ହାଇଦ୍ରାବାଦ:ରଜନୀକାନ୍ତଙ୍କ ଜେଲରର ବକ୍ସ ଅଫିସରେ ଦମଦାର ପ୍ରଦର୍ଶନ କରୁଛି । 2 ବର୍ଷ ପରେ ରଜନୀକାନ୍ତ ଏହି ଫିଲ୍ମ ସହ କମବ୍ୟାକ କରିଥିବା ବେଳେ ଦର୍ଶକଙ୍କୁ ଥିଏଟରକୁ ଆକୃଷ୍ଟ କରିବାରେ ସଫଳ ହେଉଛି । ଅଗଷ୍ଟ 10ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିବା ରଜନୀକାନ୍ତଙ୍କ 'ଜେଲର'କୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଥିଲେ । ତେବେ ଜେଲର ରିଲିଜର 8 ଦିନ ବିତିଗଲାଣି । ଫିଲ୍ମ ବର୍ତ୍ତମାନ 235କୋଟିରୁ ଅଧିକ ଆୟ କରି ସଫଳତା ହାସଲ କରିଛି ।
ଜେଲର କେବଳ ଯେ ଭାରତରେ ନୁହେଁ ବରଂ ବିଦେଶ ବକ୍ସ ଅଫିସରେ ବି ଦମଦାର କଲେକ୍ସନ କରିଛି । ଭାରତ ବକ୍ସ ଅଫିସରେ ଫିଲ୍ମ କମାଲ କରିଛି । ରିପୋର୍ଟ ଅନୁଯାୟୀ, ଏହି ଚଳଚ୍ଚିତ୍ରଟି ଅଷ୍ଟମ ଦିନରେ ବକ୍ସ ଅଫିସରେ ପ୍ରାୟ 10 କୋଟି ବ୍ୟବସାୟ କରିଛି । ଏହି କ୍ରମରେ ବର୍ତ୍ତମାନ ଭାରତରେ ଜେଲରର ମୋଟ ସଂଗ୍ରହ 235.65 କୋଟି ହୋଇଛି । ଆଗାମୀ ଦିନରେ, 'ଜେଲର'ର ଏହି ସଂଗ୍ରହରେ ଅନେକ ଅଭିବୃଦ୍ଧି ଦେଖିବାକୁ ମିଳିବ ବୋଲି କୁହାଯାଉଛି । ସେପଟେ ବିଶ୍ବ ବକ୍ସ ଅଫିସରେ ଫିଲ୍ମ ଭଲ ପ୍ରଦର୍ଶନ କରିଛି । ରିଲିଜ୍ ହେବାର ପ୍ରଥମ ସପ୍ତାହରେ ବିଶ୍ବରେ 400 କୋଟି କଲେକ୍ସନ ସହ ରେକର୍ଡ ସୃଷ୍ଟି କରିଥିଲା । ବର୍ତ୍ତମାନ ରିଲିଜ୍ ହେବାର 8 ଦିନରେ, ଏହି ଚଳଚ୍ଚିତ୍ର ସାରା ବିଶ୍ୱରେ 411 କୋଟି ବ୍ୟବସାୟ କରିଛି ।