ହାଇଦ୍ରାବାଦ: ବଲିଉଡର ପୁଣି ଜଣେ ଅଭିନେତ୍ରୀ ଫ୍ୟାନ୍ସଙ୍କୁ ଦେବାକୁ ଯାଉଛନ୍ତି ଖୁସିଖବର । ଖୁବଶୀଘ୍ର ସେ ମାଆ ହେବାକୁ ଯାଉଛନ୍ତି । ଅଭିନେତ୍ରୀ ଜଣଙ୍କ ନାମ ହେଉଛି ବିପାଶା ବସୁ । ବିବାହର 6 ବର୍ଷ ପରେ ବିପାଶା ଏବଂ କରଣ ସିଂ ଗ୍ରୋଭର ପିତାମାତା ହେବାକୁ ଯାଉଛନ୍ତି । ମିଳିଥିବା ସୂଚନା ଅନୁସାରେ, ବିପାଶା ଖୁବ୍ ଶୀଘ୍ର ପ୍ରଶଂସକଙ୍କୁ ଏହି ଖୁସି ଖବର ଶୁଣାଇପାରନ୍ତି ।
ଉଲ୍ଲେଖନୀୟ ଯେ, ବିପାଶା ବସୁ ଏବଂ କରଣ ସିଂ ଗ୍ରୋଭର ଏପ୍ରିଲ 2016ରେ ବିବାହ କରିଥିଲେ । ସେମାନଙ୍କ ବିବାହକୁ 6 ବର୍ଷ ବିତିଗଲାଣି, ଆଜି ବି ଦୁହେଁ ପରସ୍ପର ପ୍ରେମରେ ପାଗଳ । ତାଙ୍କର 'ମଙ୍କି ଲଭ୍' ପ୍ରଶଂସକଙ୍କ ମଧ୍ୟରେ ଅଧିକ ଲୋକପ୍ରିୟ । ଉଭୟଙ୍କୁ ଆଇଡଲ ଦମ୍ପତି ଭାବରେ ବିବେଚନା କରାଯାଏ । କରଣ ଏବଂ ବିପାଶାଙ୍କ ଯୋଡି ଏବଂ କେମେଷ୍ଟ୍ରି ବଲିଉଡରେ ହିଟ୍ ହୋଇପାରିଛି ।