ମାଆର ଭଲପାଇବା ଶ୍ରଦ୍ଧାର ନିଚ୍ଛକ କାହାଣୀ ବୋଉର ହାତବାକ୍ସ

ଓଡ଼ିଆ ଚଳଚିତ୍ର ବୋଉର ହାତବାକ୍ସର ପରଦାକୁ ଆସି ଯାଇଛି । କାହାଣୀର ବାସ୍ତବତାକୁ ନେଇ ହଲରେ ଦର୍ଶକ ନିଶ୍ଚୟ କାନ୍ଦିବେ ବୋଲି କହିଲେ ଅଭିନେତା । ଅଧିକ ପଢନ୍ତୁ

ଭୁବନେଶ୍ବର: ଫିଲ୍ମ ପ୍ରାଇଡେରେ ପରଦାକୁ ଆସିଲା ଓଡ଼ିଆ ଚଳଚ୍ଚିତ୍ର ବୋଉର ହାତବାକ୍ସ । ଏହି ଫିଲ୍ମରେ ପରିବାର ଭିତରେ ଥିବା ସ୍ନେହ ଓ ସମ୍ପର୍କକୁ ବଡ ପରଦାରେ ଦେଖିବାକୁ ପାଇବେ ଦର୍ଶକ ।ଏହି ଫିଲ୍ମରେ ଦର୍ଶକମାନେ ବୋଉର ସ୍ନେହ ଶ୍ରଦ୍ଧା ଓ ଭଲପାଇବାର ନିଚ୍ଛକ କାହାଣୀ 'ବୋଉର ହାତବାକ୍ସ'ରେ ଦେଖିପାରିବେ । ବରିଷ୍ଠ ଅଭିନେତା ତଥା ନିର୍ଦ୍ଦେଶକ ନାରାୟଣ ପତି ଏହି ଫିଲ୍ମରେ ନିର୍ଦ୍ଦେଶନା ଦେଇଛନ୍ତି । ସେ ତାଙ୍କର ଶବ୍ଦର ଚାତୁରୀରେ ଅତି ସୁନ୍ଦର ଭାବେ ଏହାର ଚିତ୍ରନାଟ୍ୟ ରଚନା କରିଥିବା ବେଳେ ଆରତୀ ପାଟ୍ଟଯୋଶୀ ଏହାର କାହାଣୀ ଲେଖିଛନ୍ତି । ସଂଜୟ ଦାସଙ୍କ ନିବେଦିତ ତଥା ଚାଇରୋସନା ଫିଲ୍ମସ ପ୍ରଡକ୍ସନରେ ପ୍ରସ୍ତୁତ ଏହି ଓଡ଼ିଆ ଚଳଚ୍ଚିତ୍ର ।

ଏହି ଚଳଚ୍ଚିତ୍ରରେ ବାପା ଭୂମିକାରେ ଅଭିନୟ କରିଛନ୍ତି ନାରାୟଣ ପତି । ଏଥିରେ ଅନ୍ୟମାନଙ୍କ ମଧ୍ୟରେ ଲୋପାମୁଦ୍ରା ମିଶ୍ର ଓ ରାଜେଶ ପଣ୍ଡା ପ୍ରମୁଖ ଅଭିନୟ କରିଛନ୍ତି । ଦେବଦାସ ଛୋଟରାୟ ଓ ମାନଗୋବିନ୍ଦ ବାରିକ ସିନେମାର ଗୀତ ରଚନା କରିଥିବା ବେଳେ କ୍ଷୀତି ପ୍ରକାଶ ମହାପାତ୍ର ସଂଗୀତ ନିର୍ଦ୍ଦେଶନା ଦେଇଛନ୍ତି । ଓଡ଼ିଆ ଘରର କାହାଣୀ, ଚଳଣି ଓ ପରମ୍ପରାକୁ ନେଇ ପାରିବାରିକ ଚଳଚ୍ଚିଟି ଗତିଶୀଳ ହୋଇଥିବା ବେଳେ କାହାଣୀର ବାସ୍ତବତାକୁ ନେଇ ହଲରେ ଦର୍ଶକ ନିଶ୍ଚୟ କାନ୍ଦିବେ ବୋଲି କହିଛନ୍ତି ଅଭିନେତା ରାଜେଶ । ତେବେ ବୋଉର ହାତବାକ୍ସ ଫିଲ୍ମଟି ଓଡିଆ ସିନେ ଜଗତକୁ ଆଉପାଦେ ଆଗକୁ ନେବ ବୋଲି କୁହାଯାଉଛି ।

ଇଟିଭି ଭାରତ, ଭୁବନେଶ୍ବର