ହାଇଦ୍ରାବାଦ:ବିଗ୍ ବସ୍ OTT 2 ବିଜେତା ତଥା ୟୁଟ୍ୟୁବର ଏଲଭିଶ ଯାଦବ ବର୍ତ୍ତମାନ ଅଭିନୟ କରିବାକୁ ଯାଉଛନ୍ତି । ମ୍ୟୁଜିକ ଭିଡିଓରେ ନଜର ଆସିବାକୁ ଯାଉଛନ୍ତି ଏଲଭିସ । ଏହି ଗୀତରେ ସେ ବଲିଉଡ ଅଭିନେତ୍ରୀ ଉର୍ବଶୀ ରୌତେଲାଙ୍କ ସହ ସ୍କ୍ରିନ ସେୟାର କରିଛନ୍ତି । ଗତକାଲି ଏହାର ଟିଜର ରିଲିଜ ହୋଇଥିବା ବେଳେ ଉଭୟଙ୍କ ଲଭ କେମେଷ୍ଟ୍ରି ଏଥିରେ ଦେଖିବାକୁ ମିଳିବ ।
ମଙ୍ଗଳବାର ଦିନ ଇନଷ୍ଟାଗ୍ରାମରେ ଟିଜର ସେୟାର କରି ଉର୍ବଶୀ ଏହାର ସୂଚନା ଦେଇଛନ୍ତି । ସେ ଏହି ପୋଷ୍ଟର କ୍ୟାପସନରେ ଲେଖିଛନ୍ତି "'ହମ୍ ତୋ ଦିୱାନେ' 14 ସେପ୍ଟେମ୍ବର ଦିନ 11 ଟାରେ ରିଲିଜ୍ ହେବ । କେବଳ playdmfofficial YouTube Channel StayTunedରେ । ସେପଟେ ଏଲଭିସ୍ ମଧ୍ୟ ଏହାକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ତେବେ ସୋସିଆଲ ମିଡିଆରେ ଏହି ଟିଜର ରିଲିଜ ହେବା ମାତ୍ରେ ପ୍ରଶଂସକମାନେ ଏହାକୁ ଲାଇକ କରିବା ସହ ଗୀତକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି ।
ଭିଡିଓରେ ଉର୍ବଶୀ ଓପନିଂ ସିନରେ ୟେଲୋ ରଙ୍ଗର ସୁଟରେ ଖୁବ ସୁନ୍ଦର ଲାଗୁଥିବା ବେଳେ ଏଲଭିସ୍ ଏକ ବ୍ରାଉନ ଜ୍ୟାକେଟ୍ ସହ ଲାଲ ଚେକ ସାର୍ଟ ଏବଂ ବ୍ଲାକ ଚଷମାରେ ନଜର ଆସିଛନ୍ତି । ଏହି ମ୍ୟୁଜିକ୍ ଭିଡିଓ ରାଜସ୍ଥାନରେ ସୁଟ୍ ହୋଇଛି ଏବଂ ସେପ୍ଟେମ୍ବର 14 ରେ ଏଲଭିସଙ୍କ ଜନ୍ମଦିନରେ 'ପ୍ଲେ ଡିଏମ୍'ର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲରେ ପୁରା ଗୀତ ରିଲିଜ ହେବ । ରଜତ ନାଗପାଲ ଏହି ଗୀତ ରଚନା କରିଛନ୍ତି । ଏହି ଗୀତରେ ଉର୍ବଶୀ ଏବଂ ଏଲଭିସ୍ ପ୍ରଥମ ଥର ପାଇଁ ଏକାଠି ନଜର ଆସିବେ ।
ଏହା ମଧ୍ୟ ପଢନ୍ତୁ:ଟ୍ରଫି ହାତେଇଲେ ୟୁଟ୍ୟୁବର ଏଲଭିସ ଯାଦବ
ୱାର୍କପ୍ରଣ୍ଟ କଥା କହିବାକୁ ଗଲେ, ଉର୍ବଶୀ ୱେବ୍ ସିରିଜ୍ ଇନ୍ସପେକ୍ଟର ଅବିନାଶରେ ନଜର ଆସିଥିଲେ, ଯେଉଁଥିରେ ତାଙ୍କୁ ଅଭିନେତା ରଣଦୀପ ହୁଡାଙ୍କ ସହ ଦେଖିବାକୁ ମିଳିଥିଲା । ଏହି ଶୋ' ଜିଓ ସିନେମାରେ ଷ୍ଟ୍ରିମିଂ ହୋଇଛି । ଅନ୍ୟପକ୍ଷରେ ଏଲଭିସ୍ ସଲମାନ ଖାନଙ୍କ ବିଗ୍ ବସ୍ OTT 2ର ବିଜେତା ହୋଇଥିଲେ । ଏଲଭିସ୍ ଯାଦବ ୱାଇଲ୍ଡ କାର୍ଡ ଏଣ୍ଟ୍ରି ହୋଇଥିଲେ ମଧ୍ୟ ସେ ଶୋ’ର ବିଜେତା ହୋଇ ଏକ ନୂତନ ଇତିହାସ ସୃଷ୍ଟି କରିଥିଲେ । ତେବେ ବର୍ତ୍ତମାନ ଏହି ମ୍ୟୁଜିକ ଆଲବମ ବ୍ୟତୀତ ସେ ବର୍ତ୍ତମାନ ଏକ ଫିଲ୍ମ ମଧ୍ୟ ମିଳିଛି । ଯାହାର ସୁଟିଂ ପାଇଁ ସେ ଦୁବାଇ ଯାଇଛନ୍ତି । ସେ ଏକ ଭିଡିଓ ସେୟାର କରି ଏହି ସୂଚନା ଦେଇଛନ୍ତି । କିନ୍ତୁ ଏନେଇ କୌଣସି ଅଫିସିଆଲ ଘୋଷଣା ହୋଇନାହିଁ।
