ହାଇଦ୍ରାବାଦ: ଆସନ୍ତା ମାସରେ ଅକ୍ଟୋବର (2023) ରେ କ୍ରିକେଟ୍ ବିଶ୍ୱକପ୍ ଅନୁଷ୍ଠିତ ହେବାକୁ ଯାଉଛି। ଏହି କ୍ରିକେଟ୍ ବିଶ୍ୱକପ୍ 2023 ବିଷୟରେ ବିଶେଷ କଥା ହେଉଛି ଏଥର ଏହାକୁ ଭାରତ ଆୟୋଜିତ କରିବ। ଅକ୍ଟୋବରରୁ ନଭେମ୍ବର ମଧ୍ୟରେ ଦେଶର ବିଭିନ୍ନ ରାଜ୍ୟର କ୍ରିକେଟ୍ ଷ୍ଟାଡିୟମରେ ମ୍ୟାଚ୍ ଅନୁଷ୍ଠିତ ହେବ। ତେବେ ଏହି ଅବସରରେ ବିସିସିଆଇ ପକ୍ଷରୁ କିଛି ସେଲିବ୍ରିଟିଙ୍କୁ ଗୋଲ୍ଡେନ ଟିକେଟ ପ୍ରଦାନ କରାଯାଇଛି। ପୂର୍ବରୁ ବଲିଉଡ ଅଭିନେତା ଅମିତାଭ ବଚ୍ଚନ ଏବଂ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କୁ ଏହି ଟିକେଟ ପ୍ରଦାନ କରିଛି। ବର୍ତ୍ତମାନ ସାଉଥ ମେଗାଷ୍ଟାର ରଜନୀକାନ୍ତଙ୍କୁ ବି ଗୋଲ୍ଡେନ ଟିକେଟ ପ୍ରଦାନ କରାଯାଇଛି। ବିସିସିଆଇ ସଚିବ ଜୟ ଶାହା ରଜନୀକାନ୍ତଙ୍କୁ ଏହି ଟିକେଟ ଦେଇଛନ୍ତି।
ବିସିସିଆଇ ଏକ୍ସରେ ଏକ ପୋଷ୍ଟ ସେୟାର କରିଛନ୍ତି। ଯେଉଁଥିରେ ଜୟ ଶାହା ରଜନୀକାନ୍ତଙ୍କୁ ଟିକେଟ ପ୍ରଦାନ କରୁଥିବା ଦେଖିବାକୁ ମିଳିଛି। ଏହି ଫଟୋ ସେୟାର କରି କ୍ୟାପସନରେ ବିସିସିଆଇ ପକ୍ଷରୁ ଲେଖାହୋଇଛି ଯେ, ଚଳଚ୍ଚିତ୍ର ଜଗତରେ ରଜନୀକାନ୍ତଙ୍କ ଚମତ୍କାର ଅବଦାନକୁ ଧ୍ୟାନରେ ରଖି ତାଙ୍କୁ ଆଗାମୀ ଆଇସିସି କ୍ରିକେଟ୍ ବିଶ୍ୱକପ୍ ପାଇଁ ଏକ ବିଶେଷ ଅତିଥି ଭାବରେ ନିମନ୍ତ୍ରଣ କରାଯାଇଛି। ଆମେ ଏହା ଘୋଷଣା କରି ଖୁସି ଯେ ଥାଲାଇଭା ଆଇସିସି କ୍ରିକେଟ୍ ବିଶ୍ୱକପ୍ 2023 କୁ ଆମର ବିଶେଷ ଅତିଥି ହେବେ ଏବଂ ତାଙ୍କ ଉପସ୍ଥିତି ସବୁଠାରୁ ବଡ ଇଭେଣ୍ଟରେ ଚାନ୍ଦ ଚାନ୍ଦ ଲଗାଇବ। ତେବେ ଏହି ଗୋଲ୍ଡେନ ଟିକେଟ୍ ମାଧ୍ୟମରେ ଥାଲାଇଭା କ୍ରିକେଟ୍ ର ମହାକୁମ୍ବଙ୍କୁ ଉପଭୋଗ କରୁଥିବା ଦେଖିବାକୁ ମିଳିବ। ଫଟୋରେ ରଜନୀକାନ୍ତ ହ୍ବାଇଟ୍ ଟି-ସାର୍ଟରେ ଥିବାବେଳେ ଜୟ ଶାହା ହ୍ବାଇଟ୍ ସାର୍ଟ ଏବଂ ବ୍ଲାକ ପ୍ୟାଣ୍ଟରେ ନଜର ଆସିଛନ୍ତି।