ହାଇଦ୍ରାବାଦ:ରାତି ପାହିଲେ ପରଦାକୁ ଆସିବ କିଙ୍ଗ ଖାନଙ୍କ ବହୁ ପ୍ରତିକ୍ଷୀତ ଫିଲ୍ମ 'ଡଙ୍କି' । ଫିଲ୍ମର ଟିଜର ଏବଂ ଟ୍ରେଲରକୁ ଲୋକେ ବେଶ ପସନ୍ଦ କରିଥିବା ବେଳେ ବର୍ତ୍ତମାନ ଫିଲ୍ମକୁ ନେଇ ଉତ୍ସାହର ସହ ଅପେକ୍ଷା କରିଛନ୍ତି । କେବଳ ଫ୍ୟାନ୍ସ ନୁହଁ ବଲିଉଡ ସେଲିବ୍ରିଟି ମଧ୍ୟ ଫିଲ୍ମକୁ ଦେଖିବାକୁ ଉତ୍ସାହିତ ଅଛନ୍ତି । ବଲିଉଡ ଅଭିନେତା ରିତେଶ ଦେଶମୁଖ, ସୁନୀଲ ଶେଟ୍ଟୀ ଏବଂ ପ୍ରଖ୍ୟାତ ଚଳଚ୍ଚିତ୍ର ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦ ଶାହରୁଖ ଖାନଙ୍କ ଅଭିନୀତ ଡଙ୍କିଙ୍କ ପ୍ରଥମ ଦିନର ପ୍ରଥମ ଶୋ' ଦେଖିବା ପାଇଁ ଇଚ୍ଛା ପ୍ରକାଶ କରିଛନ୍ତି । ସୋସିଆଲ ମିଡିଆରେ ପୋଷ୍ଟ ସେୟାର କରି ଉତ୍ସାହିତ ଥିବା କହିଛନ୍ତି ସେଲିବ୍ରିଟି ।
ଏକ୍ସରେ ରିତେଶ ଏକ ପୋଷ୍ଟର ସେୟାର କରି ଲେଖିଛନ୍ତି, "ଆସନ୍ତାକାଲି ରିଲିଜ୍ ହେବାକୁ ଥିବା ବର୍ଷର ମୋର ପ୍ରିୟ ଚଳଚ୍ଚିତ୍ର 'ଡଙ୍କି' ପାଇଁ ମୁଁ ମୋର ଟିକେଟ ବୁକ୍ କରିସାରିଛି । ମୋର ସବୁଠୁ ପ୍ରିୟ ଶାହାରୁଖ ଖାନ । ଏହା ଗୋଟିଏ ମାଧ୍ୟମ ଖ୍ରୀଷ୍ଟମାସ ଛୁଟିଦିନ ପାଳନ କରିବା ପାଇଁ । ସେହିପରି ସୁନୀଲ ଶେଟ୍ଟୀ ମଧ୍ୟ ଏକ୍ସରେ ପୋଷ୍ଟ ସେୟାର କରି ଲେଖିଛନ୍ତି, "ଶାହାରୁଖ ଏବଂ ରାଜୁ ସାର୍ । ଏହା ମୋ ପାଇଁ ନିଶ୍ଚିତ ଭାବରେ ପ୍ରଥମ ଦିନର ପ୍ରଥମ ଶୋ'। ବଡ ପରଦାରେ ଡଙ୍କିଙ୍କ ଯାଦୁ ଦେଖିବାକୁ ଅପେକ୍ଷା କରିପାରିବି ନାହିଁ ।