ହାଇଦ୍ରାବାଦ: ଏହି ବର୍ଷର ଶାହାରୁଖ ଖାନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଡଙ୍କି'ର ଟ୍ରେଲର ଶେଷରେ ଆଜି ମୁକ୍ତିଲାଭ କରିଛି । ଟ୍ରେଲରଟି ଖୁବ ମଜାଦାର ରହିଛି । ଶାହରୁଖ ଖାନଙ୍କ ଫିଲ୍ମ ଡ୍ରପ୍ ୪ର ଟ୍ରେଲରକୁ ଦେଖି ଲୋକେ ଦିୱାନା ହୋଇଥିବା ବେଳେ ସୋସିଆଲ ମିଡିଆରେ ଏନେଇ ପ୍ରତିକ୍ରିୟା ମଧ୍ୟ ଦେଇଛନ୍ତି । ପଠାନ ଓ ଜବାନ ପରେ ଏହା ବି ବ୍ଲକବ୍ଲଷ୍ଟର ହେବ କହିଛନ୍ତି ନେଟିଜେନ୍ସ ।
ଟ୍ରେଲର ରିଲିଜ ପରେ ଫିଲ୍ମକୁ ନେଇ ଏକ୍ସରେ ନିଜର ପ୍ରତିକ୍ରିୟା ଦେଉଛନ୍ତି ୟୁଜର୍ସ । ଜଣେ ୟୁଜର୍ସ ଲେଖିଛନ୍ତି, "ରାଜକୁମାର ହିରାନୀ କେବେ ନିରାଶ କରନ୍ତି ନାହିଁ । ଯେତେବେଳେ କଣ୍ଟେଣ୍ଟର ରାଜା ବଲିଉଡ ରାଜାଙ୍କୁ ଭେଟନ୍ତି । ଡଙ୍କି ଟ୍ରେଲର ଦମଦାର ।" ଆଉ ଜଣେ ଲେଖିଛନ୍ତି, ଏହି ବର୍ଷର ୩ୟ ବ୍ଲକବ୍ଲଷ୍ଟର ଫିଲ୍ମ ହେବାକୁ ଯାଉଛି । ଅନ୍ୟ ଜଣେ ଲେଖିଛନ୍ତି, ମୋର ସର୍ବଦା ଅନ୍ଧ ବିଶ୍ୱାସ ଥିଲା ଯେ, ରାଜକୁମାର ହିରାନୀ ଯେତେବେଳେ ବି ଏକ ଫିଲ୍ମ କରିବେ ସେତେବେଳେ ଶାହରୁଖ ଖାନଙ୍କ ଶ୍ରେଷ୍ଠ ପ୍ରଦର୍ଶନ ଦେଖିବାକୁ ମିଳିବ । ଡଙ୍କି ଟ୍ରେଲର ଏହାର ପ୍ରମାଣ ଦେଇଛି ।
ଆଉ ଜଣେ ଶାହରୁଖ ଖାନଙ୍କ ପୂର୍ବ ଫିଲ୍ମ ପଠାନ ସହ ଡଙ୍କିର ସମାନ ଦର୍ଶାଇ ଲେଖିଛନ୍ତି, ପଠାନର ଶେଷ ଶଦ୍ଦ ଜୟ ହିନ୍ଦ୍ ପରି ଡଙ୍କି ଟ୍ରେଲରର ଶେଷ ଶବ୍ଦ ଜୟ ହିନ୍ଦ୍ ସମାନ ରହିଛି । ଆଉ କେତେକ ୟୁଜର୍ସ ଶାହାରୁଖ ଖାନଙ୍କ ଫିଲ୍ମ ଡଙ୍କି ସହ ରିଲିଜ ହେଉଥିବା ପ୍ରଭାସଙ୍କ ଫିଲ୍ମ ସାଲାର୍ ନେଇ ଆଲୋଚନା କରିଛନ୍ତି । ଜଣେ ୟୁଜର୍ସ ଲେଖିଛନ୍ତି, ଡଙ୍କି ସହ ସାଲାର ରିଲିଜ କରିବା ପ୍ରଭାସଙ୍କ ସବୁଠାରୁ ବଡ଼ ଭୁଲ ହେବ ।