ମୁମ୍ବାଇ: ବଲିଉଡ ବାଦଶାହ ଶାହରୁଖ ଖାନ, ନୟନତାରା ଏବଂ ବିଜୟ ସେଥୁପଥିଙ୍କ ଅଭିନୀତ ବହୁ ପ୍ରତୀକ୍ଷିତ 'ଜବାନ' ଶେଷରେ ସିଲଭର ସ୍କ୍ରିନରେ ରିଲିଜ ହୋଇଛି । ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଜବରଦସ୍ତ କ୍ରେଜ ଦେଖିବାକୁ ମିଳିଛି । ବର୍ତ୍ତମାନ ଫିଲ୍ମକୁ ନେଇ ଫ୍ୟାନ୍ସ ଟ୍ବିଟରରେ ରିଭ୍ୟୁ ଦେବା ମଧ୍ୟ ଆରମ୍ଭ କରିସାରିଲେଣି । ତେବେ ପ୍ରାରମ୍ଭିକ ଟ୍ୱିଟର ସମୀକ୍ଷାରୁ ଜଣାପଡିଛି ଯେ ଏହି ଚଳଚ୍ଚିତ୍ରଟି କୌଣସି ମାଷ୍ଟରପିସ୍ ଠାରୁ କମ୍ ନୁହେଁ ।
ପଠାନ ପରେ ଜବାନ ସହ ଶାହାରୁଖ ପୁଣି ବଡ ପରଦାରେ ଦମଦାର କମବ୍ୟାକ କରିଛନ୍ତି । ଫିଲ୍ମର ପ୍ରିଭ୍ୟୁ ଦେଖିବା ଦିନ ଠାରୁ ଫିଲ୍ମକୁ ନେଇ ଫ୍ୟାନ୍ସ ଉତ୍ସହର ସହ ଅପେକ୍ଷା କରିଥିଲେ । ଆଜି ରିଲିଜ ହୋଇଥିବା ବେଳେ ଏହାକୁ ଦେଖିବାକୁ ଭୋର ସକାଳୁ ଥିଏଟର ସାମ୍ନାରେ ଫ୍ୟାନ୍ସଙ୍କ ଭିଡ଼ ଜମିଛି । କିଛି ସହରରେ ଫିଲ୍ମ 5ଟା ଶୋ' ଆରମ୍ଭ ହୋଇଥିବା ବେଳେ ଅନ୍ୟ କେତେ ସ୍ଥାନରେ ସକାଳ 6ଟାରେ ଶୋ' ଆରମ୍ଭ ହୋଇଛି । ବାଣ ଫୁଟାଇ ନାଚ ଗୀତରେ ଦୁଲୁକୁଛି ଥିଏଟରର ପରିବେଶ । ସେପଟେ ସୋସିଆଲ ମିଡିଆରେ ବି ଫ୍ୟାନ୍ସ ଫିଲ୍ମକୁ ନେଇ ଅନେକ ପ୍ରତିକ୍ରିୟା ଦେଇଛନ୍ତି । ଟ୍ୱିଟରରେ ପ୍ରଶଂସକମାନେ ଏହି ଫିଲ୍ମକୁ ପ୍ରଶଂସା କରିଛନ୍ତି ଏବଂ ଏହାକୁ ଏକ ଦମଦାର ଚଳଚ୍ଚିତ୍ର ବୋଲି କହିଛନ୍ତି ।
ଏହି ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଥିବା ଟିଭି ଅଭିନେତ୍ରୀ ରିଦ୍ଧି ଡୋଗ୍ରା ମଧ୍ୟ ଯବାନଙ୍କ ବିଷୟରେ ଏକ ଟ୍ୱିଟ୍ କରିଛନ୍ତି ଯେଉଁଥିରେ ସେ ଏହି ଚଳଚ୍ଚିତ୍ରକୁ 'ଶତାବ୍ଦୀର ଚଳଚ୍ଚିତ୍ର' ବୋଲି କହିଛନ୍ତି । ସୋସିଆଲ ମିଡିଆରେ ଶାହାରୁଖ ଖାନଙ୍କ ଫିଲ୍ମକୁ ରିଦ୍ଧି ପ୍ରଶଂସା କରିଛନ୍ତି । ଜଣେ ଫ୍ୟାନ୍ସ ପ୍ରତିକ୍ରିୟା ଦେଇ ଲେଖିଛନ୍ତି, ଫିଲ୍ମଟି ପଇସା ଭସୁଲ କରିଛି । ଅନ୍ୟ କେତେକ ଫ୍ୟାନସ ବ୍ଲକବ୍ଲଷ୍ଟର କହିଥିବା ବେଳେ ଅନ୍ୟ କେତେକ ଶାହାରୁଖ ଏବଂ ନୟନତାରାଙ୍କ ଯୋଡିକୁ ହିଟ୍ ବୋଲି କହିଛନ୍ତି ।
ଏହା ମଧ୍ୟ ପଢନ୍ତୁ:ପରଦାକୁ ଆସିଲା ଜବାନ, ଫିଲ୍ମ ପାଇଁ ରାତି ଅନିଦ୍ରା ଶାହାରୁଖ ଓ ଫ୍ୟାନ୍ସ
ସେପଟେ ଥିଏଟରରୁ ଫିଲ୍ମର ସିନ ଭାଇରାଲ କରାଯାଉଥିବା ନେଇ ଶାହାରୁଖ ଖାନଙ୍କ ପ୍ରଶଂସକ ପୃଷ୍ଠାରୁ ଏକ ଟୁଇଟ୍ କରାଯାଇଛି । ଯେଉଁଥିରେ ଦର୍ଶକଙ୍କୁ ସୋସିଆଲ ମିଡିଆରେ 'ଜବାନ'ର କୌଣସି ସିନ ସେୟାର ନକରିବାକୁ ଅନୁରୋଧ କରାଯାଇଛି । ଯଦି ଏପରି କରନ୍ତି ତେବେ ଏହା କରୁଥିବା ବ୍ୟକ୍ତିଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ । ଏହି ଟୁଇଟରେ ଲେଖାଯାଇଛି ଯେ- 'ଆମେ ସମସ୍ତଙ୍କୁ ସୋସିଆଲ ମିଡିଆରେ କୌଣସି ସିନ ସେୟାର ନକରିବାକୁ ଅନୁରୋଧ କରୁଛୁ । ଚଳଚ୍ଚିତ୍ରର ଯେକୌଣସି ଦୃଶ୍ୟ ସେୟାର କରିବା ଅର୍ଥ କପିରାଇଟ୍ ଉଲ୍ଲଘଂନ ହେଉଛି । ତେବେ ଆପଣଙ୍କର ଆକାଉଣ୍ଟ୍ ସ୍ଥଗିତ ହୋଇପାରେ । ଫିଲ୍ମକୁ ଉପଭୋଗ କରନ୍ତୁ ଏବଂ ସିନ ଭାଇରାଲ କରନ୍ତୁ ନାହିଁ ।
