ହାଇଦ୍ରାବାଦ:୨୦୨୪ ବର୍ଷ ପ୍ରାରମ୍ଭରେ ପୁଣି ବକ୍ସ ଅଫିସରେ ଧମାକା ଦେଖିବାକୁ ମିଳିଛି । ମକର ସଂକ୍ରାନ୍ତି ଅବସରରେ ପ୍ରେକ୍ଷାଳୟରେ ଲୋକଙ୍କୁ ମନୋରଞ୍ଜନ ଖୋରାକ ଯୋଗାଇବାକୁ ରିଲିଜ ହୋଇଛି ବଲିଉଡରୁ ସାଉଥ ଅନେକ ଫିଲ୍ମ । ଆଜି ଜାନୁଆରୀ ୧୨ରେ ରିଲିଜ ହୋଇଛି ୬ଟି ଫିଲ୍ମ । ମହେଶ ବାବୁଙ୍କ ଗୁଣ୍ଟୁର କରମ ଠାରୁ ଆରମ୍ଭ କରି କ୍ୟାଟ୍ରିନା କୈଫଙ୍କ ମେରୀ ଖ୍ରୀଷ୍ଟମାସ ଭଳି ଫିଲ୍ମ ପରଦାରେ ମୁକ୍ତିଲାଭ କରିଛି । ନିଜର ପ୍ରିୟ ଷ୍ଟାରଙ୍କୁ ପରଦାରେ ଦେଖି ଉତ୍ସାହିତ ହୋଇଛନ୍ତି ଫ୍ୟାନ୍ସ ।
- ଗୁଣ୍ଟୁର କରମ: ସାଉଥ ସୁପରଷ୍ଟାର ମହେଶ ବାବୁଙ୍କ 'ଗୁଣ୍ଟୁର କରମ' ଆଜି ମୁକ୍ତିଲାଭ କରିଛି । ମହେଶ ବାବୁଙ୍କ ଫିଲ୍ମର ବଜେଟ୍ ବର୍ତ୍ତମାନ ୨୦୦ କୋଟି ଟଙ୍କା ବୋଲି କୁହାଯାଉଛି । ଶ୍ରୀନିବାସଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ‘ଗୁଣ୍ଟୁର କରମ’ରେ ମହେଶ ବାବୁଙ୍କ ସମେତ ମିନାକ୍ଷୀ ଚୌଧୁରୀ ଏବଂ ଶ୍ରୀଲେଲା ମହେଶ ବାବୁଙ୍କ ସହ ପ୍ରମୁଖ ଭୂମିକାରେ ଅଭିନୟ କରିଛନ୍ତି ।
- ମେରୀ ଖ୍ରୀଷ୍ଟମାସ:ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ ଏବଂ ଶ୍ରୀରାମ ରାଘବନଙ୍କର ପ୍ରଥମ ତାମିଲ ଚଳଚ୍ଚିତ୍ର 'ମେରୀ ଖ୍ରୀଷ୍ଟମାସ'। ଏବଂ ଏଥିରେ ସାଉଥ ସୁରଷ୍ଟାର ବିଜୟ ସେଥୁପତି ମଧ୍ୟ ନଜର ଆସିଛନ୍ତି । ତେବେ ବିଜୟଙ୍କ ସହ ମଧ୍ୟ ପ୍ରଥମ ଥର ପାଇଁ ସ୍କ୍ରିନ୍ ସେୟାର କରିଛନ୍ତି କ୍ୟାଟ୍ରିନା । କ୍ୟାଟ୍ରିନା ଏବଂ ସେଥୁପଥୀଙ୍କ ବ୍ୟତୀତ ଏହି ଚଳଚ୍ଚିତ୍ରରେ ହିନ୍ଦୀ ସଂସ୍କରଣରେ ସଞ୍ଜୟ କପୁର, ବିନୟ ପାଠକ, ପ୍ରତୀମା କନ୍ନନ ଏବଂ ଟିନୁ ଆନନ୍ଦ ନଜର ଆସିଥିବା ବେଳେ ତାମିଲ ସଂସ୍କରଣରେ ରାଧିକା ଶରତକୁମାର, ଶାନମୁଗାରାଜା, କେଭିନ ଜୟ ବାବୁ ଏବଂ ରାଜେଶ ୱିଲିୟମ୍ସ ପ୍ରମୁଖ ଅଭିନୟ କରିଛନ୍ତି । ଏହି ଚଳଚ୍ଚିତ୍ରରେ ଜଣେ ଶିଶୁ ଅଭିନେତା ପ୍ୟାରୀ ମଧ୍ୟ ନଜର ଆସିଛନ୍ତି । ଅଶ୍ୱିନୀ କାଲସେକର ଏବଂ ରାଧିକା ଆପ୍ଟେ କେମିଓ ରୋଲରେ ନଜର ଆସିଛନ୍ତି ।
- ରୁସଲାନ:ସଲମାନ ଖାନଙ୍କ ଜ୍ବାଇଁ ଆୟୁଷ ଶର୍ମାଙ୍କ ଫିଲ୍ମ ରୁଲସାନ ମଧ୍ୟ ଆଜି ରିଲିଜ ହୋଇଛି । ଏହି ଫିଲ୍ମରେ ଜଗପତି ବାବୁ ମଧ୍ୟ ତାଙ୍କ ସହ ନଜର ଆସିଛନ୍ତି । ଏହି ଆକ୍ସନ ଥିଲର ଫିଲ୍ମର ନିର୍ଦ୍ଦେଶନା ଦେଇଛନ୍ତି କାତ୍ୟନନ ଶିବପୁରୀ ।
- କ୍ୟାପେଟନ ମିଲର:ସାଉଥ ଲୋକପ୍ରିୟ ଅଭିନେତା ଧନୁଷଙ୍କ ଆକ୍ସନ ଫିଲ୍ମ 'କ୍ୟାପେଟନ ମିଲର' ଆଜି ରିଲିଜ ହୋଇଛି । ଅରୁଣ ମଥେଶ୍ବରନ ନିର୍ଦ୍ଦେଶନା ଦେଇଥିବା ବେଳେ ଏହି ଫିଲ୍ମରେ ଧନୁଷଙ୍କୁ ଭିନ୍ନ ଭିନ୍ନ ଅବତାରରେ ଦେଖିବାକୁ ମିଳିଛି ।
- ଅୟଲାନ: ଆଉ ଏକ ତାମିଲ ଫିଲ୍ମ ଅୟଲାନ ବି ଆଜି ପରଦାରେ ରିଲିଜ କରିଛି । ଏହି ଆକ୍ସନ କମେଡି ସାଇନ୍ସ ଫିକ୍ସନ ଫିଲ୍ମକୁ ଆର ରବି ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମ ଲୋକପ୍ରିୟ କଣ୍ଠଶିଳ୍ପୀ ଏ ଆର ରେହମାନଙ୍କ ଗୀତ ରହିଛି । ଅଭିନେତା ଶିବ କାର୍ତ୍ତିକେୟନ ମୁଖ୍ୟ ଅଭିନେତା ଭାବେ ଏହି ଫିଲ୍ମରେ ନଜର ଆସିଥିବା ବେଳେ ବଲିଉଡ ଅଭିନେତ୍ରୀ ରକୁଲ ପ୍ରୀତ ସିଂ, ଶରଦ କେଲକର, ଇଶା କପିକର, ଭାନୁପ୍ରିୟା, ଯୋଗୀ ବାବୁ ନଜର ଆସିଛନ୍ତି ।