ହାଇଦ୍ରାବାଦ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ସାଂସଦ ରାଘବ ଚଢା ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ଦୁହେଁ ରାଜସ୍ଥାନର ଐତିହାସିକ ସହର ଉଦୟପୁରରେ ସାତ ଫେରା ନେଇଛନ୍ତି । ଏହି ବିଶେଷ ଉତ୍ସବରେ ଲୋକଙ୍କ ପ୍ରତିକ୍ରିୟା ଆସିବା ଆରମ୍ଭ ହୋଇଯାଇଛି ଏବଂ ନବ ବିବାହିତ ଦମ୍ପତିଙ୍କୁ ଚାରି ଆଡୁ ବିବାହ ଶୁଭେଚ୍ଛା ଓ ଶୁଭକାମନା ମିଳୁଛି । ରିସେପ୍ସନ୍ ସମୟରେ ଫଟୋ ମଧ୍ୟ ସାମ୍ନାକୁ ଆସିଛି । ଫଟୋରେ ଦୁହେଁ ଖୁବ୍ ସୁନ୍ଦର ଦେଖାଯାଉଛନ୍ତି । ଫଟୋ ଆସିବା ମାତ୍ରେ ସୋସିଆଲ ମିଡିଆରେ ଭାଇରାଲ ହୋଇଛି ।
ପରିଣୀତି ଚାପ୍ରା ଏବଂ ରାଘବ ଚଢା ଉଦୟପୁରର ଲୀଲା ପ୍ୟାଲେସରେ ବିବାହ କରିଥିଲେ । ବିବାହ ପୂର୍ବରୁ ରିସେପ୍ସନର ଫଟୋ ସାମ୍ନାକୁ ଆସିଛି । ଫଟୋରେ ସେଲିବ୍ରିଟି ନବ ଦମ୍ପତି ସୁନ୍ଦର ଦେଖାଯାଉଛନ୍ତି । ଫଟୋରେ ପରିଣୀତି ଚୋପ୍ରା ଗୋଲାପି ରଙ୍ଗର ଶାଢୀରେ ନଜର ଆସିଛନ୍ତି । ହୀରା ହାରରେ ସେ ନିଜ ଲୁକକୁ ପୂରା କରିଛନ୍ତି । ରାଘବଙ୍କ ବିଷୟରେ କହିବା ତ, ସେ କଳାଧଳା ପୋଷାକରେ ହ୍ୟାଣ୍ଡସମ୍ ଦେଖାଯାଉଛନ୍ତି ।
ବିବାହ କାର୍ଯ୍ୟକ୍ରମରେ ରାଜନୈତିକ ଦୁନିଆର ଅନେକ ବଡ଼ବଡ଼ ରାଜନେତା ମଧ୍ୟ ଯୋଗ ଦେଇଥିଲେ । ବିବାହର ଗୋଟିଏ ଦିନ ପୂର୍ବରୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ବିବାହ ଉତ୍ସବରେ ପହଞ୍ଚିଥିଲେ । ତାଙ୍କ ବ୍ୟତୀତ ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମାନ ମଧ୍ୟ ଏହି ସ୍ଥାନରେ ନଜର ଆସିଥିଲେ । ଉଭୟଙ୍କୁ ଉକ୍ତ ସ୍ଥାନରେ ସ୍ୱାଗତ କରାଯାଇଥିଲା । ଏହା ବ୍ୟତୀତ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ମଧ୍ୟ ନବ ଦମ୍ପତିଙ୍କୁ ରିସେପ୍ସନରେ ଆଶୀର୍ବାଦ ଦେବେ ବୋଲି ଖବର ଆସିଥିଲା । କିନ୍ତୁ ପାଗ ଖରାପ ହେତୁ ସେ ଯୋଗ ଦେଇପାରିନଥିଲେ ।