ହାଇଦ୍ରାବାଦ:ଭେଟେରାନ ଅଭିନେତା କମଲ ହାସନ ନାଗ ଅଶ୍ୱିନଙ୍କ ବହୁଭାଷୀ ଚଳଚ୍ଚିତ୍ର 'ପ୍ରୋଜେକ୍ଟ କେ' ନଜର ଆସିବାକୁ ଯାଉଛନ୍ତି । ଏହି ଫିଲ୍ମ ଏକ ମଲ୍ଟି ଷ୍ଟାରର ଫିଲ୍ମ ଅଟେ । ଫିଲ୍ମରେ ସାଉଥ ଅଭିନେତା ପ୍ରଭାସ, ବଲିଉଡ ଅଭିନେତ୍ରୀ ଦୀପିକା ପାଦୁକୋନ, ଅଭିନେତା ଅମିତାଭ ବଚ୍ଚନଙ୍କୁ ଯୋଡା ହୋଇଥିଲା । ବର୍ତ୍ତମାନ ଏହି ଫିଲ୍ମରେ କମଲ ହାସନଙ୍କ ନାଁ ଯୋଡା ହୋଇଛି । ଏନେଇ ନିର୍ମାତା ଆଜି ଏହି ଘୋଷଣା କରିଛନ୍ତି । ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ନିର୍ମାତା ଏହି ସୂଚନା ଦେଇଛନ୍ତି ।
ପ୍ରଡକ୍ସନ୍ ହାଉସ୍ ବୈଜନ୍ତୀ ଚଳଚ୍ଚିତ୍ର ଏହାର ଅଫିସିଆଲ୍ ଟ୍ୱିଟରରେ କମଲ ହାସନଙ୍କ କାଷ୍ଟିଂ ଘୋଷଣା କରିଛି । ଏକ ଭିଡିଓ ସେୟାର କରି କ୍ୟାପସନରେ ଲେଖିଛନ୍ତି, "ଶ୍ରେଷ୍ଠ ଅଭିନେତା ଉଲଗାନାୟାଗାନ କମଲ ହାସନକୁ ସ୍ୱାଗତ କରୁଛୁ । ଆମର ଯାତ୍ରା ବର୍ତ୍ତମାନ ୟୁନିଭର୍ସାଲ ହୋଇଛି । ମିଡିଆ ରିପୋର୍ଟ ଅନୁଯାୟୀ, 'ପ୍ରୋଜେକ୍ଟ'ରେ ବହୁତ ଭଲ ଗ୍ରାଫିକ୍ସ ବ୍ୟବହାର କରାଯାଉଛି । ନିର୍ମାତା ଏହାକୁ ବିଶ୍ବସ୍ତରରେ ବଡ଼ ଆକ୍ସନ ଏବଂ ଏଣ୍ଟରଟେନମେଣ୍ଟ ଫିଲ୍ମ କରିବାକୁ ପ୍ରସ୍ତୁତ କରୁଛନ୍ତି । ତେବେ ନିର୍ମାତା ପ୍ରାୟ 70 ପ୍ରତିଶତ ସୁଟିଂ ଶେଷ କରିଥିବା ଜଣାପଡିଛି ।
କମଲଙ୍କ କାଷ୍ଟିଂ ଘୋଷଣା ଭିଡିଓରେ କମଲଙ୍କ ସିନେମାର ଅନେକ ମୋଣ୍ଟେଜ୍ ସଟ ରହିଛି । ନିର୍ମାତାମାନେ ଫିଲ୍ମରୁ କମଲଙ୍କ ଲୁକକୁ ଏପର୍ଯ୍ୟନ୍ତ ପ୍ରକାଶ କରିନାହାନ୍ତି । ଭିଡିଓରେ ଲେଖା ଅଛି," ଆମକୁ ଏପରି ଜଣେ ବ୍ୟକ୍ତି ଦରକାର, ଯାହାର ଛାୟା ପୃଥିବୀକୁ ଆଚ୍ଛାଦିତ କରିପାରିବ । ସେ କେବଳ ଜଣେ, ଉଲାଗାନାୟାଗାନ କମଲ ହାସନ। " ତେବେ ସୁପରଷ୍ଟାର କମଲ ହାସନ ଅଗଷ୍ଟ ମାସରେ 'ପ୍ରୋଜେକ୍ଟ କେ' ପାଇଁ ସୁଟିଂ ଆରମ୍ଭ କରିବେ ବୋଲି ଜଣାପଡିଛି । ତେବେ ଏହି ଭିଡିଓକୁ ଫ୍ୟାନ୍ସ ଲାଇକ କରିବା ସହ ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି ।
ସୂଚନା ଅନୁସାରେ, 'ପ୍ରୋଜେକ୍ଟ କେ' ଏକ ବିଗ ବଜେଟରେ ତିଆରି କରାଯାଉଛି । ରିପୋର୍ଟ ଅନୁଯାୟୀ, ଫିଲ୍ମର ବଜେଟ୍ ପ୍ରାୟ 500 କୋଟି ଅଟେ । ଏହାକୁ ଭାରତୀୟ ସିନେମାର ସବୁଠାରୁ ମହଙ୍ଗା ଚଳଚ୍ଚିତ୍ର ଭାବରେ ବର୍ଣ୍ଣନା କରାଯାଉଛି । ଫିଲ୍ମରେ ବଲିଉଡ ଅଭିନେତ୍ରୀ ଦିଶା ପଟାନି ମଧ୍ୟ ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ଜାନୁଆରୀ 12, 2024ରେ ତେଲୁଗୁ, ହିନ୍ଦୀ, ତାମିଲ, କନ୍ନଡ ଏବଂ ମାଲାୟାଲମରେ ଭାଷାରେ ରିଲିଜ ହେବ ।
ସୂଚନା ଥାଉ କି, ନିକଟରେ ରିଲିଜ୍ ହୋଇଥିବା ଫିଲ୍ମ 'ଆଦିପୁରୁଷ' ପାଇଁ ସାଉଥ ଅଭିନେତା ପ୍ରଭାସ ଆଜିକାଲି ଶିରୋନାମାରେ ରହିଛନ୍ତି। ଚଳଚ୍ଚିତ୍ରଟି ରିଲିଜ ହେବା ପରଠାରୁ ସମାଲୋଚନାର ସମ୍ମୁଖୀନ ହୋଇଛି । ଚଳଚ୍ଚିତ୍ରର ସଂଳାପଠାରୁ ଆରମ୍ଭ କରି କାଷ୍ଟଙ୍କ ଲୁକକୁ ନେଇ ଦର୍ଶକ ଅସନ୍ତୋଷ ବ୍ୟକ୍ତ କରୁଛନ୍ତି । ଦେଶବ୍ୟାପୀ ଫିଲ୍ମକୁ କଡା ସମୋଲେଚନା କରିବା ସହ ଫିଲ୍ମ ବ୍ୟାନ କରିବାକୁ ଦାବି କରାଯାଉଛି।
