ହାଇଦ୍ରାବାଦ: ଦେଶ ତଥା ବିଦେଶରେ ଭଲ ପ୍ରଦର୍ଶନ କରୁଛି ଶାହାରୁଖ ଖାନ ଏବଂ ନୟନତାରାଙ୍କ ଅଭିନୀତ ଫିଲ୍ମ ଜବାନ । ଏହି ଫିଲ୍ମ ଦମଦାର ଓପନିଂ କରିଥିବା ବେଳେ ଘରୋଇ ବକ୍ସ ଅଫିସରେ ଚତୁର୍ଥ ଦିନରେ ବି ବେଶ ସଫଳତା ହାସଲ କରିଛି । ପ୍ରଥମ ରବିବାର ଅର୍ଥାତ୍ ଚତୁର୍ଥ ଦିନରେ ଜବାନ୍ 80 କୋଟି ରୋଜଗାର କରି ହିନ୍ଦୀ ସିନେମା ଇତିହାସ ପାଇଁ ରେକର୍ଡ ସୃଷ୍ଟି କରିଛି । ଏହିପରି ଫିଲ୍ମ ଏବେ ଇଣ୍ଡଷ୍ଟ୍ରି ଟ୍ରାକର ସାକ୍ନିଲ୍କିଙ୍କ ଅନୁଯାୟୀ ଏହି ଚଳଚ୍ଚିତ୍ରଟି ପଞ୍ଚମ ଦିନରେ 300 କୋଟି କ୍ଲବରେ ସାମିଲ ହେବ ବୋଲି ଜଣାପଡିଛି ।
ସାକ୍ନିଲ୍କିଙ୍କ ରିପୋର୍ଟର ପ୍ରାରମ୍ଭିକ ଆକଳନ ଅନୁଯାୟୀ, 4ର୍ଥ ଦିନରେ ଫିଲ୍ମ 80.5 କୋଟି ଟଙ୍କା କଲେକ୍ସନ କରିବା ପରେ ଜବାନ 5ମ ଦିନରେ 30 କୋଟି ଟଙ୍କା ରୋଜଗାର କରିପାରେ କୁହାଯାଉଛି । କିନ୍ତୁ ପ୍ରଥମ ଦିନରେ 75 କୋଟିରେ ଓପନିଂ କରି ଏହି ଆକ୍ସନ ଥୀଲର ଫିଲ୍ମ ପ୍ରଥମ ହିନ୍ଦୀ ଫିଲ୍ମ ଭାବେ ଇତିହାସ ରଚିଥିଲା । ରିଲିଜର ଦ୍ୱିତୀୟ ଦିନରେ 53.23 କୋଟି, ତୃତୀୟ ଦିନରେ 77.83 କୋଟି ଏବଂ ଚତୁର୍ଥ ଦିନରେ 80.5 କୋଟି ଟଙ୍କା କଲେକ୍ସନ କରି ନିଜର ଦବଦବା ବଜାୟ ରଖିଛି । ପ୍ରାରମ୍ଭିକ ଆକଳନ ଅନୁଯାୟୀ ଯଦି 5ମ ଦିନରେ ଫିଲ୍ମ 30 କୋଟି ଟଙ୍କା ଆୟ କରେ ତେବେ ଏହି ଚଳଚ୍ଚିତ୍ରଟିର ମୋଟ ଭାରତୀୟ ବକ୍ସ ଅଫିସରେ 316.56 କୋଟି ଟଙ୍କାକୁ ବୃଦ୍ଧି ପାଇବ । ଏହା ସହ ପଠାନ ଏବଂ ଗଦର 2 ପରେ 2023ର 300 କୋଟି କ୍ଲବରେ ସାମିଲ ହୋଇଥିବା ତୃତୀୟ ହିନ୍ଦୀ ଚଳଚ୍ଚିତ୍ର ଭାବେ ଜବାନ ଏକ ରେକର୍ଡ ସୃଷ୍ଟି କରିବ ।