ହାଇଦ୍ରାବାଦ: ବଲିଉଡର ଲୋକପ୍ରିୟ ଅଭିନେତା ଆୟୁଷ୍ମାନ ଖୁରାନା ପୁଣି ଥରେ ତାଙ୍କର କମେଡି ଫିଲ୍ମ ଡ୍ରିମ୍ ଗାର୍ଲ 2 ସହ ବକ୍ସ ଅଫିସରେ କମ୍ବ୍ୟାକ୍ କରିବାକୁ ଯାଉଛନ୍ତି । 2019 ମସିହାରେ ରିଲିଜ କରିଥିବା ଫିଲ୍ମ 'ଡ୍ରିମ୍ ଗର୍ଲ' ଦର୍ଶକଙ୍କୁ ବେଶ ମନୋରଞ୍ଜନ କରିଥିଲା। ବର୍ତ୍ତମାନ 4 ବର୍ଷ ପରେ ଫିଲ୍ମର ଦ୍ୱିତୀୟ ଭାଗ ରିଲିଜ୍ ହେବାକୁ ଯାଉଛି । ଏହି ଫିଲ୍ମରେ ଆୟୁଷ୍ମାନ ଏବଂ ଅନନ୍ୟା ପାଣ୍ଡେ ନଜର ଆସିବେ । ପୂର୍ବରୁ ଉଭୟଙ୍କ ଲୁକ୍ ସାମ୍ନାକୁ ଆସିଥିବା ବେଳେ ବର୍ତ୍ତମାନ ଫିଲ୍ମର ପ୍ରଥମ ଗୀତ ରିଲିଜ ହୋଇଛି । ପ୍ରଥମ ଭାଗର ଗୀତ 'ଦିଲ୍ କା ଟେଲିଫୋନ'କୁ ନୂଆ ଭର୍ସନ ଭାବେ ଦ୍ବିତୀୟ ଭାଗରେ ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ: ଆୟୁଷ୍ମାନ ଖୁରାନାଙ୍କ ନୂଆ ଲୁକ୍ ଦେଖି ଦିଓ୍ବାନା ହେଲେ ଫ୍ୟାନ୍ସ
ଏହି ଫିଲ୍ମ ଅଗଷ୍ଟ ମାସରେ ମୁକ୍ତିଲାଭ କରିବ । ପୋଷ୍ଟରଠାରୁ ଆରମ୍ଭ କରି ଫିଲ୍ମର ଟ୍ରେଲର ପର୍ଯ୍ୟନ୍ତ ପ୍ରଶଂସକମାନେ ବହୁତ ପସନ୍ଦ କରିଛନ୍ତି । ଏବେ ଫିଲ୍ମର ପ୍ରଥମ ଗୀତ 'ଦିଲ କା ଟେଲିଫୋନ୍ 2.0' ରିଲିଜ୍ ହୋଇଛି । ଦିଲ୍ କା ଟେଲିଫୋନ୍ ଗୀତର ପ୍ରଥମ ସଂସ୍କରଣ ଏବେ ମଧ୍ୟ ଲୋକଙ୍କ ମନରେ ରହିଥିବା ବେଳେ ବର୍ତ୍ତମାନ ଏହା ନୂଆ ଟ୍ୟୁନ୍ ଏବଂ ଷ୍ଟାର ସହ ଡ୍ରିମ୍ ଗାର୍ଲ-2 ଫିଲ୍ମରୁ ରିଲିଜ ହୋଇଛି । ଏହି ଗୀତରେ ଆୟୁଷ୍ମାନ ଖୁରାନା ଏବଂ ଅନନ୍ୟା ପାଣ୍ଡେଙ୍କ ସିଜଲିଂ କେମେଷ୍ଟ୍ରି ଏବଂ ଗ୍ଲାମରସ୍ ଷ୍ଟାଇଲ୍ ଦେଖିବାକୁ ମିଳୁଛି । ଏହି ଗୀତକୁ ପୁଣି ଥରେ ଗୀତ୍ କୁମାର ଲେଖିଛନ୍ତି । ଏହି ଗୀତଟି ଜୋନିତା ଗାନ୍ଧୀ ଏବଂ ଜୁବିନ୍ ନୌଟିଆଲଙ୍କ ମିଳିତ ଭାବେ ଗାଇଛନ୍ତି । ଏଥି ସହିତ, ଗୀତରେ ଥିବା ସଙ୍ଗୀତ ମଧ୍ୟ ଆଶିକି-2 ଫେମ୍ ସଂଗୀତ ରଚନା କୁମାରଙ୍କ ଦ୍ୱାରା ରଚିତ ।
ସୂଚନା ଥାଉ କି, ରାଜ ଶାଣ୍ଡିଲ୍ୟ ଫିଲ୍ମ ଡ୍ରିମ ଗାର୍ଲ-2ର ନିର୍ଦ୍ଦେଶନା ଦେଇଛନ୍ତି । ଏଥର ଅନନ୍ୟା ପାଣ୍ଡେଙ୍କ ସହ ପରେଶ ରାୱଲ, ରାଜପାଲ ଯାଦବ ଏବଂ ମନୋଜ ଯୋଶୀଙ୍କ ଭଳି ନୂଆ ଚେହେରା ଏହି ଫିଲ୍ମ ସହିତ ଜଡ଼ିତ ଅଛନ୍ତି । ଏକତା କପୁରଙ୍କ ବ୍ୟାନର ବାଲାଜୀ ମୋଶନ ପିକ୍ଚର୍ସ ଅଧୀନରେ ନିର୍ମିତ ଏହି ଫିଲ୍ମ ଅଗଷ୍ଟ 25ରେ ରିଲିଜ ହେବାକୁ ଯାଉଛି । ସେପଟେ ଫିଲ୍ମର ପ୍ରମୋସନ ଆରମ୍ଭ ହୋଇସାରିଲାଣି । ଆୟୁଷ୍ମାନ ଖୁରାନା 'ଡ୍ରିମ୍ ଗାର୍ଲ-୨'ର ପ୍ରମୋସନ ପାଇଁ ଦିଲ୍ଲୀ ପହଞ୍ଚିଛନ୍ତି । ସେଠାକାର ଏକ ଥିଏଟରରେ ଗୀତ ଗାଇ ପ୍ରଶଂସକଙ୍କ ହୃଦୟ ଜିତିଛନ୍ତି । ଆୟୁଷ୍ମାନର ଏହି ଲାଇଭ୍ ପ୍ରଦର୍ଶନକୁ ନେଇ ତାଙ୍କ ପ୍ରଶଂସକମାନେ ବେଶ ଉତ୍ସାହିତ ହୋଇଥିବା ଦେଖିବାକୁ ମିଳିଛି ।
