ହାଇଦ୍ରାବାଦ:ଦୁନିଆକୁ ଅଲବିଦା କହିଲେ 2015 ମିସ୍ ୱାର୍ଲ୍ଡ ପ୍ରତିଯୋଗିତାରେ ଉରୁଗୁଏରୁ ପ୍ରତିନିଧିତ୍ୱ କରିଥିବା ପୂର୍ବତନ ମିସ୍ ୱାର୍ଲ୍ଡ ପ୍ରତିଯୋଗୀ ଶେରିକା ଡି ଅର୍ମାସ । ଦୁଇ ବର୍ଷ ଧରି କର୍କଟ ରୋଗରେ ପୀଡ଼ିତ ଥିଲେ ଶେରିକା । ସେ ଏଥିପାଇଁ କେମୋଥେରାପି ଏବଂ ରେଡିଓଥେରାପି ଚିକିତ୍ସା ମଧ୍ୟ କରାଇଥିଲେ । ତେବେ ଚିକିତ୍ସାଧୀନ ଅବସ୍ଥାରେ ସେ ମାତ୍ର ୨୬ ବର୍ଷ ବୟସରେ ମୃତ୍ୟୁବରଣ କରିଛନ୍ତି ।
ତାଙ୍କର ଏଭଳି ଆକସ୍ମିକ ମୃତ୍ୟୁ ଫ୍ୟାନ୍ସ ସମେତ ଅନେକ ସେଲିବ୍ରିଟିଙ୍କୁ ଚକିତ କରିଛି । ସମସ୍ତେ ଏନେଇ ଗଭୀର ଦୁଃଖ ପ୍ରକାଶ କରିବା ସହ ଶ୍ରଦ୍ଧାଞ୍ଜଳି ଜଣାଇଛନ୍ତି । ଶେରିକାଙ୍କ ବିୟୋଗରେ ତାଙ୍କ ଭାଇ ମୟକ ଡି' ଅର୍ମାସ୍ ସୋସିଆଲ ମିଡିଆରେ ଲେଖିଛନ୍ତି, ହମେସା ଉଚ୍ଚି ଉଡାନ ଭରୋ ଛୋଟି ବେହେନ୍ । ସେପଟେ ମିସ୍ ୟୁନିଭର୍ସ ଉରୁଗୁଏ 2022, କାର୍ଲା ରୋମେରୋ ତାଙ୍କ ବିୟୋଗରେ ପ୍ରତିକ୍ରିୟା ଦେଇ ଲେଖିଛନ୍ତି, "ଏହି ଦୁନିଆରେ ସେ ସାକ୍ଷାତ କରିଥିବା ସବୁଠାରୁ ସୁନ୍ଦର ମହିଳାମାନଙ୍କ ମଧ୍ୟରୁ ଶେରିକା ଜଣେ ବୋଲି ବର୍ଣ୍ଣନା କରିଛନ୍ତି । ମିସ୍ ଉରୁଗୁଏ 2021 ଲୋଲା ଦେ ଲୋସ୍ ସାଣ୍ଟୋସ୍ ଶେରିକାଙ୍କୁ ଶ୍ରଦ୍ଧାଞ୍ଜଳି ଦେଇ ତାଙ୍କ ସମର୍ଥନ, ଭଲପାଇବା ଏବଂ ବନ୍ଧୁତା ପାଇଁ ତାଙ୍କୁ ମନେ ପକାଇଛନ୍ତି ।"