ହାଇଦ୍ରାବାଦ: ଇତିହାସ ରଚିଲା ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ଚଳଚ୍ଚିତ୍ର ଜବାନ । ଦେଶ ତଥା ବିଦେଶରେ ଜବାନର ଜଲୱା ଦେଖିବାକୁ ମଳୁଛି । ଏହି ଫିଲ୍ମ ସେପ୍ଟେମ୍ବର 7ରେ ରିଲିଜ ହୋଇଥିବା ବେଳେ ଆଜକୁ ଏହା 7 ଦିନ ବିତିଗଲାଣି । ଫିଲ୍ମ 6 ଦିନର କଲେକ୍ସନରେ ବିଶ୍ବ ବକ୍ସ ଅଫିସରେ 600କୋଟି ପାର୍ କରି ଆଉ ଏକ ମାଇଲଖୁଣ୍ଟ ହାସଲ କରିଛି । ଭାରତରେ 350 କୋଟିରୁ ଅଧିକ ଆୟ କରିଥିବା ବେଳେ 7ମ ଦିନରେ 400 କୋଟି ଟଙ୍କାର କ୍ଲବରେ ସାମିଲ ହେବ ବୋଲି କୁହାଯାଉଛି ।
ସାକ୍ନିଲ୍କଙ୍କ ରିପୋର୍ଟ ଅନୁଯାୟୀ, କିଙ୍ଗ ଖାନ-ଷ୍ଟାରର ଫିଲ୍ମ ଭଳ ପ୍ରଦର୍ଶନ କରୁଛି । ଓପନିଂ ଦିନ ଭାରତରେ ସମସ୍ତ ଭାଷାରେ ଫିଲ୍ମ 75 କୋଟି ଟଙ୍କା ଆୟ କରି ସଫଳତା ହାସଲ କରିଥିଲା । ଚଳଚ୍ଚିତ୍ରଟି ଦ୍ୱିତୀୟ ଏବଂ ତୃତୀୟ ଦିନରେ ଯଥାକ୍ରମେ ବକ୍ସ ଅଫିସରେ 53.23 ଟଙ୍କା ଏବଂ 77.83 କୋଟି ଟଙ୍କା କଲେକ୍ସନ କରିଥିଲା । 4ର୍ଥ ଦିନରେ 80.1 କୋଟି ଟଙ୍କା ଆୟ କରିଥିବା ବେଳେ ପଞ୍ଚମ ଏବଂ ଷଷ୍ଠ ଦିନରେ ଏହି ସଂଖ୍ୟା ଯଥାକ୍ରମେ 30.5 କୋଟି ଏବଂ 27.22 କୋଟି ଟଙ୍କା କଲେକ୍ସନ କରିଛି । ସେହିପରି 7ମ ଦିନରେ ଫିଲ୍ମ (ଆନୁମାନିକ) 21.62 କୋଟି ଟଙ୍କା ଆୟ କରିପାରେ । ଏହି କ୍ରମରେ 7ମ ଦିନରେ ଫିଲ୍ମର ଆୟ ଅନ୍ୟ ଦିନ ତୁଳନାରେ 20.57% ହ୍ରାସ ପାଉଥିବା ଦେଖିବାକୁ ମିଳିଛି । ଯଦି ଏପରି ହୁଏ, ତେବେ ଫିଲ୍ମର ମୋଟ ଘରୋଇ ବକ୍ସ ଅଫିସ ଆୟ 367.92 କୋଟି ଟଙ୍କାକୁ ବୃଦ୍ଧି ପାଇବ । ସେପଟେ 6 ଦିନ ମଧ୍ୟରେ ବିଶ୍ବ ବକ୍ସ ଅଫିସରେ ଫିଲ୍ମ 628.04 କୋଟି ଟଙ୍କା କଲେକ୍ସନ କରି ଇତିହାସ ରଚିଛି ।
ଜବାନ ବିଶ୍ବ ବ୍ୟାପୀ କଲେକ୍ସନ
ପ୍ରଥମ ଦିନ: 129.60 କୋଟି
ଦ୍ବିତୀୟ ଦିନ: 110.87 କୋଟି
3ୟ ଦିନ: 144.22 କୋଟି