ହାଇଦ୍ରାବାଦ:ଶାହାରୁଖ ଖାନଙ୍କ ଅଭିନୀତ 'ପଠାନ' ସଫଳତା ପରେ ଚଳଚ୍ଚିତ୍ର ନିର୍ମାତା ସିଦ୍ଧାର୍ଥ ଆନନ୍ଦ ତାଙ୍କର ପରବର୍ତ୍ତୀ ଆକ୍ସନ୍-ଥ୍ରୀଲର ଫିଲ୍ମ 'ଫାଇଟର୍' ସହ ପୁଣି ଧମାକା କରିବାକୁ ପ୍ରସ୍ତୁତ ଅଛନ୍ତି । ଆଜି ନିର୍ମାତା ଫିଲ୍ମର ଟିଜର ରିଲିଜ କରିଛନ୍ତି । ଏଥିରେ ଆକ୍ସନ ସହ ଦୀପିକା ପାଦୁକୋନ୍ ଏବଂ ହ୍ରିତିକ୍ ରୋଶନଙ୍କ ଜବରଦସ୍ତ କେମେଷ୍ଟ୍ରି ମଧ୍ୟ ଦେଖିବାକୁ ମିଳିଛି । ଯାହାକୁ ନେଇ ଏବେ ସୋସିଆଲ ମିଡିଆରେ ବେଶ ଚର୍ଚ୍ଚା ହେଉଛି । ଅନେକ ଏହାକୁ ପସନ୍ଦ କରିଥିବା ବେଳେ ଅନେକ ଏହାକୁ ହଲିଉଡ ଫିଲ୍ମ 'ଟପ୍ ଗନ୍'ର 'କପି' ବୋଲି ଦାବି କରିଛନ୍ତି ।
ହ୍ରିତିକ ରୋଶନ, ଦୀପିକା ପାଦୁକୋନ ଏବଂ ଅନୀଲ କପୁର ଏହି ଫିଲ୍ମରେ ନଜର ଆସିଛନ୍ତି । ୧ ମିନିଟ ୧୩ ସେକେଣ୍ଡର ଏହି ଟିଜରରେ ସମସ୍ତ ତାରକାଙ୍କ ଲୁକ ସହ ଆକ୍ସନ ଦେଖିବାକୁ ମିଳିଛି । ଦୀପିକା ପାଦୁକୋନ୍ ଏବଂ ହ୍ରିତିକ୍ ରୋଶନଙ୍କ ରୋମାନ୍ସ ଲୋକଙ୍କ ଦୃଷ୍ଟି ଆକର୍ଷଣ କରିଛି । ଏକ୍ସରେ ଉଭୟ ତାରକାଙ୍କ ଫିଲ୍ମର କିଛି ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଫଟୋ ଉପରେ ପ୍ରତିକ୍ରିୟା ଦେଉଛନ୍ତି ୟୁଜର୍ସ ।
ଜଣେ ୟୁଜର ଲେଖିଛନ୍ତି, ହ୍ରିତିକ ଦୀପିକାଙ୍କ କେମେଷ୍ଟ୍ରି ବହୁତ ଭଲ । ବ୍ୟାଙ୍ଗ ଅନ୍। ଆଉ ଜଣେ ଲେଖିଛନ୍ତି, ଦୀପିକା ଏବଂ ହ୍ରିତିକଙ୍କ କେମେଷ୍ଟ୍ରି ବଡ ପରଦାରେ ଦେଖିବାକୁ ଅପେକ୍ଷା କରିପାରିବି ନାହିଁ । ଅନ୍ୟ ଜଣେ ଲେଖିଛନ୍ତି, ବଲିଉଡ ଇତିହାସର ସବୁଠାରୁ ହଟ ଯୋଡି ଆସିଛନ୍ତି । ଆଉ ଜଣେ ଲେଖିଛନ୍ତି, ଟିଜର ବହୁତ ରୋମାଞ୍ଚକର ରହିଛି । ହ୍ରିତିକ୍ ଏବଂ ଦୀପିକାଙ୍କ ଯୋଡିଙ୍କ ଶ୍ରେଷ୍ଠ କେମେଷ୍ଟ୍ରି । ଜଣେ ୟୁଜର ଲେଖିଛନ୍ତି, ଭିଏଫଏକ୍ସ ନେଇ ଡର ଥିଲା । ହେଲେ ଟିଜରରେ ଏହାକୁ ବଢାଇ ଦିଆଯାଇଛି । ବାକି ହ୍ରିତିକ ଦୀପିକା, ଅନୀଲ କପୁର ଏବଂ ସିଦ୍ଧାର୍ଥ ଆନନ୍ଦ ସମ୍ଭାଳି ନେବେ । ଆଉ ଜଣେ ଲେଖିଛନ୍ତି, ଆକ୍ସନ, ଡ୍ରାମା, ଥ୍ରୀଲର, ରୋମାନ୍ସ । ଫାଇଟରରେ ସବୁ ଅଛି । ଟ୍ରେଲରକୁ ଅପେକ୍ଷା କରିପାରିବି ନାହିଁ।