ହାଇଦ୍ରାବାଦ: ବଲିଉଡର ପ୍ରସିଦ୍ଧ ନିର୍ଦ୍ଦେଶକ ମଧୁର ଭଣ୍ଡାରକରଙ୍କ ନିର୍ଦ୍ଦେଶିତ ଫିଲ୍ମ 'ଇଣ୍ଡିଆ ଲକଡାଉନ୍'ର ଟ୍ରେଲର ମୁକ୍ତିଲାଭ (India Lockdown Trailer Out Now) କରିଛି । କୋଭିଡ 19 ହେତୁ ଦେଶରେ ଲାଗିଥିବା ଲକଡାଉନ୍ ଉପରେ ଆଧାରିତ ଏହି ଚଳଚ୍ଚିତ୍ରରେ ପ୍ରତ୍ୟେକ ଶ୍ରେଣୀର ଲୋକଙ୍କ କାହାଣୀ ଚିତ୍ରିତ ହୋଇଛି। ଲକଡାଉନ୍ ସମୟରେ ଲୋକମାନେ କେଉଁ ପ୍ରକାର ଯନ୍ତ୍ରଣା ଭୋଗିଛନ୍ତି, ଏହାର ଉଦାହରଣ ହେଉଛି ଇଣ୍ଡିଆ ଲକଡାଉନର ଏହି ଟ୍ରେଲର ।
ଲୋକଙ୍କ ଲକଡାଉନ୍ ଯନ୍ତ୍ରଣାକୁ ଦେଖାଇବ ଇଣ୍ଡିଆ ଲକଡାଉନ୍
'ଇଣ୍ଡିଆ ଲକଡାଉନ୍'ର ଏହି ଟ୍ରେଲରରେ, କୋରୋନା ଅବଧିରେ ଲୋକଙ୍କ ଜୀବନରେ କିପରି ଏକ ବଡ ପରିବର୍ତ୍ତନ ଘଟିଛି ତାହା ସ୍ପଷ୍ଟ ଭାବରେ ଦର୍ଶାଯାଇଛି । ସମାଜର ପ୍ରତ୍ୟେକ ବିଭାଗ ପାଇଁ ଲକଡାଉନ୍ ସ୍ଥିତି ଅତ୍ୟନ୍ତ ଭୟଭୀତ ଥିଲା । 2020 ମସିହା, ଆରମ୍ଭର 21 ଦିନିଆ ଲକଡାଉନ୍ ଲୋକମାନେ ଯେମିତି ସେମିତି କାଟି ଦେଇଥିଲେ । କିନ୍ତୁ ଏହା ପରେ, ପ୍ରାୟ 3-4 ମାସର ଲକଡାଉନ୍ ପର୍ଯ୍ୟାୟ ଲୋକଙ୍କ ବଞ୍ଚିବା କଷ୍ଟକର କରିଦେଇଥିଲା । ଲୋକମାନେ ନିଜ ସହର, ଘର ଏବଂ ସେମାନଙ୍କ ସମ୍ପର୍କୀୟଙ୍କୁ ଭେଟି ପାରିଲେ ନଥିଲେ ।