ହାଇଦ୍ରାବାଦ:ପଠାନ ପରେ ବଲିଉଡ ସୁପରଷ୍ଟାର ଶାହାରୁଖ ଖାନଙ୍କ ଫିଲ୍ମ ଜବାନ ସହ ଧମାକା କରିବାକୁ ଯାଉଛନ୍ତି । ବର୍ତ୍ତମାନ ଶାହାରୁଖଙ୍କ ସହ ଫିଲ୍ମର ପୁରା ଟିମ୍ ପ୍ରମୋସନରେ ବ୍ୟସ୍ତ ଅଛନ୍ତି । ନିକଟରେ ଚେନ୍ନାଇ ଏବଂ ପରେ ଦୁବାଇରେ ଫିଲ୍ମର ପ୍ରମୋସନ କରାଯାଇଥିଲା । ଏଥିସହ ସୋସିଆଲ ମିଡିଆରେ ଫିଲ୍ମର ଟ୍ରେଲର ରିଲିଜ ପରେ ବୁର୍ଜ ଖଲିଫାରେ ଫିଲ୍ମର ଟ୍ରେଲର ପ୍ରଦର୍ଶିତ ହୋଇଥିଲା ବର୍ତ୍ତମାନ ଫିଲ୍ମର ଆଡବାନ୍ସ ବୁକିଂ ଆରମ୍ଭ ହୋଇଛି । କିଛି ଘଣ୍ଟା ମଧ୍ୟରେ ଫିଲ୍ମର 11ହଜାରରୁ ଅଧିକ ଟିକେଟ୍ ବିକ୍ରି ହୋଇଛି ।
ଟ୍ରେଡ୍ ଆନାଲିଷ୍ଟ ଆଦର୍ଶ ଟ୍ୱିଟରରେ ଜବାନର ଅଗ୍ରୀମ ବୁକିଂ ଫିଗରକୁ ସେୟାର କରିଛନ୍ତି । ତାଙ୍କ ଟ୍ୱିଟ୍ ଅନୁଯାୟୀ ନ୍ୟାସନାଲ ଚେନରେ ଫିଲ୍ମର ବୁକିଂ ଦମଦାର ରହିଛି । ଶୁକ୍ରବାର ଅପରାହ୍ନ 2:45 ସୁଦ୍ଧା PVR ଏବଂ Inoxରେ 66,000 ଏବଂ ସିନେପୋଲିସରେ 13,500 ଟିକେଟ୍ ବିକ୍ରି ହୋଇଛି । ଅର୍ଥାତ୍ କିଛି ଘଣ୍ଟା ମଧ୍ୟରେ ଫିଲ୍ମର 79 ହଜାର 500 ଟିକେଟ୍ ବିକ୍ରି ହୋଇସାରିଛି । ସେପଟେ ସାକ୍ନିକ୍ଙ୍କ ରିପୋର୍ଟ ଅନୁଯାୟୀ, ହିନ୍ଦୀ 2Dରେ 11,698 ଟିକେଟ, ତାମିଲ 2Dରେ 1383 ଟିକେଟ, ହିନ୍ଦୀ IMAXରେ 6,199 ଟିକେଟ ବିକ୍ରି ହୋଇଛି । ତେବେ ମୋଟ 11 ଲକ୍ଷ 8ହଜାର 280 ଟିକେଟ ବିକ୍ରି ହୋଇସାରିଲାଣି । ତେବେ ଫିଲ୍ମ ରିଲିଜ ପୂର୍ବରୁ ଆଡଭାନ୍ସ ବୁକିଂରେ 4.26କୋଟି ଆୟ କରିସାରିଲାଣି ।
ରିପୋର୍ଟ ଅନୁଯାୟୀ, ଫିଲ୍ମର ବଜେଟ୍ 300କୋଟି ହୋଇଥିବା ବେଳେ ଭାରତର 6000 ସ୍କ୍ରିନରେ ଫିଲ୍ମ ରିଲିଜ ହେବ । ଫିଲ୍ମ 2 ଘଣ୍ଟା 45 ମିନିଟର ଅଟେ । ଏଥିସହ ଫିଲ୍ମକୁ ସେନ୍ସର ବୋର୍ଡ ୟୁ/ଏ ସାର୍ଟିଫିକେଟ ପ୍ରଦାନ କରିଛି । ଏଥିସହ ଫିଲ୍ମ ରିଲିଜ ଦିନ ପ୍ରଥମ ଦିନର ପ୍ରଥମ ଶୋ'ରେ ଶାହାରୁଖଙ୍କ 8ଲକ୍ଷ 5ହଜାର ଫ୍ୟାନ୍ସ ସେଲିବ୍ରେଟ କରିବେ । ତେବେ ଫିଲ୍ମର ଟ୍ରେଲରକୁ ପ୍ରଶଂସକଙ୍କଠାରୁ ଭଲ ପ୍ରତିକ୍ରିୟା ମିଳିଛି ଏବଂ ବର୍ତ୍ତମାନ ଫିଲ୍ମଟି ଆଡଭାନ୍ସ ବୁକିଂ କ୍ଷେତ୍ରରେ ମଧ୍ୟ ଭଲ କାମ କରୁଛି । ଫିଲ୍ମ ମଧ୍ୟ ଦମଦାର ଓପନିଂ କରିବ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ:ବୁର୍ଜ ଖଲିଫାରେ ଶାହାରୁଖଙ୍କ ଡାଇଲଗ, କହିଲେ ଏହା ସମସ୍ତ ପିତାଙ୍କୁ ଉତ୍ସର୍ଗ
ଫିଲ୍ମ ବିଷୟରେ କହିବାକୁ ଗଲେ, 2023 ମସିହାରେ ପଠାନ ରିଲିଜ୍ ହେବା ପରେ ଜବାନ୍ ଶାହାରୁଖଙ୍କ ଦ୍ୱିତୀୟ ଚଳଚ୍ଚିତ୍ର । ଏହି ଚଳଚ୍ଚିତ୍ରରେ ଶାହାରୁଖ ଖାନଙ୍କୁ ଅନେକ ଲୁକ୍ରେ ଦେଖିବାକୁ ମିଳିବ । ଏହି ଫିଲ୍ମ ସେପ୍ଟେମ୍ବର 7ରେ ସାରା ବିଶ୍ୱରେ ସିନେମା ହଲ୍ରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରରେ ଶାହାରୁଖ ଖାନଙ୍କ ବିପକ୍ଷରେ ସାଉଥ ଅଭିନେତ୍ରୀ ନୟନତାରା ନଜର ଆସିବେ। ଏବଂ ଖଳନାୟକ ଭୂମିକାରେ ସାଉଥ ଅଭିନେତା ବିଜୟ ସେଥୁପଥୀ ନଜର ଆସିବେ। ଏହି ଫିଲ୍ମକୁ ନିର୍ଦ୍ଦେଶକ ଅଟଲି ନିର୍ଦ୍ଦେଶନା ଦେଇଛନ୍ତି। ନୟନତାରା, ଅଟଲି ଏବଂ ବିଜୟଙ୍କ ସହ ଶାହାରୁଖ ପ୍ରଥମ ଥର ପାଇଁ କାମ କରିଛନ୍ତି।
