ହାଇଦ୍ରାବାଦ: ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର ସୁପରଷ୍ଟାର ଦୁଲକର୍ ସଲମାନ ବର୍ତ୍ତମାନ ତାଙ୍କର ପରବର୍ତ୍ତୀ ଆକ୍ସନ୍ ଫିଲ୍ମ 'କିଙ୍ଗ ଅଫ୍ କୋଥା' ସହିତ ଚର୍ଚ୍ଚାରେ ଅଛନ୍ତି । ଫିଲ୍ମର ଟ୍ରେଲର ଅଗଷ୍ଟ 10ରେ ମୁକ୍ତିଲାଭ କରିଛି । ଟ୍ରେଲରରେ ସଲମାନ ଫୁଲ ଅଫ୍ ଆକ୍ସନ୍ ଲୁକ୍ରେ ନଜର ଆସିଛନ୍ତି । ସଲମାନଙ୍କ ପ୍ରଶଂସକଙ୍କ ପାଇଁ ତାଙ୍କର ଏହି ନୂଆ ଚଳଚ୍ଚିତ୍ର କୌଣସି ଟ୍ରିଟ୍ ଠାରୁ କମ୍ ନୁହେଁ । ବଲିଉଡର 'ପଠାନ' ଶାହରୁଖ ଖାନ ମଧ୍ୟ ଦୁଲକର୍ ସଲମାନଙ୍କ ଫିଲ୍ମ 'କିଙ୍ଗ ଅଫ୍ କୋଥା' ର ଟ୍ରେଲରକୁ ନିଜ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି ।
ଏଠାରେ କହି ରଖୁଛୁ, ସଲମାନ କିଙ୍ଗ୍ ଅଫ୍ କୋଥାର ଟ୍ରେଲରରୁ ହିଁ ନିଜର ଆକ୍ସନ ସହିତ ଫ୍ୟାନ୍ସଙ୍କ ମଧ୍ୟରେ ଏକ୍ସାଇଟମେଣ୍ଟ୍ ସୃଷ୍ଟି କରାଇବା ଭଳି କାମ କରିଛନ୍ତି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଅଭିଲାଶ ଯୋଶୀ । ପୁରା ଟ୍ରେଲରଟି ସଲମାନଙ୍କ ଆକ୍ସନ ଏବଂ ଶାନଦାର ସିନ୍ରେ ପରିପୂର୍ଣ୍ଣ । ଟ୍ରେଲର ଦେଖିବା ପରେ କୁହାଯାଇପାରେ ଯେ ସଲମାନଙ୍କ ହାତକୁ ଆଉ ଏକ ହିଟ୍ ଫିଲ୍ମ ଆସିଛି । ଗତ ମାସରେ ଫିଲ୍ମର ଟିଜର ମୁକ୍ତିଲାଭ କରିଥିଲା, ଯାହା ପ୍ରଶଂସକଙ୍କ ଉତ୍ସାହକୁ ବଢାଇ ଦେଇଥିଲା । ଏହି ସମୟରେ ନିର୍ମାତାମାନେ 'କିଙ୍ଗ ଅଫ୍ କୋଥା'ର ଶକ୍ତିଶାଳୀ ଟ୍ରେଲର ମୁକ୍ତିଲାଭ କରିଛନ୍ତି । ଅଭିନେତା ଦୁଲକର ପୂର୍ବରୁ 'ଚୁପ୍' ଏବଂ 'ସୀତା ରାମମ୍' ଭଳି ଚଳଚ୍ଚିତ୍ରରେ ନଜର ଆସିଥିଲେ ।
ଏହା ମଧ୍ୟ ପଢନ୍ତୁ: Karachi to Noida: ବଡ ପରଦାରେ ସୀମା-ସଚିନଙ୍କ ପ୍ରେମ କାହାଣୀ, ଆସିଲା ପୋଷ୍ଟର