ହାଇଦ୍ରାବାଦ: ବଲିଉଡ ଷ୍ଟାର ସନ୍ନି ଦେଓଲ ଏବଂ ଅକ୍ଷୟ କୁମାରଙ୍କ ଫିଲ୍ମ ଗଦର ୨ ଏବଂ ଓଏମଜି ୨ ବକ୍ସ ଅଫିସରେ ଭଲ ପ୍ରଦର୍ଶନ ଜାରି ରଖିଛି । ଏହି ଦୁଇଟି ଚଳଚ୍ଚିତ୍ର ଥିଏଟରକୁ ଦର୍ଶକଙ୍କୁ ଆକୃଷ୍ଟ କରିବାରେ ସଫଳ ହୋଇଛି । ଗଦର-2 12 ଦିନରେ ବକ୍ସ ଅଫିସରେ ଭଲ ସ୍କୋର କରି 400 କୋଟି କ୍ଲବ୍ରେ ସାମିଲ ହୋଇ ରେକର୍ଡ ସୃଷ୍ଟି କରିଛି । ସେପଟେ 11 ଦିନରେ 100 କୋଟି କ୍ଲବ୍ରେ ସାମିଲ ହୋଇଥିଲା । ତେବେ ଉଭୟ ଫିଲ୍ମ 13ତମ ଦିନରେ ବି କମାଲ ଜାରି ରଖିଛନ୍ତି ।
ଇଣ୍ଡଷ୍ଟ୍ରି ଟ୍ରାକର୍ ସାକ୍ନିକ୍ଙ୍କ ଅନୁଯାୟୀ, ଗଦର-2 13ତମ ଦିନରେ ଭାରତରେ 10 କୋଟି ଟଙ୍କା ରୋଜଗାର କରିପାରିବ । ତେବେ ଫିଲ୍ମର ମୋଟ ସଂଗ୍ରହକୁ 410.18 କୋଟିକୁ ବୃଦ୍ଧି ପାଇଛି । ଅଗଷ୍ଟ 23 ବୁଧବାର ଦିନ, ଗଦର-2 ର ସମୁଦାୟ ଆକଳନ ଅନୁଯାୟୀ 11.13 ପ୍ରତିଶତ ହିନ୍ଦୀ ସ୍କ୍ରିନ୍ରେ ଚାଲିଥିଲା । ଅନ୍ୟପଟେ ଓଏମ୍ଜି-2 ବକ୍ସ୍ ଅଫିସରେ ପ୍ରଥମ 12 ଦିନରେ ପ୍ରାୟ 120.62 କୋଟି ଆୟ କରିଥିଲା । ବର୍ତ୍ତମାନ ଏହାର 13ତମ ଦିନରେ, ଓଏମ୍ଜି-2 ଡୋମେଷ୍ଟିକ୍ ସ୍କ୍ରିନ୍ରେ 3 କୋଟି ଟଙ୍କା ରୋଜଗାର କରିଛି । ଗତ ବୁଧବାର ଓଏମ୍ଜି-2 11.28 ପ୍ରତିଶତ ହିନ୍ଦୀ ସ୍କ୍ରିନ୍ରେ ଚାଲିଥିଲା । ଏହାକୁ ମିଶାଇ ଓଏମ୍ଜି-2ର ମୋଟ କଲେକ୍ସନ 123.62 କୋଟିରେ ପହଞ୍ଚିଛି ।
ସନ୍ନି ଦେଓଲଙ୍କ ଗଦର-2 ହିନ୍ଦୀ ଚଳଚ୍ଚିତ୍ର ପାଇଁ ସର୍ବାଧିକ ଆୟ କରିଥିବା ଫିଲ୍ମ ଭାବେ ବକ୍ସ ଅଫିସ୍ ଇତିହାସ ସୃଷ୍ଟି କରିଛି । ଏଥିସହ କଲେକ୍ସନ କ୍ଷେତ୍ରରେ ଏହି ଫିଲ୍ମ ଶାହାରୁଖ ଖାନଙ୍କ ପଠାନକୁ ମଧ୍ୟ ଅତିକ୍ରମ କରିଛି । ସେପଟେ ଚଳିତ ବର୍ଷ ବକ୍ସ ଅଫିସରେ ଓଏମଜି 2 ମଧ୍ୟ ଅକ୍ଷୟ କୁମାରଙ୍କ ଶ୍ରେଷ୍ଠ ଚଳଚ୍ଚିତ୍ର ହୋଇ ପାରିଛି । ଉଭୟ ଫିଲ୍ମର ପ୍ରତିଦ୍ବନ୍ଦିତା ସତ୍ତ୍ବେ ଉଭୟ ଫିଲ୍ମ ଦର୍ଶକଙ୍କ ମନ ଜିତୁଛନ୍ତି । ତେବେ ଉଭୟ ଫିଲ୍ମ ଆଗାମୀ ଦିନରେ କେତେ ସଫଳତା ହାସଲ କରୁଛନ୍ତି, ତାହା ଦେଖିବାକୁ ବାକି ରହିଲା ।
ଏହା ମଧ୍ୟ ପଢନ୍ତୁ:ହଲ୍ ବାହାରେ ଡିମ୍ପଲ୍ କପାଡିଆ, ଫ୍ୟାନ୍ସ ପଚାରିଲେ କାହା ଫିଲ୍ମ ଦେଖିଲ ପ୍ରେମିକ ନା ଜ୍ବାଇଁ ?
ଗଦର ଏକ ପ୍ରେମ କଥା ର ସ୍ବିକେଲ୍ ଗଦର-2 । ତେବେ ପ୍ରଥମ ଭାଗରେ ଟ୍ରକ୍ ଡ୍ରାଇଭର ତାରା ସିଂ ଭୂମିକାରେ ଅଭିନୟ କରିଥିଲେ ସନ୍ନି ଦେଓଲ । ତାଙ୍କ ବିପକ୍ଷରେ ଅଭିନୟ କରିଥିଲେ ଅମୀଷା ପଟେଲ । ଫିଲ୍ମରେ ତାରା ପାକିସ୍ତାନୀ ପତ୍ନୀ ସାକିନାଙ୍କୁ ଫେରାଇ ଆଣିବା ପାଇଁ ସଂଗ୍ରାମ କରିଥିଲେ । ସେହିପରି ଗଦର-2 ଅର୍ଥାତ ଦ୍ବିତୀୟ ଭାଗରେ ତାରା ସିଂ ତାଙ୍କ ପୁଅ ଚରଣଜିତଙ୍କୁ ଭାରତ ଫେରାଇ ଆଣିବାକୁ ସଂଗ୍ରାମ କରିଥିବା ଦେଖିବାକୁ ମିଳିଛି । ଗଦର ନିର୍ଦ୍ଦେଶକ ଅନିଲ ଶର୍ମାଙ୍କ ପୁଅ ଉତ୍କଳ ଶର୍ମା ଗଦରରେ ଚରଣଜିତ ଭୂମିକାରେ ନଜର ଆସିଛନ୍ତି । ଫିଲ୍ମରେ ସନ୍ନି ଦେଓଲ ଏବଂ ଅମୀଷା ପଟେଲଙ୍କ ବ୍ୟତୀତ ଗୌରବ ଚୋପ୍ରା, ଉତ୍କର୍ଷ ଶର୍ମା ଏବଂ ଲଭ୍ ସିହ୍ନା ନଜର ଆସିଛନ୍ତି । ସେହିପରି ଅମିତ ରୟଙ୍କ ନିର୍ଦ୍ଦେଶିତ ଓଏମଜି 2 ରେ ଅକ୍ଷୟ କୁମାର ଭଗବାନ ଶିବଙ୍କ ଦୂତ ଭାବେ ନଜର ଆସିଛନ୍ତି । ଏଥିରେ ୟାମି ଗୌତମ, ପଙ୍କଜ ତ୍ରିପାଠୀ ଏବଂ ରାମାୟଣ ଫେମ ଅଭିନେତା ଅରୁଣ ଗୋବିଲ ମଧ୍ୟ ମୁଖ୍ୟ ଭୂମିକାରେ ନଜର ଆସିଛନ୍ତି । ଏହି କମେଡି-ଡ୍ରାମା ଫିଲ୍ମ 2012ର ଓଏମଜିର ସିକ୍ବେଲ ଅଟେ ।
