ହାଇଦ୍ରାବାଦ: ନଭେମ୍ବର ୧୪ ତାରିଖ, ଭାରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହରୁଙ୍କ ଜୟନ୍ତୀ । ଏହି ଦିନକୁ ଶିଶୁ ଦିବସ ରୂପେ ସାରା ଦେଶରେ ପାଳନ କରାଯାଏ। ଦେଶର କୋଣ ଅନୁକୋଣରେ ଶିଶୁ ଦିବସ ଆନନ୍ଦର ସହ ପାଳନ ହୁଏ । ଏହି ଅବସରରେ ବଲିଉଡ ଏବଂ ଦକ୍ଷିଣ ସିନେମା ତାରକା ନିଜର ଏବଂ ପିଲାମାନଙ୍କର ସୁନ୍ଦର ସୁନ୍ଦର ଫଟୋ ସେୟାର କରି ଏହି ବିଶେଷ ଦିନରେ ସେମାନଙ୍କ ପ୍ରଶଂସକଙ୍କୁ ଶୁଭେଚ୍ଛା ଜଣାଇଛନ୍ତି ।
କ୍ରିତି ସାନନ୍ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ତାଙ୍କର ପିଲାଦିନରୁ ନେଇ ବର୍ତ୍ତମାନର ଯାତ୍ରା ସମ୍ପର୍କରେ ଦେଖାଇଛନ୍ତି ।
ଶିଳ୍ପା ଶେଟ୍ଟୀ ତାଙ୍କ ପୁଅ ଏବଂ ଝିଅର ଏକ ଭିଡିଓ ସେୟାର କରିଛନ୍ତି ଯେଉଁଥିରେ ସେମାନେ ମଜା କରୁଥିବା ଦେଖାଯାଉଛି।
କରୀନା କପୁର ଖାନଙ୍କ ନଣନ୍ଦ ସବା ପଟୌଦି ଖାନ ମଧ୍ୟ ପିଲାମାନଙ୍କ ଫଟୋ ସେୟାର କରି ଶିଶୁ ଦିବସର ଅଭିନନ୍ଦନ ଜଣାଇଛନ୍ତି।