ହାଇଦ୍ରାବାଦ:ଆଜି ପବିତ୍ର ଗଣେଶ ଚତୁର୍ଥୀ। ପୁର ଠାରୁ ପଲ୍ଲି ସବୁଠି ବାପ୍ପାଙ୍କ ପୂଜା ଧୁମଧାମରେ ପାଳନ କରିଛନ୍ତି। ଏହି ପରିପ୍ରେକ୍ଷୀରେ ବଲିଉଡ ସେଲିବ୍ରିଟିମାନେ ମଧ୍ୟ ଗଣେଶ ଉତ୍ସବକୁ ପାଳନ କରିବା ସହ ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି। କେତେକ ସେଲିବ୍ରିଟି ନିଜ ଘରେ ଧୁମଧାମରେ ପୂଜାର୍ଚ୍ଚନା କରିଥିବା ବେଳେ ଅନେୟ କେତେକ ଫ୍ୟାନ୍ସ ପେଣ୍ଡାଲରେ ଗଣପତି ଜୀଙ୍କ ଦର୍ଶନ କରିଛନ୍ତି। ଏବଂ ସୋସିଆଲ ମିଡିଆରେ ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି।
ସୋସିଆଲ ମିଡିଆରେ ପୋଷ୍ଟ ସେୟାର କରି ଆଲିଆ ଭଟ୍ଟ, କାର୍ତ୍ତିକ ଆର୍ଯ୍ୟନ, ଅନନ୍ୟା ପାଣ୍ଡେ, କରୀନା କପୁର ଖାନ ଏବଂ ଅନ୍ୟାନ୍ୟ ଅଭିନେତାମାନେ ଏହି ଶୁଭ ଦିନରେ ନିଜ ପ୍ରଶଂସକଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ଶୁଭ ଅବସରରେ ରକୁଲ ପ୍ରୀତ ସିଂ ଏବଂ ଜ୍ୟାକି ଭାଗ୍ନାନୀ ଏବଂ ଅଭିନେତା ଗୋବିନ୍ଦାଙ୍କୁ ତାଙ୍କ ପରିବାର ସହ ପେଣ୍ଡାଲରେ ଗଣପତିଙ୍କ ଦର୍ଶନ କରୁଥିବା ଦେଖିବାକୁ ମିଳିଥିଲା। ସେହିପରି ସାରା ଅଲି ଖାନ ଏବଂ ମଲାଇକା ଆରୋରା ମଧ୍ୟ ପବିତ୍ର ଦିନର ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି।
କାର୍ତ୍ତିକ ଆର୍ଯ୍ୟନ୍ ପ୍ରଭୁ ଗଣେଶଙ୍କୁ ପ୍ରାର୍ଥନା କରିବା ପାଇଁ ମୁମ୍ବାଇର ପ୍ରସିଦ୍ଧ ଲାଲବାଗଚା ରାଜାଙ୍କୁ ଭେଟିଥିଲେ। ଏହି ଅବସରରେ କାର୍ତ୍ତିକ ହ୍ବାଇଟ ପ୍ୟାଣ୍ଟ ସହ ଯୋଡି ହୋଇଥିବା ଏକ କୁର୍ତ୍ତାରେ ନଜର ଆସିଥିଲେ। ଇନଷ୍ଟାଗ୍ରାମରେ ଉତ୍ସବର ଏକ ଫଟୋ ସେୟାର କରି କାର୍ତ୍ତିକ ଲେଖିଛନ୍ତି, "ବର୍ଷର ଆନନ୍ଦଦାୟକ ସମୟ। ଗଣପତି ବାପ୍ପା ମୋରିଆ।"