ହାଇଦ୍ରାବାଦ: 4 ବର୍ଷ ପରେ ଶାହାରୁଖ ଖାନ ଦମଦାର ପିଲ୍ମ ସହ ବଡ଼ ପରଦାକୁ ଫେରିଛନ୍ତି। ଚଳିତବର୍ଷ କିଙ୍ଗଖାନ ଫିଲ୍ମ ପଠାନ ସହ ଧମାକା କରିଥିଲେ। ଏହି ଫିଲ୍ମ 1000କୋଟିରୁ ଅଧିକ ଆୟ କରି ଏହି ବର୍ଷର ସର୍ବାଧିକ ଆୟ କରିଥିବା ଫିଲ୍ମ ହୋଇଥିଲା। ବର୍ତ୍ତମାନ ଶାହାରୁଖ ଏହି ବର୍ଷ ଫିଲ୍ମ ଜବାନ ସହ ପୁଣି ଧମାକା କରିବାକୁ ପ୍ରସ୍ତୁତ ଅଛନ୍ତି। ଏହି ଫିଲ୍ମ ସେପ୍ଟେମ୍ବର 7ରେ ରିଲିଜ ହେବ। ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହୋଇସାରିଛି। ରିଲିଜ ପୂର୍ବରୁ ଫିଲ୍ମ 7.5ଲକ୍ଷ ଟିକେଟ୍ ବିକ୍ରି ହୋଇସାରିଲାଣି। ତେବେ ଏହାକୁ ଦେଖି ଲାଗୁଛି ଜବାନ ସହ ପୁଣି ଆଉ ଏକ ମାଇଲକୁଣ୍ଟ ଅତିକ୍ରମ କରିବେ କିଙ୍ଗ ଖାନ।
ଜବାନ ରିଲିଜକୁ ମାତ୍ର ଆଉ 2 ଦିନ ବାକି ଅଚି। ଏହା ପୂର୍ବରୁ ଫିଲ୍ମକୁ ନେଇ ଫ୍ୟାନ୍ସଙ୍କ ମଧ୍ୟରେ ଏକ ଦମଦାର କ୍ରେଜ ଦେଖିବାକୁ ମିଳିଛି। ତେବେ ଫିଲ୍ମର ଆଡଭାନ୍ସ ବୁକିଂ ସେପ୍ଟେମ୍ବର 1ରୁ ଆରମ୍ଭ ହୋଇଥିବା ବେଳେ 4 ଦିନ ମଧ୍ୟରେ 7.5 ଲକ୍ଷ ଟିକେଟ୍ ବିକ୍ରି ହୋଇସାରିଲାଣି। ଏହି ଅନୁସାରେ ଫିଲ୍ମ ରିଲିଜ ପୂର୍ବରୁ 21.3 କୋଟି ଆୟ କରିସାରିଲାଣି। ଜବାନ ହିନ୍ଦୀ 2D ବଜାରରେ 6,75,725 ଟିକେଟ ବିକ୍ରି କରିବାରେ ସଫଳ ହୋଇଛି। ସେହିପରି ହିନ୍ଦୀ IMAX ରେ 13,268 ଟିକେଟ ବିକ୍ରି କରିଛି। ଏବଂ ତେଲୁଗୁ 2D ବଜାରରେ 24,010 ଟିକେଟ ବିକ୍ରି କରିଥିବା ବେଳେ ତାମିଲ 2D ବଜାରରେ 28, 945 ଟିକେଟ ବିକ୍ରି କରିସାରିଲାଣି।