ମୁମ୍ବାଇ: ଶାହରୁଖ ଖାନଙ୍କ ପ୍ରଶଂସକଙ୍କ ପାଇଁ ଖୁସି ଖବର, କାରଣ ତାଙ୍କ ରାଜ-ସିମରନ୍ ପୁଣି ଥରେ ରୂପେଲି ପରଦାକୁ ଫେରୁଛନ୍ତି । ହଁ, ଆପଣ ଠିକ୍ ପଢିଛନ୍ତି, ନଭେମ୍ବର 2 ତାରିଖ ଅର୍ଥାତ୍ ଆଜି କିଙ୍ଗ ଖାନଙ୍କ ଜନ୍ମଦିନ । ଏହି ଅବସରରେ ୟଶ ରାଜ ଫିଲ୍ମସ ସବୁଠୁ ରୋମାଣ୍ଟିକ ପ୍ରେମ କାହାଣୀ 'ଦିଲୱାଲେ ଦୁଲହନିଆ ଲେ ଜାୟେଙ୍ଗେ' (Dilwale Dulhania Le Jayenge)ର ଏକ ସ୍ୱତନ୍ତ୍ର ସ୍କ୍ରିନିଂ ଆୟୋଜନ କରି ସମସ୍ତ ପ୍ରଶଂସକଙ୍କ ସହ ଏହି ଦିନ ପାଳନ କରିବାକୁ ନିଷ୍ପତ୍ତି ନେଇଛି ।
ଆଜି ଦେଶର ବିଭିନ୍ନ PVR, INOXMovies ଏବଂ ସିନେପୋଲିସ୍ ଇଣ୍ଡିଆରେ ଏହି ସ୍ୱତନ୍ତ୍ର ସ୍କ୍ରିନିଂ ଅନୁଷ୍ଠିତ ହେବ । ନିକଟରେ ପ୍ରଡକ୍ସନ୍ ହାଉସ୍ ୟଶ ରାଜ ଫିଲ୍ମସ୍ ଏହି ଖବର ଘୋଷଣା କରିବା ପାଇଁ ଇନଷ୍ଟାଗ୍ରାମ ହ୍ୟାଣ୍ଡେଲର ସାହାରା ନେଇଥିଲା । କ୍ୟାପସନରେ ଲେଖାଥିଲା, "ଆମର ପ୍ରିୟ ପ୍ରେମ କାହାଣୀ ରୂପେଲି ପରଦାକୁ ଫେରୁଛନ୍ତି, ଦେଖନ୍ତୁ ଦିଲୱାଲେ ଦୁଲହନିଆ ଲେ ଜାୟେଙ୍ଗେ 2 ନଭେମ୍ବର 2022 ରେ କେବଳ ଭାରତୀୟ ସିନେମା ଘରେ ।"