ମୁମ୍ବାଇ:ରିଲିଜ ହେବା ପର ଠାରୁ ସନ୍ନି ଦେଓଲଙ୍କ ଫିଲ୍ମ ଗଦର 2 ଭାରତୀୟ ବକ୍ସ ଅଫିସରେ ଧମାକା କରିଚାଲିଛି । ଫିଲ୍ମର ସଫଳତା ମଧ୍ୟରେ 'ଗଦର ୨' ପାଇଁ ଏକ ସ୍ୱତନ୍ତ୍ର ସ୍କ୍ରିନିଂ ଆୟୋଜିତ ହୋଇଥିଲା । ଯେଉଁଥିରେ ବଲିଉଡ ଅଭିନେତା ସନ୍ନି ଦେଓଲ ତାଙ୍କ ଭାଇ ବବି ଦେଓଲ ଏବଂ ଭଉଣୀ ଇଶା ଦେଓଲ ଏବଂ ଆହାନା ଦେଓଲଙ୍କ ସହ ନଜର ଆସିଛନ୍ତି । ଏହି ସମୟରେ ସନ୍ନି ତାଙ୍କ ଭାଇଭଉଣୀଙ୍କ ସହ ପାପାରାଜି ପାଇଁ ପୋଜ୍ କରୁଥିବା ଦେଖିବାକୁ ମିଳିଛି । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
'ଗଦର ୨' ରିଲିଜ୍ ହେବା ପରେ ଦେଓଲ ବ୍ରଦର୍ସ-ଭଉଣୀମାନଙ୍କ ସହ ଶନିବାର ଫିଲ୍ମର ସ୍କ୍ରିନିଂରେ ନଜର ଆସିଥିଲେ । ଏହି ସମୟରେ ସନ୍ନି ଦେଓଲ୍ ଏକ କ୍ରିମ ରଙ୍ଗର କୁର୍ତ୍ତା, ହ୍ବାଇଟ ପାଇଜାମା ସହ ବ୍ଲାକ କ୍ୟାପରେ ନଜର ଆସିଥିବା ବେଳେ ବବି ଦେଓଲଙ୍କ ବ୍ଲାକ ଟି-ସାର୍ଟ ଏବଂ ବ୍ଲୁ ପ୍ୟାଣ୍ଟ ସହ ବ୍ଲାକ କ୍ୟାପରେ ନଜର ଆସିଥିଲେ । ସେହିପରି ଇଶା ଏବଂ ଆହାନା ମଧ୍ୟ ବ୍ଲାକ ଆଉଟଫିଟରେ ନଜର ଆସିଥିଲେ। ପାପରାଜିଙ୍କୁ ପୋଜ ଦେବା ସମୟରେ ବବି ବଡ ଭାଇ ସନ୍ନିଙ୍କୁ ହଗ୍ କରୁଥିବା ବେଳେ ଉଭୟ ଭାଇ ସେମାନଙ୍କର ଦୁଇ ସୁନ୍ଦର ଭଉଣୀଙ୍କ ସହ ମଧ୍ୟ ପୋଜ୍ ଦେଇଥିଲେ ।
ତେବେ ଭାଇଭଉଣୀଙ୍କ ଏହି ଭିଡିଓ ଏବଂ ଫଟୋ ସୋସିଆଲ ମିଡିଆରେ ଏବଂ ଭାଇରାଲ ହେବାରେ ଲାଗିଛି । ଫ୍ୟାନ୍ସ ଏହାକୁ ବେଶ ପସନ୍ଦ କରିବା ସହ ପ୍ରତିକ୍ରିୟାରେ ଭାଇ ଭଉଣୀଙ୍କ ସମ୍ପର୍କକୁ ନେଇ ପ୍ରଶଂସା କରିଛନ୍ତି । କହିଛନ୍ତି, ଏପନେ ତୋ ଅପନେ ହୋତେ ହେ। ଅର୍ଥାତ୍ ନିଜ ଲୋକ ନିଜର ହିଁ । ଜଣେ ଫ୍ୟାନ ଲେଖିଛନ୍ତି, ଏହି ଭାଇ ଓ ଭଉଣୀମାନଙ୍କୁ ଏକାଠି ଦେଖି ବହୁତ ଖୁସି ଲାଗିଲା । ଆଉ ଜଣେ ଲେଖିଛନ୍ତି, ଏହି ଦଶନ୍ଧିର ସବୁଠାରୁ ଭଲ ଦୃଶ୍ୟ । ଅନ୍ୟ ଜଣେ ଲେଖିଛନ୍ତି, "ଆଜି ପ୍ରଥମ ଥର ପାଇଁ ସେମାନଙ୍କୁ ଏକାଠି ଦେଖି ଭଲ ଲାଗିଲା ।" ବି-ଟାଉନର ଏହି ଲୋକପ୍ରିୟ ଭାଇଭଉଣୀମାନଙ୍କୁ ଅନେକ ସମୟ ପରେ ଏକାଠି ଦେଖି ଲୋକମାନେ ବହୁତ ଖୁସି ହୋଇଛନ୍ତି ।
ଏହା ମଧ୍ୟ ପଢନ୍ତୁ: ସ୍କ୍ରିନିଂରେ ଯୋଗଦେଲେ ମୁଖ୍ୟମନ୍ତ୍ରୀ ଯୋଗୀ, ବଲିଉଡ ଭେଟେରାନ ଧର୍ମେନ୍ଦ୍ର
ସୂଚନା ଥାଉ କି, ସନ୍ନି ଦେଓଲ ଏବଂ ବବି ଦେଓଲ ଧର୍ମେନ୍ଦ୍ର ଏବଂ ତାଙ୍କର ପ୍ରଥମ ପତ୍ନୀ ପ୍ରକାଶ କୌରଙ୍କ ସନ୍ତାନ । ତାଙ୍କର ଦୁଇ ଭଉଣୀ ମଧ୍ୟ ଅଛନ୍ତି, ଯେଉଁମାନେ ଲାଇମଲାଇଟ୍ ଠାରୁ ଦୂରରେ ରୁହନ୍ତି । ଏଥିସହିତ ଇଶା ଦେଓଲ ଏବଂ ଆହାନା ଦେଓଲ ଧର୍ମେନ୍ଦ୍ର-ହେମା ମାଲିନିଙ୍କ ଝିଅ ଅଟନ୍ତି । ସନ୍ନି ଏବଂ ବବିଙ୍କ ସହ ଇଶା ଏବଂ ଆହାନାଙ୍କୁ ବହୁତ କମ୍ ଦେଖିବାକୁ ମିଳିଥାଏ । କିଛି ଦିନ ପୂର୍ବରୁ, ସନ୍ନି ଦେଓଲଙ୍କ ପୁଅ କରଣ ଦେଓଲଙ୍କର ଏକ ବିବାହ ହୋଇଥିଲା, ଯେଉଁଠାରେ ହେମା କିମ୍ବା ତାଙ୍କ ଝିଅମାନେ ଉପସ୍ଥିତ ନଥିଲେ। ସେମାନଙ୍କ ମଧ୍ୟରେ ସମ୍ପର୍କ ଭଲ ନୁହେଁ ବୋଲି ଅନୁମାନ କରାଯାଉଥିଲା । ତେବେ ବର୍ତ୍ତମାନ ଇଶା ଦେଓଲ ଏବଂ ସନ୍ନି ଦେଓଲଙ୍କୁ ଏକାଠି ଦେଖିଲା ପରେ ସେହି ଅନୁମାନ ଭୁଲ ପ୍ରମାଣିତ ହୋଇଛି । ସେପଟେ ଇଶା ତାଙ୍କ ଭାଇଙ୍କ ଫିଲ୍ମକୁ ପ୍ରଶଂସା ମଧ୍ୟ କରିଛନ୍ତି ।
