ହାଇଦ୍ରାବାଦ: ଫ୍ୟାନ୍ସଙ୍କ ଅପେକ୍ଷାର ହେଲା ଅନ୍ତ । ରିଲିଜ ହେଲା ଶାହାରୁଖ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ 'ଡଙ୍କି'ର ଟ୍ରେଲର । ପୂର୍ବରୁ ଫିଲ୍ମର ଟିଜର ଏବଂ ୨ଟି ଗୀତ ରିଲିଜ ହୋଇଥିବା ବେଳେ ଏହାକୁ ବେଶ ପସନ୍ଦ କରିଥିଲେ ଫ୍ୟାନ୍ସ । ଟ୍ରେଲରକୁ ଉତ୍ସାହର ସହ ଅପେକ୍ଷା କରିଥିବା ବେଳେ ଶାହାରୁଖ ଖାନ ଆଜି ଟ୍ରେଲର ରିଲିଜ କରିଛନ୍ତି ।
ଶାହାରୁଖ ଖାନ 'ଡଙ୍କି'ର ଏକ ଦମଦାର ଟ୍ରେଲର ରିଲିଜ କରିଛନ୍ତି
କିଙ୍ଗ୍ ଖାନ ନିଜ ଇନଷ୍ଟାଗ୍ରାମରେ ତାଙ୍କର ଆଗାମୀ ଚଳଚ୍ଚିତ୍ର 'ଡଙ୍କି' ଟ୍ରେଲର ରିଲିଜ କରିଛନ୍ତି । ଏବଂ ସେ କ୍ୟାପସନରେ ଲେଖିଛନ୍ତି, 'ମୁଁ ଏହି କାହାଣୀକୁ ଲାଲଟୁରୁ ଆରମ୍ଭ କରିଥିଲି! ମୁଁ ହିଁ ଏହାକୁ ଶେଷ କରିବି... ମୋର ବନ୍ଧୁମାନଙ୍କ ସହ । ଡଙ୍କିର ଟ୍ରେଲର ଆପଣଙ୍କୁ ଏକ ଯାତ୍ରା ଦେଖାଇବ ଯାହା ରାଜୁ ସାରଙ୍କ ଭିଜନ ସହ ଆରମ୍ଭ ହୁଏ । ଏହା ଆପଣଙ୍କୁ ବନ୍ଧୁତ୍ୱର ଏକ ପାଗଳାମି ଭରା ଯାତ୍ରା ଦେଖାଇବ, ଜୀବନର କମେଡି ଏବଂ ଟ୍ରାଜେଡି ଏବଂ ଘର, ପରିବାର ପାଇଁ ପୁରୁଣା ସ୍ମୃତି ମନେ ପକାଇ ଦେବ । ଅପେକ୍ଷା ଶେଷ ହୋଇଛି, DunkiDrop4- ବର୍ତ୍ତମାନ ରିଲିଜ ହୋଇଛି । ଡଙ୍କି ୨୧ ଡିସେମ୍ବର 2023ରେ ବିଶ୍ବ ସ୍ତରରେ ମୁକ୍ତିଲାଭ କରିବ ।"
3 ମିନିଟର 2 ସେକେଣ୍ଡର ଟ୍ରେଲର ହାର୍ଡି(ଶାହରୁଖ ଖାନ)ଙ୍କ ସହ ତାଙ୍କ କାହାଣୀ ବର୍ଣ୍ଣନା କରିବା ସହ ଆରମ୍ଭ ହୋଇଥିଲା, ଯାହା 1995ରେ ଲାଲଟୁରେ ଆରମ୍ଭ ହୋଇଥିଲା, ଯେଉଁଠାରେ ସେ ତାଙ୍କର 4ଜଣ ସାଙ୍ଗଙ୍କୁ ଭେଟିଥିଲେ । ଏହି ସମସ୍ତ ସାଙ୍ଗମାନଙ୍କର ଲଣ୍ଡନ ଯିବାକୁ ଇଚ୍ଛା ଥିଲା । ତା’ପରେ ସେ ଦର୍ଶକଙ୍କୁ ତାଙ୍କ ବନ୍ଧୁ ବଲିଙ୍କ ସହ ପରିଚିତ କରାନ୍ତି, ଯିଏ ଜଣେ ଭଣ୍ଡାରୀ । ପରେ ହୁଗୁ ଯିଏ ଏକ ପୋଷାକ ଦୋକାନ ଚଳାନ୍ତି ଏବଂ ସୁଚି ଯିଏ ଇଂରାଜୀ କହିବାକୁ ଭଲ ପାଆନ୍ତି, ମନୁଙ୍କ ସହ ଯିଏ ହାର୍ଡିଙ୍କ ପାଇଁ ସମସ୍ତଙ୍କ ସହ ଲଢିଥାନ୍ତି । ତାପରେ ବୋମାନ ଇରାନୀଙ୍କ ଚରିତ୍ର ସହ ପରିଚିତ କରାଯାଇଛି ଯିଏ ଏହି ଚଳଚ୍ଚିତ୍ରରେ ଜଣେ ଇଂରାଜୀ ଶିକ୍ଷକ ଭୂମିକାରେ ଅଭିନୟ କରିଛନ୍ତି । ଟ୍ରେଲର୍ ହେଉଛି ସମ୍ପୂର୍ଣ୍ଣ କମେଡି, ଭାବନାତ୍ମକ ଏବଂ ଡ୍ରାମାରେ ପରିପୂର୍ଣ୍ଣ । ଫିଲ୍ମଟି ବିଦେଶ ଯିବାକୁ ଇଚ୍ଛା କରୁଥିବା ଏକ ଗୋଷ୍ଠୀର କାହାଣୀକୁ ଦର୍ଶାଇଛି । ଶେଷରେ ଏହି ଚଳଚ୍ଚିତ୍ରରେ ଶାହାରୁଖ ଖାନ ଜଣେ ବୃଦ୍ଧ ବ୍ୟକ୍ତିଙ୍କ ଭୂମିକାରେ ମଧ୍ୟ ଅଭିନୟ କରିଛନ୍ତି ।
ଏହା ମଧ୍ୟ ପଢନ୍ତୁ:ଜନ୍ମଦିନରେ ଫ୍ୟାନ୍ସଙ୍କୁ କିଙ୍ଗ୍ଖାନ୍ଙ୍କ ଭେଟି, ରିଲିଜ ହେଲା ଡଙ୍କିର ଟିଜର
ଖ୍ରୀଷ୍ଟମାସରେ 'ଡଙ୍କି' ମୁକ୍ତିଲାଭ କରିବ
ଜିଓ ଷ୍ଟୁଡିଓ, ରେଡ୍ ଚିଲିଜ୍ ଏଣ୍ଟରଟେନମେଣ୍ଟ ଏବଂ ରାଜକୁମାର ହିରାନି ଫିଲ୍ମର ପ୍ରଡକ୍ସନ୍ ବ୍ୟାନରରେ ନିର୍ମିତ ଡଙ୍କି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ରାଜକୁମାର ହିରାନୀ । ତେବେ ଏହି ସିନେମାରେ ଶାହରୁଖ ଖାନଙ୍କ ବ୍ୟତୀତ ବିକି କୌଶଲ, ତାପସୀ ପନ୍ନୁ, ବୋମନ ଇରାନୀ, ସତୀଶ ଶାହାଙ୍କ ପରି ବଲିଉଡ ଅଭିନେତାମାନେ ଅଭିନୟ କରିଛନ୍ତି । ତେବେ ଶାହାରୁଖ ଖାନଙ୍କ ଏହି ଚଳଚ୍ଚିତ୍ର ଆସନ୍ତା ଖ୍ରୀଷ୍ଟମାସ ଅର୍ଥାତ୍ ୨୨ ଡିସେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହାପୂର୍ବରୁ ୨୧ ଡିସେମ୍ବରରେ ସାରା ବିଶ୍ବରେ ରିଲିଜ ହେବ 'ଡଙ୍କି' । ରାଜକୁମାର ହିରାନୀ ଏବଂ ତାପସୀ, ବିକିଙ୍କ ସହ ଶାହାରୁଖ ପ୍ରଥମ ଥର ପାଇଁ ଗୋଟିଏ ଫିଲ୍ମରେ କାମ କରିଛନ୍ତି । ସେପଟେ ଏହି ଦିନ ପ୍ରଭାସଙ୍କ ଫିଲ୍ମ ସାଲାର ବି ରିଲିଜ ହେବ । ଯାହା ଫଳରେ ବକ୍ସ ଅଫିସରେ କଡ଼ା ଟକ୍କର ଦେଖିବାକୁ ମିଳିବ ।
