ମୁମ୍ବାଇ: 'ପଠାନ' ପରେ ଫିଲ୍ମ 'ଜବାନ' ସହ ପୁଣି ବକ୍ସ ଅଫିସରେ ଧମାକା କରିବାକୁ ପ୍ରସ୍ତୁତ ଅଛନ୍ତି କିଙ୍ଗ୍ ଖାନ ଶାହାରୁଖ ଖାନ । ଫିଲ୍ମର ପ୍ରିଭ୍ୟୁ ଦେଖିବା ଦିନ ଠାରୁ ଫ୍ୟାନ୍ସଙ୍କ ମଧ୍ୟରେ ଫିଲ୍ମକୁ ନେଇ ଭିନ୍ନ କ୍ରେଜ ଦେଖିବାକୁ ମିଳିଛି । ଏହି ଫିଲ୍ମ 7 ସେପ୍ଟେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଫିଲ୍ମ ରିଲିଜକୁ ଆଉ ମାତ୍ର କିଛି ଦିନ ରହିଥିବା ବେଳେ ଫିଲ୍ମ ପାଇଁ ଆଡଭାନ୍ସ ବୁକିଂ ଆରମ୍ଭ ହୋଇଛି । ଆମେରିକାରେ ଆଡଭାନ୍ସ ବୁକିଂରେ ଫିଲ୍ମ ରେକର୍ଡ ସୃଷ୍ଟି କରିଥିବା ବେଳେ ବର୍ତ୍ତମାନ ଭାରତରେ ମଧ୍ୟ ଫିଲ୍ମ ସଫଳତା ହାସଲ କରିଛି । କିଛି ମିନିଟ୍ ମଧ୍ୟରେ ଫିଲ୍ମର ସମସ୍ତ ଟିକେଟ ବିକ୍ରି ହୋଇଛି ।
'ଜୱାନ୍' ପାଇଁ ଆଡଭାନ୍ସ ବୁକିଂ ଆମେରିକା, ସଂଯୁକ୍ତ ଆରବ ଅମିରାତ୍ (ୟୁଏଇ), ଅଷ୍ଟ୍ରେଲିଆ, ସାଉଦି ଆରବ ଏବଂ ଜର୍ମାନୀ ଇତ୍ୟାଦି ଅନ୍ତର୍ଜାତୀୟ କେନ୍ଦ୍ରରେ ଖୋଲି ସାରିଛି । ଭାରତରେ ମୁମ୍ବାଇର କେବଳ ଅଳ୍ପ କିଛି କେନ୍ଦ୍ରରେ ଅଗ୍ରୀମ ବୁକିଂ ଖୋଲିଛନ୍ତି । ସବୁଠି ଜବରଦସ୍ତ ଟିକେଟ ବିକ୍ରି ହୋଇଥିବା ବେଳେ ଭାରତରେ ମଧ୍ୟ ସମାନ ସ୍ଥିତି ରହିଛି । ଥାନେରେ ଦର୍ଶକମାନେ 1100 ଟଙ୍କା ମୂଲ୍ୟର ଟିକେଟ କିଣିଛନ୍ତି । 'ଜବାନ'ର ଟିକେଟ 15 ମିନିଟ ମଧ୍ୟରେ ଆଗୁଆ ବୁକିଂରେ ଟିକେଟ ବିକ୍ରି ହୋଇଯାଇଛି । ବିଦେଶରେ ପ୍ରାୟ 1.57କୋଟି ଟିକେଟ ବିକ୍ରି ହୋଇସାରିଲାଣି ।