ହାଇଦ୍ରାବାଦ:ଖୁବଶୀଘ୍ର ବଡ ପରଦାରେ ପୁଣି ଏକାଠି ନଜର ଆସିବେ ବଲିଉଡ ଅଭିନେତା ଟାଇଗର ଶ୍ରଫ ଏବଂ ଅଭିନେତ୍ରୀ କ୍ରିତି ସାନନ । ଉଭୟ ତାରକାଙ୍କ ବହୁ ପ୍ରିତିକ୍ଷୀତ ଫିଲ୍ମ 'ଗଣପଥ' ଖୁବଶୀଘ୍ର ରିଲିଜ ହେବାକୁ ଯାଉଛି । ଏହା ପୂର୍ବରୁ ଫିଲ୍ମର ନିର୍ମାତା ଆଜି ଫିଲ୍ମର ଟ୍ରେଲର ରିଲିଜ କରିଛନ୍ତି । ସୋସିଆଲ ମିଡିଆରେ ଫିଲ୍ମର ଟ୍ରେଲର ରିଲିଜ ହେବା ମାତ୍ରେ ଫ୍ୟାନ୍ସ ଏହାକୁ ବେଶ ପସନ୍ଦ କରିବା ସହ ଫିଲ୍ମକୁ ନେଇ ଉତ୍ସାହିତ ରହିଛନ୍ତି ।
୨.୨୮ ମିନିଟର ଏହି ଟ୍ରେଲରରେ ଟାଇଗର ଶ୍ରଫ ଏବଂ କ୍ରିତି ସାନନଙ୍କୁ ଆକ୍ସନ ଅବତାରରେ ଦେଖିବାକୁ ମିଳିଛି । କ୍ରିତିଙ୍କ ଏହି ନୂଆ ଲୁକ୍ ଫ୍ୟାନ୍ସ ଦୃଷ୍ଟି ଆକର୍ଷଣ କରିଛି । ଏଥିସହ ଫିଲ୍ମରେ ବିଗ ବି ଅମିତାଭ ବଚ୍ଚନ ମଧ୍ୟ ନଜର ଆସିବାକୁ ଥିବା ବେଳେ ଫିଲ୍ମରେ ବିଗ ବିଙ୍କୁ ବି ଭିନ୍ନ ଲୁକରେ ଦେଖିବାକୁ ମିଳିଛି । ଏଥିସହ ଟ୍ରେଲରେ ଟାଇଗରଙ୍କ ଯାତ୍ରା ଗୁଡ୍ଡୁ ଭୂମିକାରୁ ଆରମ୍ଭ ହୋଇ ଆକ୍ସନ ମୋଡ ଗଣପଥରେ ଶେଷ ହେଉଥିବା ଦର୍ଶାଯାଇଛି ।
ବାଶୁ ଭଗ୍ନାନୀ, ଜ୍ୟାକି ଭଗ୍ନାନୀ, ଦୀପଶିଖା ଦେଶମୁଖ ଏବଂ ବିକାଶ ବାହଲ ଏହି ଚଳଚ୍ଚିତ୍ର ନିର୍ମାଣ କରିଛନ୍ତି । ଏହି ଚଳଚ୍ଚିତ୍ରଟି ହିନ୍ଦୀ, ତାମିଲ, ତେଲୁଗୁ, ମାଲାୟାଲମ୍ ଏବଂ କନ୍ନଡ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ ପାଇଁ ପ୍ରସ୍ତୁତ । ଏହି ଫିଲ୍ମ 20 ଅକ୍ଟୋବରରେ ରିଲିଜ ହେବ । ସେହି ଦିନ ଦିବ୍ୟା ଖୋସଲାଙ୍କ 'ୟାରିୟାଁ ୨' ମଧ୍ୟ ରିଲିଜ ହେବ । ଏହା ବ୍ୟତୀତ କ୍ରିତିଙ୍କ ଭଉଣୀ ନୁପୁରଙ୍କ ପ୍ରଥମ ଚଳଚ୍ଚିତ୍ର 'ଟାଇଗର ନାଗେଶ୍ୱର ରାଓ' ମଧ୍ୟ ସେହି ଦିନ ମୁକ୍ତିଲାଭ କରୁଛି । ଏଭଳି ପରିସ୍ଥିତିରେ ପୁଣି ଥରେ ବକ୍ସ ଅଫିସରେ ଜବରଦସ୍ତ ପ୍ରତିଦ୍ବନ୍ଦ୍ବିତା ଦେଖିବାକୁ ମିଳିବ ।
ଏହା ମଧ୍ୟ ପଢନ୍ତୁ:ଏୟାରପୋର୍ଟରେ ଜମ୍ପ ସୁଟରେ ନଜର ଆସିଲେ କ୍ରିତି ସାନନ, ଫ୍ୟାନ୍ସ ଦେଲେ ଏମିତି କମେଣ୍ଟ
ୱାର୍କପ୍ରଣ୍ଟ କଥା କହିବାକୁ ଗଲେ, 'ଗଣପଥ' ବ୍ୟତୀତ ଅକ୍ଷୟ କୁମାରଙ୍କ ସହ ଆଗାମୀ ଆକ୍ସନ୍ ଫିଲ୍ମ 'ବଡେ ମିୟାଁ ଛୋଟ୍ ମିୟାଁ'ରେ ମଧ୍ୟ ଟାଇଗରଙ୍କୁ ଦେଖିବାକୁ ମିଳିବ । ଅଲି ଅବ୍ବାସ ଜାଫରଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଇଦ୍ 2024 ଅବସରରେ ମୁକ୍ତିଲାଭ କରିବ । ଅନ୍ୟପକ୍ଷରେ କ୍ରିତିକୁ ବଲିଉଡ 'ବେବୋ' କରୀନା କପୁର ଖାନ, ତବୁ ଏବଂ ପଞ୍ଜାବୀ ତାରକା ଦିଲଜିତ ଦୋସାଞ୍ଜଙ୍କ ସହ 'କ୍ରୁ'ରେ ଦେଖିବାକୁ ମିଳିବ । ଏହା ବ୍ୟତୀତ କ୍ରିତି ଭେଟେରାନ ଅଭିନେତ୍ରୀ କାଜୋଲଙ୍କ ସହ 'ଦୋ ପତି'ରେ ମଧ୍ୟ ନଜର ଆସିବେ ।
