ହାଇଦ୍ରାବାଦ: ସୋନି ଟିଭିର ଲୋକପ୍ରିୟ ରିଆଲିଟି ଶୋ’ ଇଣ୍ଡିଆସ୍ ଗଟ୍ ଟ୍ୟାଲେଣ୍ଟ୍ (India’s Got Talent) ର ଗ୍ରାଣ୍ଡ ଫାଇନାଲ୍ ରବିବାର ଅନୁଷ୍ଠିତ ହୋଇଥିଲା । ଶୋ’ର ଗ୍ରାଣ୍ଡ୍ ଫାଇନାଲ୍ ଅତ୍ୟନ୍ତ ଆକର୍ଷଣୀୟ ଥିଲା ଏବଂ ପ୍ରାୟ 7 ପ୍ରତିଯୋଗୀଙ୍କ ମଧ୍ୟରେ ଏକ କଡା ଟକ୍କର ଦେଖିବାକୁ ମିଳିଥିଲା । ମୁକାବିଲା ପରେ ଶେଷରେ ଦର୍ଶକଙ୍କୁ 'ଇଣ୍ଡିଆର ଗଟ୍ ଟ୍ୟାଲେଣ୍ଟ୍'ର ବିଜେତା ମଧ୍ୟ ମିଳି ଯାଇଛି । ଶୋ’ର ଫାଇନାଲରେ ଦିବ୍ୟାଂଶ-ମନୁରାଜଙ୍କ ଯୋଡି ସମସ୍ତଙ୍କୁ ପଛରେ ପକାଇ ବିଜେତା ହୋଇଛନ୍ତି।
ଫାଇନାଲରେ ଦିବ୍ୟାଂଶ-ମନୁରାଜ ବିଏସ୍ ରେଡ୍ଡି, ୱାରିଅର୍ ସ୍ବାଡ୍, ବମ୍ ଫାୟାର୍ କ୍ରୁ ଭଳି ଅନେକ ପ୍ରତିଭାବାନ ପ୍ରତିଯୋଗୀକୁ ପଛରେ ପକାଇଛନ୍ତି । ଦିବ୍ୟାଂଶ-ମନୁରାଜ ବିଜେତା ହେବା ପରେ ଦୁହେଁ ଟ୍ରଫି ସହିତ କାର୍ ଏବଂ ୨୦ ଲକ୍ଷ ଟଙ୍କା ପୁରସ୍କାର ରାଶି ଭାବରେ ପ୍ରଦାନ କରାଯାଇଛି । ଶୋ’ର ପ୍ରଥମ ରନର୍ସ-ଅପ୍ ଇଶିତା ବିଶ୍ୱକର୍ମାଙ୍କୁ ୫ ଲକ୍ଷ ଟଙ୍କା ମିଳିଥିବାବେଳେ ଦ୍ୱିତୀୟ ରନର୍ସ-ଅପ୍ଙ୍କୁ ୫ଲକ୍ଷ ଟଙ୍କା ମିଳିଛି।