ହାଇଦ୍ରାବାଦ: ରେକର୍ଡ ପରେ ରେକର୍ଡ ଭାଙ୍ଗୁଛି ଅଭିନେତା ସନ୍ନି ଦେଓଲଙ୍କ ଫିଲ୍ମ ‘ଗଦର-୨’ । କେବଳ ଭାରତରେ ନୁହେଁ ସମଗ୍ର ବିଶ୍ୱରେ ରେକର୍ଡ କରୁଛି । ରିଲିଜ୍ ହେବାର ଦ୍ୱିତୀୟ ସପ୍ତାହରେ ନିର୍ଦ୍ଦେଶକ ଅନିଲ ଶର୍ମାଙ୍କ ଫିଲ୍ମ 'ଗଦର ୨' ବକ୍ସ ଅଫିସରେ ଯେଉଁଭଳି ବ୍ୟବସାୟ କରିଛି, ତାହା ଦେଖିବା ପରେ ବର୍ତ୍ତମାନ ଲାଗୁଛି ଯେ ଏହି ଚଳଚ୍ଚିତ୍ର ଦେଶରେ ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ର ହୋଇପାରେ । ଫିଲ୍ମ ଚଳିତ ବର୍ଷ ନା କେବଳ ଶାହାରୁଖ ଖାନଙ୍କ ଫିଲ୍ମ 'ପଠାନ'ରୁ ଅଧିକ ରୋଜଗାର କରିଛି ବରଂ ଦ୍ବିତୀୟ ସପ୍ତାହରେ ରୋଜଗାରରେ ଅମିର ଖାନଙ୍କ ଫିଲ୍ମ 'ଦଙ୍ଗଲ ', ବିବେକ ଅଗ୍ନିହୋତ୍ରୀଙ୍କ ଫିଲ୍ମ' କାଶ୍ମୀର ଫାଇଲ୍ସ 'କୁ ଅମିର ଖାନ ଆଉ ଏକ ଚଳଚ୍ଚିତ୍ର 'ପିକେ' ଏବଂ ରଣବୀର କପୁରଙ୍କ ଫିଲ୍ମ 'ସଞ୍ଜୁ'କୁ ପଛରେ ପକାଇ ଦେଇଛି । ରିଲିଜ୍ ହେବାର 14 ଦିନରେ ଫିଲ୍ମ 'ଗଦର 2' ର ବକ୍ସ ଅଫିସ୍ କଲେକ୍ସନ୍ ପ୍ରଥମ ଥର ପାଇଁ 10 କୋଟିରୁ ତଳକୁ ଆସିଛି।
ଦ୍ୱିତୀୟ ସପ୍ତାହରେ ରୋଜଗାରର ରେକର୍ଡ
ସନ୍ନି ଦେଓଲ, ଅମିଶା ପଟେଲ, ଉତ୍କଳ ଶର୍ମା, ସିମରତ କୌରଙ୍କ ଅଭିନୀତ ଗଦର ପ୍ରାରମ୍ଭିକ ଧାରା ଅନୁଯାୟୀ ଘରୋଇ ବକ୍ସ ଅଫିସରେ ପ୍ରାୟ 8.20 କୋଟି ଟଙ୍କା କଲେକ୍ସନ କରିଛି । ଏହାକୁ ମିଶାଇ ଫିଲ୍ମ ଦ୍ୱିତୀୟ ସପ୍ତାହରେ 134.70 କୋଟି ଟଙ୍କା ରୋଜଗାର କରିଛି । ଏହା ଦ୍ୱିତୀୟ ସପ୍ତାହରେ ସବୁଠୁ ଅଧିକ ରୋଜଗାର କରିଥିବା ଫିଲ୍ମ ଅଟେ । ଫିଲ୍ମ ପ୍ରଥମ ସପ୍ତାହରେ 284.63 କୋଟି ଟଙ୍କା ରୋଜଗାର କରିଥିଲା । ଘରୋଇ ବକ୍ସ ଅଫିସରେ ଫିଲ୍ମ 'ଗଦର 2' ର ମୋଟ ନେଟ କଲେକ୍ସନ ବର୍ତ୍ତମାନ 418.90 କୋଟି ଟଙ୍କାରେ ପହଞ୍ଚିଛି । ଯଦିଓ ଏହି ଶୁକ୍ରବାର ପ୍ରେକ୍ଷାଳୟରେ ଦୁଇଟି ନୂଆ ହିନ୍ଦୀ ଚଳଚ୍ଚିତ୍ର 'ଡ୍ରିମ୍ ଗାର୍ଲ 2' ଏବଂ 'ଅକେଲି' ମୁକ୍ତିଲାଭ କରୁଛି, କିନ୍ତୁ ତୃତୀୟ ସପ୍ତାହ ଶେଷରେ 'ଗଦର ୨' ଚଳଚ୍ଚିତ୍ରର ରୋଜଗାରରେ ମଧ୍ୟ କମାଲ ଦେଖିବାକୁ ମିଳିପାରେ ।
ଏହି ଚଳଚ୍ଚିତ୍ର ଗୁଡ଼ିକୁ ପକାଇଲା ପଛରେ
ହିନ୍ଦୀରେ ନିର୍ମିତ ଚଳଚ୍ଚିତ୍ର ମଧ୍ୟରେ 'ଗଦର ୨' ଚଳଚ୍ଚିତ୍ର ଦ୍ୱିତୀୟ ସପ୍ତାହରେ ଦେଶର ସିନେମା ଇତିହାସରେ ସର୍ବାଧିକ ରୋଜଗାର କରିଛି । ଏହାପୂର୍ବରୁ ଅମିର ଖାନଙ୍କ ଫିଲ୍ମ 'ଦଙ୍ଗଲ' ଦ୍ୱିତୀୟ ସପ୍ତାହରେ ସର୍ବାଧିକ 115.96 କୋଟି ଟଙ୍କା ଆୟ କରିଥିଲା । ଏଥିସହିତ ଏହା ପରେ ଫିଲ୍ମ 'କାଶ୍ମୀର ଫାଇଲ୍ସ' ଦ୍ବାରା ଦ୍ୱିତୀୟ ସପ୍ତାହରେ 108.97 କୋଟି ଟଙ୍କା ଆୟ ହୋଇଥିଲା । ଏହି ତାଲିକାର ତୃତୀୟ ସ୍ଥାନରେ ଅମିର ଖାନଙ୍କ ଫିଲ୍ମ 'ପିକେ' ରଖିଛି ଯାହା ରିଲିଜ ହେବାର ଦ୍ୱିତୀୟ ସପ୍ତାହରେ 95.78 କୋଟି ଟଙ୍କା ଆୟ କରିଛି ।
ଏହା ମଧ୍ୟ ପଢନ୍ତୁ: ସନ୍ନି ଦେଓଲଙ୍କଠୁ ସାରା, କ୍ୟାମେରା ଦେଖିଲେ ଚିହିକି ଉଠନ୍ତି ଏସବୁ ସେଲିବ୍ରିଟି
ଦ୍ୱିତୀୟ ସପ୍ତାହର ରୋଜଗାରରେ ଶ୍ରେଷ୍ଠ ୧୦ଟି ଚଳଚ୍ଚିତ୍ର-
ଚଳଚ୍ଚିତ୍ର ଦ୍ବିତୀୟ ସପ୍ତାହରେ ରୋଜଗାର