ମୁମ୍ବାଇ: ବଲିଉଡର ଭେଟେରାନ ଚଳଚ୍ଚିତ୍ର ନିର୍ମାତା ବୋନି କପୁର ଆଜି ତାଙ୍କର 67 ତମ ଜନ୍ମଦିନ ପାଳନ କରୁଛନ୍ତି । ବୋନି (Boney Kapoor) ତାଙ୍କ ପରିବାର ସହିତ ଏହି ଖାସ୍ ଉତ୍ସବ ପାଳନ କରିଛନ୍ତି । ସୋସିଆଲ ମିଡିଆରେ କିଛି ଫଟୋ ସାମ୍ନାକୁ ଆସିଛି ଯେଉଁଥିରେ ବୋନି ତାଙ୍କ (ପ୍ରଥମ ପତ୍ନୀ ମୋନା କପୁର) ପୁଅଝିଅ ଅର୍ଜୁନ କପୁର, ଅଂଶୁଲା କପୁର ଏବଂ ତାଙ୍କର କିଛି ଘନିଷ୍ଠ ବନ୍ଧୁମାନଙ୍କ ସହ ଜନ୍ମଦିନ ପାଳନ କରୁଥିବା ନଜର ଆସିଛନ୍ତି । ଏହି ଫଟୋଗୁଡ଼ିକୁ ବୋନି ନିଜେ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଯଦିଓ ଏହି ଫଟୋରେ ଉଭୟ ଝିଅ ଜାହ୍ନବୀ କପୁର (Janhvi Kapoor) ଏବଂ ଖୁସି କପୁର (Khushi Kapoor) ନଜର ଆସି ନାହାନ୍ତି ।
ଏହି ଫଟୋଗୁଡ଼ିକୁ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିବାବେଳେ ବୋନି କପୁର କ୍ୟାପସନରେ ଲେଖିଛନ୍ତି, 'ଏହା ବହୁତ ସୁନ୍ଦର ଥିଲା । ମୁଁ ମୋର ପରିବାର ଏବଂ ସାଙ୍ଗମାନଙ୍କ ସହିତ ମୋର ଜନ୍ମଦିନ ପାଳନ କରିଲି ଆପଣ ସମସ୍ତଙ୍କୁ ମୋର ଅନେକ ଭଲପାଇବା ।' ସେୟାର ହୋଇଥିବା ଫଟୋରେ ଅର୍ଜୁନ କପୁର-ଅଂଶୁଲା କପୁର ତାଙ୍କ ବାପାଙ୍କୁ କେକ୍ ଖାଆଉଥିବାର ନଜର ଆସିଛନ୍ତି । ଏହାସହିତ ଶବାନା ଆଜମି ଏବଂ ଅନ୍ୟମାନେ ମଧ୍ୟ ଫଟୋରେ ବୋନିଙ୍କୁ ଚିୟର୍ କରୁଥିବା ଦେଖିବାକୁ ମିଳିଛି ।