ହାଇଦ୍ରାବାଦ: ବଲିଉଡ ନାୟିକା ତଥା ମିସ୍ ୟୁନିଭର୍ସ ସୁସ୍ମିତା ସେନଙ୍କୁ ହୃଦଘାତ । ସେ ହୃଦଘାତରେ ଶିକାର ହୋଇଥିବା ଫ୍ୟାନ୍ସଙ୍କୁ ସୋସିଆଲ ମିଡିଆରେ ସୂଚନା ଦେଇଛନ୍ତି । ଗତ 2 ଦିନ ତଳେ ସୁସ୍ମିତା ହୃଦଘାତର ଶିକାର ହୋଇଥିଲେ ।
ସୂଚନା ଅନୁସାରେ, ସେ ଗତ କିଛି ଦିନ ପୂର୍ବେ ସେ ହୃଦଘାତର ଶିକାର ହୋଇଥିଲେ । ତାଙ୍କ ସ୍ବାସ୍ଥ୍ୟ ଏତେ ଖରାପ ହୋଇଯାଇଥିଲା ଯେ ତାଙ୍କର ଅସ୍ତ୍ରୋପଚାର କରାଯାଇଛି । ବର୍ତ୍ତମାନ ତାଙ୍କ ଅବସ୍ଥା ଭଲ ଅଛି । ଏନେଇ ଇନଷ୍ଟାଗ୍ରାମରେ ସେ ନିଜ ପିତାଙ୍କ ଫଟୋ ସେୟାର କରି କ୍ୟାପସନରେ ଲେଖିଛନ୍ତି, ତୁମର ହୃଦୟକୁ ସବୁବେଳେ ଶକ୍ତ ଓ ସୁସ୍ଥ ରଖ । ସୋସିଆଲ ମିଡିଆରେ ପୋଷ୍ଟ କରି, ଲେଖିଛନ୍ତି କି କିଛି ଦିନ ପୂର୍ବେ ମୋତେ ହୃଦଘାତ ହୋଇଥିଲା । ଆଞ୍ଜିଓପ୍ଲାଷ୍ଟି କରାଯାଇଥିଲା । ମୁଁ ଏବେ ସୁସ୍ଥ ଅଛି । ଏଥିସହ ଅନେକ ଲୋକ ତାଙ୍କୁ ସମୟ ଅନୁସାରେ ସାହାଯ୍ୟ କରିଥିବାରୁ ସେ ଧନ୍ୟବାଦ ମଧ୍ୟ ଜଣାଇଛନ୍ତି । ଆହୁରି ଲେଖିଛନ୍ତି କି, ମୁଁ ବର୍ତ୍ତମାନ ଠିକ ଅଛି, ନୂଆ ଜୀବନ ଜୀଇଁବାକୁ ପ୍ରସ୍ତୁତ ଅଛି ।
ସୂଚନା ଥାଉ କି, ସୋସିଆଲ ମିଡିଆରେ ପୋଷ୍ଟ ସେୟାର ହେବା ମାତ୍ରେ ଏହା ଭାଇରାଲ ହେବାରେ ଲାଗିଲା । ଅଭିନେତ୍ରୀଙ୍କ ପ୍ରଶଂସକ ଏବଂ ଶୁଭେଚ୍ଛୁମାନେ ଲାଲ୍ ହୃଦୟ ଇମୋଜି ସହ ମନ୍ତବ୍ୟ ଦେଇଥିଲେ ଏବଂ 'ବିବି ନମ୍ବର' ଅଭିନେତ୍ରୀଙ୍କ ଶୀଘ୍ର ଆରୋଗ୍ୟ କାମନା କରିଥିଲେ । ଜଣେ ପ୍ରଶଂସକ ଲେଖିଛନ୍ତି, 'OMG! ଯତ୍ନ ନିଅ । ଜାଣିବା ଭଲ ଯେ ଆପଣ ବର୍ତ୍ତମାନ ଭଲ କରୁଛନ୍ତି । ତୁମକୁ ଆମର ସବୁବେଳେ ବହୁତ ଭଲପାଇବା ରହିଛି । ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'ମୁଁ ଖୁସି ଯେ ତୁମେ ଭଲ କାମ କରୁଛ, ଶୀଘ୍ର ଆରୋଗ୍ୟ କାମନା କରୁଛି, ତୁମକୁ ଖୁବ୍ ଶୀଘ୍ର ମାମା ଦେଖିବ' । ଏଥିସହ ଅଭିନେତ୍ରୀ ସୋଫି ଚୌଧୁରୀ ଲେଖିଛନ୍ତି, 'ତୁମକୁ ପ୍ରେମ ଏବଂ ଆଲୋକ ପଠାଉଛି । ମୁଁ ଜାଣେ ତୁମେ ଏବଂ ତୁମର ହୃଦୟ ପୂର୍ବ ଅପେକ୍ଷା ଅଧିକ ଶକ୍ତିଶାଳୀ ହେବ । ଜଣେ ପ୍ରଶଂସକ ମନ୍ତବ୍ୟ ଦେଇଛନ୍ତି, 'ଓଏମଜି କ’ଣ ଖବର, ତୁମର ଯତ୍ନ ନିଅ ।
ସୁସ୍ମିତାଙ୍କ ୱାର୍କ ଫ୍ରଣ୍ଟ କଥା କହିବାକୁ ଗଲେ, ସେ 'ତାଲି' ନାମକ ଏକ ନୂତନ ୱେବ୍ ସିରିଜରେ ଟ୍ରାନ୍ସଜେଣ୍ଡର କାର୍ଯ୍ୟକର୍ତ୍ତା ଗୌରୀ ସାୱନ୍ତଙ୍କ ଭୂମିକାରେ ନଜର ଆସିବେ। ଏହା ସହିତ ସୁସ୍ମିତା 'ଆର୍ଯ୍ୟ 3' ପାଇଁ ପ୍ରସ୍ତୁତ ହେଉଛନ୍ତି, ସିରିଜରେ ସିକନ୍ଦର ଖେର ମଧ୍ୟ ତାଙ୍କର ଚମତ୍କାର ପ୍ରଦର୍ଶନ ସହିତ ଦର୍ଶକଙ୍କୁ ଆକର୍ଷିତ କରିଛନ୍ତି।
