ହାଇଦ୍ରାବାଦ: ଫିଲ୍ମ 'ଗଦର-୨' ବକ୍ସ ଅଫିସରେ ରେକର୍ଡ ପରେ ରେକର୍ଡ ଭାଙ୍ଗି ଚାଲିଛି । ୨୨ ବର୍ଷ ପୂର୍ବର ‘ଗଦର’ ପରି, ଏଥର ମଧ୍ୟ ଲୋକମାନେ ସନିଙ୍କ ‘ଗଦର ୨’ ଉପରେ ପ୍ରେମ ବର୍ଷା କରୁଛନ୍ତି । ସନ୍ନି ଦେଓଲ୍ ଏବଂ ଅମିଶା ପଟେଲଙ୍କ ଅଭିନୀତ 'ଗଦର 2' ଚଳଚ୍ଚିତ୍ର 11 ଅଗଷ୍ଟରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ଖାସ୍ କଥା ହେଉଛି କି, ଏହି ଚଳଚ୍ଚିତ୍ରକୁ ଅକ୍ଷୟ କୁମାର, ପଙ୍କଜ ତ୍ରିପାଠୀ ଏବଂ ୟାମି ଗୌତମ ଅଭିନୀତ 'ଓଏମଜି ୨' ସହିତ ଟକ୍କର ଦେବାକୁ ପଡିଥିଲା । ଉଭୟ ଚଳଚ୍ଚିତ୍ର ସିକ୍ୱେଲ ଅଟେ କିନ୍ତୁ ଉଭୟଙ୍କ ବିଷୟବସ୍ତୁ ପରସ୍ପରଠାରୁ ସମ୍ପୂର୍ଣ୍ଣ ଭିନ୍ନ । ଅନ୍ୟପକ୍ଷରେ, ରୋଜଗାର ବିଷୟରେ କହିବା ତ, ସନ୍ନି ଦେଓଲଙ୍କ 'ଗଦର ୨' ବକ୍ସ ଅଫିସରେ ଝଡ଼ ସୃଷ୍ଟି କରିଛି । ପ୍ରଥମ ଦିନରୁ ଫିଲ୍ମ ବହୁତ ଭଲ କଲେକ୍ସନ୍ କରୁଛି ଏବଂ ଏହି ଫିଲ୍ମ ମଧ୍ୟ ଅନେକ ରେକର୍ଡ ଭାଙ୍ଗିଛି ।
ଷଷ୍ଠ ଦିନରେ କେତେ ରୋଜଗାର କଲା ଗଦର 2
ଅନିଲ ଶର୍ମାଙ୍କ ନିର୍ଦ୍ଦେଶିତ ଗଦର ୨ରେ ସନ୍ନି ଦେଓଲ, ଅମିଶା ପଟେଲ, ଉତ୍କଳ ଶର୍ମା ଏବଂ ମନୀଷ ୱାଡୱା ଭଳି ଅନେକ କଳାକାର ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ବକ୍ସ ଅଫିସରେ ଏକ ବ୍ଲକବଷ୍ଟର ବୋଲି ପ୍ରମାଣିତ ହୋଇଛି । ତେବେ 'ଗଦର ୨' ଶାନଦାର କଲେକ୍ସନ କରିବ ବୋଲି ପୂର୍ବରୁ ଆଶା କରାଯାଉଥିଲା । ଏହି ଫିଲ୍ମ ଟିକେଟ୍ ୱିଣ୍ଡୋରେ ରୋଜଗାରର ଅନେକ ରେକର୍ଡ ଭାଙ୍ଗିଛି । ଏଥି ସହିତ 'ଗଦର ୨' ରିଲିଜ୍ ହେବାର ଷଷ୍ଠ ଦିନର ପ୍ରାରମ୍ଭିକ ଆକଳନ ମଧ୍ୟ ଆସିଛି । ଯାହା ଅତ୍ୟନ୍ତ ଚମତ୍କାର ଅଟେ ।
ଏହା ମଧ୍ୟ ପଢନ୍ତୁ: Sunny Deol: ସନ୍ନିଙ୍କ ପାଇଁ ଲକି ଲେଟର 'G' ! ଘାୟଲରୁ ଗଦର-2 ବକ୍ସଅଫିସରେ ବ୍ଲକବ୍ଲାଷ୍ଟର
. ଗଦର 2 ର ଶୁକ୍ରବାର କଲେକ୍ସନ - 40.10 କୋଟି ଟଙ୍କା
. ଗଦର 2 ଶନିବାର ଦିନ 7% ବୃଦ୍ଧି ସହିତ 43.08 କୋଟି ରୋଜଗାର କରିଛି