ମୁମ୍ବାଇ: ଭାରତ-ପାକିସ୍ତାନ ମଧ୍ୟରେ ଏସିଆ କପ୍ର ସୁପର-୪ ମୁକାବିଲା ଖେଳାଯାଉଛି । ରବିବାର ଖେଳ ଦେଖିବାକୁ ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ପହଞ୍ଚିଥିଲେ ଉର୍ବଶୀ ରୌତେଲା । ଏହା ପୂର୍ବରୁ ଅର୍ଥାତ ଅଗଷ୍ଟ ୨୮ରେ ଭାରତ ଏବଂ ପାକିସ୍ତାନ ମୁକାବିଲା ସମୟରେ ମଧ୍ୟ ଉର୍ବଶୀ ଷ୍ଟାଡିୟମରେ ଉପସ୍ଥିତ ଥିଲେ। ଆଜିର ମୁକାବିଲାରେ ଋଷଭ ପନ୍ତ ଆଉଟ୍ ହେବା ପରେ ଉର୍ବଶୀଙ୍କ ନାମରେ ଖୁବ୍ ମିମ୍ସ ଦେଖିବାକୁ ମିଳିଛି।
ମ୍ୟାଚ୍ ସମୟରେ କ୍ୟାମେରା ଆଗରେ କଏଦ ହୋଇଥିଲେ ଉର୍ବଶୀ ରୌତେଲା। ଭାରତୀୟ ଦଳକୁ ଉତ୍ସାହିତ କରିବା ପାଇଁ ନୀଳ ରଙ୍ଗର ଡ୍ରେସ୍ ପିନ୍ଧିଥିଲେ ଏବଂ ଏଥିରେ ସେ ଖୁବ୍ ସୁନ୍ଦର ଦେଖାଯାଉଥିଲେ । ପ୍ରଶଂସକ ତାଙ୍କ ଲୁକୁ ବହୁତ ପସନ୍ଦ କରିଛନ୍ତି । ବର୍ତ୍ତମାନ ଷ୍ଟାଡିୟମରେ ଉର୍ବଶୀଙ୍କ ଭିଡିଓ ଭାଇରାଲ୍ ହେବାରେ ଲାଗିଛି।
ଋଷଭ ପନ୍ତ ଏବଂ ଉର୍ବଶୀ ରୌତେଲାଙ୍କୁ ନେଇ ଗୁଜବ ସୃଷ୍ଟି ହୋଇଥିଲା । ତେଣୁ ଯେତେବେଳେ ଉର୍ବଶୀଙ୍କୁ ଟିଭି ପରଦାରେ ଦେଖାଗଲା, ସେତେବେଳେ ଋଷଭ ପନ୍ତ ଏବଂ ତାଙ୍କ ସମ୍ବନ୍ଧୀୟ ମିମ୍ସ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏମିତି କି ଡ୍ରେସିଂ ରୁମରୁ ଆସିଥିବା ଋଷଭ ପନ୍ତଙ୍କର ଏକ ଫଟୋ ଦେଖି ପ୍ରଶଂସକମାନେ ମଜାକ ଉଡାଇଥିଲେ ଏବଂ ଲେଖିଥିଲେ ଯେ ତାଙ୍କୁ ମ୍ୟାଚ୍ ଦେଖିବା ପାଇଁ କିଏ ଡାକିଛନ୍ତି । ଏହା ବ୍ୟତୀତ କିଛି ୟୁଜର ଲେଖିଛନ୍ତି ଯେ, ଉର୍ବଶୀଙ୍କ ହାଏ ପୁଣି ଚାଲିଆସିଲେ।