ହାଇଦ୍ରାବାଦ: 2011 ମସିହାରେ ସିଙ୍ଘମ୍ ରିଲିଜ୍ ହେବା ପରେ ଏବଂ 2014ରେ ସିଙ୍ଘମ୍ ରିଟର୍ନସ୍ ପରଠାରୁ ଅଜୟ ଦେବଗନଙ୍କ ପ୍ରଶଂସକମାନେ ସିଙ୍ଗମ୍ 3 କୁ ଅପେକ୍ଷା କରିଛନ୍ତି । ଏହି ଚଳଚ୍ଚିତ୍ରକୁ ନେଇ ଦୀର୍ଘ ଦିନରୁ ଚର୍ଚ୍ଚା ଲାଗି ରହିଛି । ନିକଟରେ ଖବର ଆସିଥିଲା ଯେ ଟାଇଗର ଶ୍ରଫଙ୍କୁ ସିଙ୍ଘମର ପରବର୍ତ୍ତୀ ପାର୍ଟରେ ଜଣେ ନୂଆ କପ୍ ଭାବରେ ଦେଖିବାକୁ ମିଳିବ । ଟାଇଗରଙ୍କ ପରେ ବର୍ତ୍ତମାନ ବଲିଉଡର ସୁନ୍ଦରୀ ଅଭିନେତ୍ରୀ ଦୀପିକା ପାଦୁକୋନଙ୍କ ନାମକୁ ନେଇ ଚର୍ଚ୍ଚା ହେଉଛି । ଦୀପିକା ପୁଣିଥରେ ରୋହିତ ଶେଟ୍ଟୀଙ୍କ ସହ ଫିଲ୍ମରେ ଧମାଲ କରିବାକୁ ଯାଉଛନ୍ତି ।
ବର୍ତ୍ତମାନ ପର୍ଯ୍ୟନ୍ତ ଆମେ ରୋହିତ ଶେଟ୍ଟୀଙ୍କ କପ୍ ୟୁନିଭର୍ସରେ ମହିଳା କପ୍ ଦେଖିବାକୁ ପାଇନାହୁଁ । କିନ୍ତୁ ବର୍ତ୍ତମାନ କୁହାଯାଉଛି ଯେ ଦୀପିକା ପାଦୁକୋନ ଏହି ଶୂନ୍ୟସ୍ଥାନ ପୂରଣ କରିବେ । ବଲିଉଡ ହଙ୍ଗାମାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଦୀପିକା ପାଦୁକୋନଙ୍କୁ ମଧ୍ୟ ସିଙ୍ଘମ୍ 3ରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ, ଯାହା ରୋହିତ ଶେଟ୍ଟୀ ସିଙ୍ଘମ୍ ଏଗେନ୍ ନାମରେ ଦର୍ଶକଙ୍କ ସାମ୍ନାରେ ଉପସ୍ଥାପନ କରିବେ । ରିପୋର୍ଟରେ ସୂତ୍ରରୁ ପ୍ରକାଶ ଯେ ତାଙ୍କୁ ଜଣେ ମହିଳା କପ୍ ଭୂମିକାରେ ଦେଖିବାକୁ ମିଳିବ, ଯେଉଁଥିପାଇଁ ସେ ବହୁତ ଉତ୍ସାହିତ ଅଛନ୍ତି । ଏହା ବ୍ୟତୀତ ଅଜୟ ଏବଂ ଦୀପିକା ମଧ୍ୟ ପ୍ରଥମ ଥର ପାଇଁ ସ୍କ୍ରିନ୍ ସେୟାର କରିବେ ।
ଏହା ମଧ୍ୟ ପଢନ୍ତୁ: Karachi to Noida: ବଡ ପରଦାରେ ସୀମା-ସଚିନଙ୍କ ପ୍ରେମ କାହାଣୀ, ଆସିଲା ପୋଷ୍ଟର