Sushma Anand passes away: ଆରପାରିରେ ଚଳଚ୍ଚିତ୍ର ନିର୍ମାତା ବିଜୟ ଆନନ୍ଦଙ୍କ ପତ୍ନୀ ସୁଷମା

ଚଳଚ୍ଚିତ୍ର ନିର୍ମାତା ବିଜୟ ଆନନ୍ଦଙ୍କ ପତ୍ନୀ ସୁଷମା ଆନନ୍ଦଙ୍କର ଦେହାନ୍ତ ହୋଇଛି । ସେ ଦୀର୍ଘ ସମୟ ଧରି ଅସୁସ୍ଥ ଥିଲେ । ସୁଷମାଙ୍କର ଅନ୍ତିମ ସଂସ୍କାର ଆଜି (ଅଗଷ୍ଟ 28) ସକାଳ 11ଟାରେ ଅନୁଷ୍ଠିତ ହେବ । ଅଧିକ ପଢନ୍ତୁ

ମୁମ୍ବାଇ: ଚଳଚ୍ଚିତ୍ର ନିର୍ମାତା ବିଜୟ ଆନନ୍ଦଙ୍କ ପତ୍ନୀ ସୁଷମା ଆନନ୍ଦଙ୍କର ରବିବାର ଦେହାନ୍ତ ହୋଇଛି । 70 ବର୍ଷୀୟା ସୁଷମା ଦୀର୍ଘ ଦିନ ଧରି ଅସୁସ୍ଥ ଥିଲେ । ସୂଚନା ଅନୁଯାୟୀ, ଆଜି (ଅଗଷ୍ଟ 28) ସକାଳ 11 ଟାରେ ସୁଷମାଙ୍କର ଅନ୍ତିମ ସଂସ୍କାର କରାଯିବ ଏବଂ ଏହା ପୂର୍ବରୁ ତାଙ୍କ ପାର୍ଥୀବ ଶରୀରକୁ ଅନ୍ତିମ ଦର୍ଶନ ପାଇଁ ରଖାଯିବ । ତାଙ୍କ ଦେହାନ୍ତ ଖବର ଯୋଗୁଁ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି।

ସୁଷମା ଦୀର୍ଘ ସମୟ ଧରି ଅସୁସ୍ଥ ଥିଲେ ଏବଂ କୁହାଯାଉଛି ଯେ ତାଙ୍କ ମୃତ୍ୟୁର କାରଣ ହୃଦଘାତ । ତାଙ୍କ ମ୍ୟାନେଜରଙ୍କ କହିବାନୁସାରେ, ସୁଷମା ହଠାତ୍ ତଳେ ପଡ଼ିଯାଇଥିଲେ । ସଙ୍ଗେ ସଙ୍ଗେ ତାଙ୍କ ପରିବାର ଡାକ୍ତରଙ୍କୁ ଡକାଯାଇଥିଲା, ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପରେ ତାଙ୍କ ମୃତଦେହକୁ ଡାକ୍ତରଖାନା ନିଆଯାଇଥିଲା, ମୃତ୍ୟୁର କାରଣ ହୃଦ୍‌ଘାତ ବୋଲି କହିଥିଲେ ଡାକ୍ତର । ଆଜି (ଅଗଷ୍ଟ 28) ସୁଷମାଙ୍କର ଶେଷ ରୀତିନୀତି କରାଯିବ । ବିଜୟଙ୍କ ମୃତ୍ୟୁର 19 ବର୍ଷ ପରେ ସୁଷମା ଶେଷ ନିଶ୍ୱାସ ତ୍ୟାଗ କରିଛନ୍ତି । ବିଜୟ ଆନନ୍ଦ ଗୋଲ୍ଡି ଆନନ୍ଦ ନାମରେ ମଧ୍ୟ ଜଣାଶୁଣା । ସେ 'ଗାଇଡ୍', 'ତିସରୀ ମଞ୍ଜିଲ୍', 'ଜୁଏଲ୍ ଥିକ୍‌' ଭଳି ଚଳଚ୍ଚିତ୍ର ଦେଇଥିଲେ । 2004 ମସିହାରେ ବିଜୟଙ୍କର ଦେହାନ୍ତ ହୋଇଥିଲା । ପ୍ରସିଦ୍ଧ ଅଭିନେତା ଦେବ ଆନନ୍ଦଙ୍କ ଭାଇ ହେଉଛନ୍ତି ବିଜୟ ଆନନ୍ଦ ।

ବିଜୟ ଏବଂ ସୁଷମାଙ୍କ ବିବାହକୁ ନେଇ ଅନେକ ବିବାଦ ଦେଖାଦେଇଥିଲା । ଖବର ଅନୁଯାୟୀ ସୁଷମା ବିଜୟଙ୍କ ବଡ଼ ଭଉଣୀର ଝିଅ ଥିଲେ । ଏହି ବିବାହକୁ ନେଇ ପରିବାର ଲୋକ ଆପତ୍ତି କରିଥିଲେ । ବୟସରେ ମଧ୍ୟ ସୁଷମା ବିଜୟଙ୍କ ଠାରୁ ବହୁତ ସାନ ଥିଲେ । କୁହାଯାଏ ଯେ 1978 ମସିହାରେ ଫିଲ୍ମ 'ରାମ ବଳରାମ'ର ସୁଟିଂ ସମୟରେ ଉଭୟ ବିବାହ କରିଥିଲେ । ଏହି ବିବାହ ପରେ ନାନା କଥା ଶୁଣିବାକୁ ପଡିଥିଲା । କିନ୍ତୁ ସୁଷମା ଏବଂ ବିଜୟଙ୍କ ସମ୍ପର୍କ ବହୁତ ମଜବୁତ ଥିଲା । ଉଭୟଙ୍କର ଏକ ପୁଅ ବୈଭବ ଆନନ୍ଦ ଅଛନ୍ତି।

ବିଜୟ ଆନନ୍ଦଙ୍କ ଭାଣିଜୀ ଥିଲେ ସୁଷମା

ସୁଷମା ଆନନ୍ଦ କେବଳ ଦେବ ଆନନ୍ଦଙ୍କ ଭାଉଜ ନଥିଲେ ବରଂ ତାଙ୍କର ପ୍ରକୃତ ଭାଣିଜୀ ମଧ୍ୟ ଥିଲେ। ଚଳଚ୍ଚିତ୍ର ନିର୍ମାତା ବିଜୟ ଆନନ୍ଦ ତାଙ୍କ ଭଉଣୀର ଝିଅକୁ ବିବାହ କରିଥିଲେ । ସୁଷମାଙ୍କ ବିବାହ ସମୟରେ ପୂରା ଆନନ୍ଦ ପରିବାର ଆଶ୍ଚର୍ଯ୍ୟ ହୋଇଯାଇଥିଲେ।