ଡେରାଡୁନ:ଷ୍ଟାରଙ୍କ ଠାରୁ ଆରମ୍ଭ କରି କ୍ରିକେଟର ପର୍ଯ୍ୟନ୍ତ, ଏପରିକି ନାମିଦାମି ଶିଳ୍ପପତିଙ୍କ ପରି ଅନେକ ଭିଆଇପି ବାବା କେଦାରନାଥ ଏବଂ ବଦ୍ରିନାଥଙ୍କ ଦର୍ଶନ କରିଥାନ୍ତି । ଅନେକ ସମୟରେ ଅନେକ ଭିଆଇପିଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥାଏ । ଏହାରି ମଧ୍ୟରେ ବର୍ତ୍ତମାନ ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତ୍ରୀ ରାନୀ ମୁଖାର୍ଜୀ ମଧ୍ୟ ବାବା କେଦାରନାଥ ଏବଂ ବଦ୍ରିନାଥଙ୍କ ଦର୍ଶନ କରିଛନ୍ତି ।
ଶୁକ୍ରବାର ସକାଳେ ରାନୀ ମୁଖାର୍ଜୀ ଏକ ବିମାନରେ ଭଗବାନ କେଦାରନାଥଙ୍କ ନିକଟରେ ପହଞ୍ଚିଥିଲେ, ଯେଉଁଠାରେ ସେ ମନ୍ଦିରରେ ସମ୍ପର୍ଣ୍ଣ ରୀତିନୀତି ସହ ଭଗବାନ କେଦାରନାଥଙ୍କ ପୂଜାର୍ଚ୍ଚନା କରିଛନ୍ତି । ବଦ୍ରିନାଥ କେଦାରନାଥ ମନ୍ଦିର କମିଟି ରାନୀ ମୁଖାର୍ଜୀଙ୍କୁ ଫୁଲମାଳ ପିନ୍ଧାଇ ସ୍ୱାଗତ କରିଥିଲେ । ରାନୀ ମୁଖାର୍ଜୀ କେବଳ କେଦାରନାଥ ପରିଦର୍ଶନ କରିନାହାଁନ୍ତି ବରଂ ସେଠାରେ ପରିବେଶକୁ ମଧ୍ୟ ବେଶ ଉପଭୋଗ କରିଛନ୍ତି । ଏହି ସମୟରେ ରାନୀ ମୁଖାର୍ଜୀଙ୍କୁ ପାରମ୍ପରିକ ଲୁକରେ ଦେଖିବାକୁ ମିଳିଛି । ଏହା ପରେ ସେ ବାବା ବଦ୍ରିନାଥଙ୍କ ଦର୍ଶନ କରିଛନ୍ତି ।
ମନ୍ଦିର ପରିଦର୍ଶନ ସମୟରେ ରାନୀଙ୍କୁ ଦେଖିବାକୁ ଫ୍ୟାନ୍ସଙ୍କ ମଧ୍ୟ ପ୍ରବଳ ଭିଡ଼ ଦେଖିବାକୁ ମିଳିଥିଲା । ଅଭିନେତ୍ରୀଙ୍କ ଏହି ଯାତ୍ରାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ତେବେ କେଦାରନାଥରୁ ଆସିଥିବା ଫଟୋ ଏବହଂ ଭିଡିଓରେ ଅନେକ ଫ୍ୟାନ୍ସ ଅଭିନେତ୍ରୀଙ୍କ ଫଟୋ ଉଠାଇଥିବା ଦେଖିବାକୁ ମିଳିଛି । ଏଥିସହ ବଦ୍ରିନାଥ କମିଟି ପକ୍ଷରୁ ମଧ୍ୟ ଏକ୍ସରେ ରାନୀଙ୍କ ଏକ ଫଟୋ ସେୟାର କରାଯାଇଛି । ଯେଉଁଥିରେ ରାନୀ ସେଠାକାର ପରିବେଶକୁ ଉପଭୋଗ କରୁଥିବା ନଜର ଆସିଛନ୍ତି । ଅନ୍ୟଟିରେ ରାନୀ ମନ୍ଦିର କମିଟି ପକ୍ଷରୁ ପ୍ରସାଦ ଗ୍ରହଣ କରୁଥିବା ଦେଖିବାକୁ ମିଳିଛି ।