ମୁମ୍ବାଇ: ଗତ କିଛି ଦିନ ହେବ ବଲିଉଡର ଲୋକପ୍ରିୟ ଅଭିନେତ୍ରୀ ପରିଣୀତି ଚୋପ୍ରା ଏବଂ ଆପ୍ ସାସଂଦ ରାଘବ ଚଢାଙ୍କ ବିବାହ ନେଇ ଉଭୟ ହେଡଲାଇନରେ ରହିଆସୁଛନ୍ତି । ଉଭୟ କପଲକୁ ପ୍ରାୟତଃ ସ୍ଥାନରେ ଏକାଠି ଦେଖିବାକୁ ମିଳିଥିବା ବେଳେ ପରିଣୀତିଙ୍କୁ ପ୍ରସିଦ୍ଧ ଡିଜାଇନର ମନୀଷ ମଲହୋତ୍ରାଙ୍କ ଘରେ ମଧ୍ୟ ଦେଖିବାକୁ ମିଳିଥିଲା । ଏଥିସହ ନିକଟରେ ଜଣେ ଆପ୍ ନେତା ମଧ୍ୟ ଦୁହିଁଙ୍କ ସମ୍ପର୍କ ପାଇଁ ଶୁଭେଚ୍ଛା ଜଣାଇଥିଲେ । ଏହାରି ମଧ୍ୟରେ ଉଭୟଙ୍କୁ ନେଇ ପଞ୍ଜାବୀ ଗାୟକ ତଥା ଅଭିନେତା ହାର୍ଡି ସାନ୍ଧୁ ମଧ୍ୟ ଏକ ଖୁଲାସା କରିଛନ୍ତି । ସେ କହିଛନ୍ତି ପରିଣୀତି ରାଘବଙ୍କୁ ବିବାହ କରିବାକୁ ଯାଉଛନ୍ତି । ଏବଂ ଏନେଇ ମୁଁ ତାଙ୍କୁ ଶୁଭେଚ୍ଛା ଜଣାଉଛି ।
ତେବେ ସୋସିଆଲ ମିଡିଆରେ ପରିଣୀତି ଚୋପ୍ରା ଏବଂ ରାଘବ ଚଢାଙ୍କ ପଟୋ ଏବଂ ଭିଡିଓ ଭାଇରାଲ ହେବା ଦିନ ଠାରୁ ଫ୍ୟାନ୍ସ କେବଳ ଗୋଟିଏ ପ୍ରଶ୍ନ କରିଚାଲିଛନ୍ତି । ଏହା କି ପରିଣୀତି ପ୍ରକୃତରେ ଆପ୍ ନେତା ରାଘବ ଚଢାଙ୍କୁ ବିବାହ କରିବାକୁ ଯାଉଛନ୍ତି କି ? ଏହାରି ମଧ୍ୟରେ ବର୍ତ୍ତମାନ ପଞ୍ଜାବୀ ଗାୟକ ତଥା ଅଭିନେତା ହାର୍ଡି ସାନ୍ଧୁ ମଧ୍ୟ ଏହି ଖବରକୁ ନିଶ୍ଚିତ କରିଥିବା ଦେଖିବାକୁ ମିଳିଛି । ହାର୍ଡି ସାନ୍ଧୁ ଗତ ବର୍ଷ 'କୋଡ୍ ନାମ: ତିରଙ୍ଗା' ଫିଲ୍ମରେ ପରିଣୀତି ଚୋପ୍ରାଙ୍କ ସହ କାମ କରିଥିଲେ ଏବଂ ଏହି ଫିଲ୍ମର ସୁଟିଂ ସମୟରେ ପରିଣୀତି ହାର୍ଡିଙ୍କୁ ବିବାହ ବିଷୟରେ କହିଥିବା ହାର୍ଡି କହିଥିଲେ ।