ହାଇଦ୍ରାବାଦ:ସାଉଥ ଫିଲ୍ମ ଇଣ୍ଡଷ୍ଟ୍ରିର ମେଗା-ବ୍ଲକବଷ୍ଟର ଏବଂ ଓସ୍କାର ବିଜେତା ଫିଲ୍ମ 'ଆରଆରଆର'ର ଏସ୍ ରାଜାମୌଲି ନିର୍ଦ୍ଦେଶନା ଦେଇଥିବା ବେଳେ ଫିଲ୍ମରେ ସାଉଥ ସୁପରଷ୍ଟାର ଜୁନିଅର ଏନଟିଆର ଏବଂ ରାମଚରଣ ଅଭିନୟ କରିଥିଲେ । ମାର୍ଚ୍ଚ 25, 2022 ରେ ରିଲିଜ କରିଥିବା ଏହି ଫିଲ୍ମ 1150 କୋଟିରୁ ଅଧିକ ଟଙ୍କା ଆୟ କରି ରେକର୍ଡ ସୃଷ୍ଟି କରିଥିଲା । ତେବେ ଏହି ଫିଲ୍ମ କେବଳ ଦେଶରେ ନୁହଁ ସାରା ବିଶ୍ବରେ ସଫଳତା ହାସଲ କରିବା ସହ ବେଶ ଲୋକପ୍ରିୟତା ହାସଲ କରିଥିଲା । ହଲିଉଡର ଭେଟେରାନ ନିର୍ଦ୍ଦେଶକମାନେ ମଧ୍ୟ ଫିଲ୍ମ, ନିର୍ଦ୍ଦେଶକ ଏବଂ ଏହାର ମୁଖ୍ୟ ଅଭିନେତାମାନଙ୍କୁ ପ୍ରଶଂସା କରିଥିଲେ । ଏହାରି ମଧ୍ୟରେ ବର୍ତ୍ତମାନ ହଲିଉଡ ଭେଟେରାନ୍ ନିର୍ଦ୍ଦେଶକ ଜେମ୍ସ ଗୁନ୍ ଜୁନିଅର ଏନଟିଆରଙ୍କ କାମର ପ୍ରଶଂସା କରି ତାଙ୍କ ସହ ଏକ ଫିଲ୍ମ କରିବାକୁ ଇଚ୍ଛା ପ୍ରକାଶ କରିଛନ୍ତି ।
ନିକଟରେ ଏକ ସାକ୍ଷାତକାରରେ ହଲିଉଡ ନିର୍ଦ୍ଦେଶକ ଜେମ୍ସ ଗୁନ୍ କହିଛନ୍ତି ଯେ ସେ ଫିଲ୍ମ RRR ଦେଖିଥିଲେ ଏବଂ ଜୁନିଅର ଏନଟିଆର ଅଭିନୟରେ ସେ ବେଶ ପ୍ରଭାବିତ ହୋଇଥିଲେ । ଏବଂ ତାଙ୍କ ସହ କାମ କରିବାକୁ ଇଚ୍ଛା ପ୍ରକାଶ କରିଛନ୍ତି । RRR ଦେଖିବା ପରେ, ଜେମ୍ସ ଗୁନ୍ କହିଥିଲେ, RRRର ଏହି ବ୍ୟକ୍ତି କିଏ, ଯିଏ ଏତେ ଭଲ କାମ କରେ, ଏହାର କାମ କ’ଣ, ଟାଇଗର ସହ ଗୁମ୍ଫାରୁ ବାହାରିବା ପ୍ରକୃତରେ ମଜାଦାର ଥିଲା । ମୁଁ ତାଙ୍କ ସହ କାମ କରିବାକୁ ଚାହେଁ, ଏହା ବହୁତ ମଜାଦାର ରହିବ ଏବଂ ବହୁତ ଭଲ ହେବ।