ହାଇଦ୍ରାବାଦ: ବଲିଉଡ୍ ଅଭିନେତା ରଣବୀର କପୁର ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଆନିମଲ' ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି । ନିକଟରେ ଫିଲ୍ମର ଟିଜର ମୁକ୍ତିଲାଭ କରିଥିଲା, ଯାହା ଦର୍ଶକଙ୍କଠାରୁ ବହୁତ ସକାରାତ୍ମକ ପ୍ରତିକ୍ରିୟା ପାଇଥିଲା । ପ୍ରଶଂସକଙ୍କ ଉତ୍ସାହ ବଢ଼ାଇବାକୁ ନିର୍ମାତାମାନେ ଫିଲ୍ମ 'ହୁଆ ମେଁ'ର ପ୍ରଥମ ଗୀତ ରିଲିଜ୍ କରିଛନ୍ତି ।
ଆନିମଲର ପ୍ରଥମ ଗୀତ 'ହୁଆ ମେଁ' ରିଲିଜ୍
ଏହା ଏକ ରୋମାଣ୍ଟିକ୍ ଟ୍ରାକ୍, ଯେଉଁଥିରେ ରଣବୀର-ରଶ୍ମିକାଙ୍କ ସିଜଲିଂ କେମେଷ୍ଟ୍ରି ଦେଖିବାକୁ ମିଳିଛି । ଉଭୟଙ୍କ ଚମତ୍କାର କେମେଷ୍ଟ୍ରି ଦର୍ଶକଙ୍କୁ ମଧ୍ୟ ପସନ୍ଦ ଆସିଛି । ଗୀତଟି ଉଭୟଙ୍କ ଚୁମ୍ବନ ଦୃଶ୍ୟରୁ ଆରମ୍ଭ ହୁଏ ଏବଂ ଏହାପରେ ଉଭୟଙ୍କ ଅନେକ ଲିପ୍ଲକ୍ ସିନ୍ ଦେଖିବାକୁ ମିଳିବ । ଗୀତରେ ଉଭୟଙ୍କ ଯୋଡ଼ି କମାଲ ଲାଗୁଛି । ସୂଚନାଯୋଗ୍ୟ ଯେ ରଣବୀର ଏବଂ ରଶ୍ମିକା ଏହି ଫିଲ୍ମ ମାଧ୍ୟମରେ ପ୍ରଥମ ଥର ପାଇଁ ବଡ଼ ପରଦାରେ ଏକାଠି ନଜର ଆସିବେ ।
ଏହା ମଧ୍ୟ ପଢନ୍ତୁ: Animal First Song: ରିଲିଜ ହୋଇନି ପ୍ରଥମ ଗୀତ, ଇଣ୍ଟରନେଟରେ ନିଆଁ ଲଗାଇଲା ରଣବୀର-ରଶ୍ମିକାଙ୍କ ଲିପ୍ଲକ୍ ସିନ୍
ଚଳଚ୍ଚିତ୍ର 'ଆନିମଲ'ର କାହାଣୀ
ଅନୀଲ କପୁର ଏବଂ ରଣବୀର କପୁର ପିତା ଏବଂ ପୁଅଙ୍କ ଚରିତ୍ରରେ ନଜର ଆସିଛନ୍ତି। ଯେଉଁଠାରେ ଅନୀଲ ତାଙ୍କ ପୁଅକୁ ନେଇ ବହୁତ ନିରାଶ ମନେ ହେଉଛନ୍ତି । କାହାଣୀଟି ପିତା-ପୁତ୍ର ସମ୍ପର୍କ ଏବଂ ପ୍ରତିଶୋଧ ଉପରେ ଆଧାରିତ । ତେବେ ଏହି କାହାଣୀରେ ଏକ ମୋଡ଼ ଆସିବ ବୋଲି ଦର୍ଶକଙ୍କ ଆଶା ଅଛି । ଏହି ଫିଲ୍ମରେ ରଶ୍ମିକା ଅଭିନେତା ରଣବୀର କପୁରଙ୍କ ବିପକ୍ଷରେ ନଜର ଆସିବେ । ଏହି ଚଳଚ୍ଚିତ୍ରରେ ରଶ୍ମିକାଙ୍କ ଚରିତ୍ରର ନାମ ହେଉଛି ଗୀତାଞ୍ଜଳି । ରଣବୀର କପୁର, ଅନୀଲ କପୁର ଏବଂ ରଶ୍ମିକା ମନ୍ଦାନାଙ୍କ ବ୍ୟତୀତ ବବି ଦେଓଲ, ତୃପ୍ତି ଡିମ୍ରି, ଶକ୍ତି କପୁର ମଧ୍ୟ ଏହି ଫିଲ୍ମରେ ଏକ ପ୍ରମୁଖ ଭୂମିକା ଗ୍ରହଣ କରିବେ । 'ଆନିମଲ୍' ନିର୍ଦ୍ଦେଶନା ଦେଇଛନ୍ତି ସନ୍ଦୀପ ରେଡ୍ଡୀ ଭଙ୍ଗା । ଏହି ଚଳଚ୍ଚିତ୍ର ପ୍ରେକ୍ଷାଳୟରେ 1 ଡିସେମ୍ବର 2023ରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ର ହିନ୍ଦୀ, ତାମିଲ, ତେଲୁଗୁ, କନ୍ନଡ଼ ଏବଂ ମାଲାୟାଲମ୍ ଭାଷାରେ ମୁକ୍ତିଲାଭ କରିବ ।
ଏହା ମଧ୍ୟ ପଢନ୍ତୁ: ଇରା-ନୁପୁରଙ୍କ ବିବାହ ତାରିଖ ଘୋଷଣା କଲେ ଆମୀର ଖାନ, କହିଲେ ‘ମୁଁ ସେଦିନ ବହୁତ କାନ୍ଦିବି’
କେବେ ରିଲିଜ ହେବ ଫିଲ୍ମ
ଆପଣଙ୍କୁ କହିରଖୁଛୁ, ଆନିମଲ ଫିଲ୍ମ ପୂର୍ବରୁ ଅଗଷ୍ଟ 11ରେ ଗଦର 2 ଏବଂ OMG 2 ସହିତ ମୁକ୍ତିଲାଭ କରିବାକୁ ଯାଉଥିଲା, କିନ୍ତୁ ନିର୍ମାତାମାନେ ରିଲିଜ୍ ତାରିଖ 1 ଡିସେମ୍ବର 2023କୁ ପରିବର୍ତ୍ତନ କରିଥିଲେ । ବର୍ତ୍ତମାନ ଫିଲ୍ମଟି ଆସନ୍ତା ଡିସେମ୍ବର 1ରେ ମୁକ୍ତିଲାଭ କରିବାକୁ ଯାଉଛି ।
