନା ଦେଇଛନ୍ତି । ସେ କହିଛନ୍ତି, ମୁଁ ଆଶା କରେ ତୁମ ଦିନଟି ଭଲରେ କଟିବ । ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ ସୂଚନା । ଆମର ଫିଲ୍ମ ମେ 12ରେ ରିଲିଜ୍ ହେବାର ଥିଲା, ଏହା ବର୍ତ୍ତମାନ ମେ 26ରେ ରିଲିଜ ହେବ । ଏହି ଦିନ ସିନେମାହଲରେ ଦେଖିବା ଫିଲ୍ମ ।
ସୂଚନା ଥାଉ କି, ନିର୍ଦ୍ଦେଶକ କୁଶନ ନନ୍ଦୀ ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ କିରଣ ଶ୍ୟାମ ଶ୍ରଫ ଏବଂ ନାଏମ ଏ ସିଦ୍ଦିକି ପ୍ରଯୋଜନା କରିଛନ୍ତି । ୟୁପିର ଲକ୍ଷ୍ନୌ ଏବଂ ବାରାଣାସୀରେ ଫିଲ୍ମର ସୁଟିଂ କରାଯାଇଛି । ଏବଂ ଫିଲ୍ମରେ ନୱାଜୁଦ୍ଦିନ ସିଦ୍ଦିକି, ନେହା ଶର୍ମାଙ୍କ ବ୍ୟତୀତ ସଞ୍ଜୟ ମିଶ୍ର ଏବଂ ଜରିନା ୱହାବ ମଧ୍ୟ ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ।
ଫିଲ୍ମ 'ଯୋଗୀରା ସାରା ରା' ର ପ୍ରମୋସନ ଜୋରସୋରରେ ଚାଲିଛି । ନୱାଜଉଦ୍ଦିନ ଏବଂ ନେହା ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି । ତେବେ ହଠାତ୍ ମେ 12ରେ ଫିଲ୍ମ ରିଲିଜକୁ ସ୍ଥଗିତ ରଖିବାକୁ ସୂଚନା ଦିଆଯାଇଥିଲା । ଏହି ଫିଲ୍ମ ପାଇଁ ପ୍ରଶଂସକମାନେ ବହୁତ ଅପେକ୍ଷା କରିଥିଲେ । ଏବେ ଏହି ଫିଲ୍ମକୁ ମେ’ 26ରେ ସିନେମାହଲରେ ଦେଖିବେ ଦର୍ଶକ । ଏହି ଫିଲ୍ମରେ ନୱାଜୁଦ୍ଦିନ ସିଦ୍ଦିକି ଏବଂ ନେହା ଶର୍ମା ମୁଖ୍ୟ ଭୂମିକାରେ ନଜର ଆସିଥିବା ବେଳେ ଫିଲ୍ମରେ ଉଭୟଙ୍କ ଲଭ କେମେଷ୍ଟ୍ରି ଦେଖିବାକୁ ମିଳିବ । ତେବେ ଦର୍ଶକ ଏହି ଫିଲ୍ମକୁ ବେଶ ଉପଭୋଗ କରିବେ ବୋଲି ଆଶା କରାଯାଉଛି।
