ହାଇଦ୍ରାବାଦ: ବିମାନ ବନ୍ଦରରେ ଗର୍ଲଫ୍ରେଣ୍ଡ ସବାଙ୍କ ସହ ଲିପଲକ୍ ହେଲେ ହ୍ରିତିକ ରୋଶନ । ସର୍ବସାଧାରଣରେ ପ୍ରେମିକାଙ୍କୁ କିସ୍ କଲେ ଅଭିନେତା । ବଲିଉଡ ଅଭିନେତା ହ୍ରିତକ ରୋଶନ ଓ ସବା ଆଜାଦଙ୍କ ରୋମାନ୍ସ ସମୟର ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ମୁମ୍ବାଇ ବିମାନ ବନ୍ଦରରେ ଦୁହିଁଙ୍କର ଏହି ରୋମାନ୍ସ ଦେଖିବାକୁ ମିଳିଛି ।
ଅଭିନେତା ହ୍ରିତିକ ରୋଶନଙ୍କୁ ଆଗାମୀ ଚଳଚ୍ଚିତ୍ର ଫାଇଟରର ସୁଟିଂ ପାଇଁ ହାଇଦ୍ରାବାଦ ଯିବାକୁ ପଡିଥିଲା । ଏହି ସମୟରେ ଗର୍ଲଫ୍ରେଣ୍ଡ ସବା ଆଜାଦ ତାଙ୍କୁ ମୁମ୍ବାଇ ବିମାନବନ୍ଦରରେ ଛାଡ଼ିବାକୁ ଆସିଥିଲେ । ସେଠାରେ ସେ ସବାଙ୍କୁ ଲିପଲକ କରୁଥିବାର ନଜର ଆସିଥିଲେ । ଫଳରେ ଅଭିନେତାଙ୍କ ଏହି ଭିଡିଓ ଟିନ୍ସେଲ ଟାଉନର ଜଣେ ପ୍ରସିଦ୍ଧ ପାପାରାଜିଙ୍କ ଦ୍ବାରା କଏଦ ହୋଇଥିଲା । ପରେ ଭିଡିଓ ଅନଲାଇନରେ ସେୟାର ହୋଇଥିଲା ।
ତେବେ ଭିଡିଓରେ ହ୍ରିତିକ ଏବଂ ସବାଙ୍କୁ ସେମାନଙ୍କ କଳା ରଙ୍ଗର ବିଳାସପୂର୍ଣ୍ଣ କାରରେ ଦେଖିବାକୁ ମିଳିଥିଲା । ବ୍ରାଉନ୍ ରଙ୍ଗର କାର୍ଗୋ ପ୍ୟାଣ୍ଟ ସହ ଅଲିଭ୍ ଗ୍ରୀନ୍ ଟି-ସାର୍ଟ ଏବଂ ସବୁଜ ଜ୍ୟାକେଟରେ ହ୍ରିତିକଙ୍କୁ ଦେଖିବାକୁ ମିଳିଥିଲା । ଅଭିନେତା ଏକ କ୍ୟାପ୍ ସହ ହଳଦିଆ ଗଗଲ୍ ମଧ୍ୟ ପିନ୍ଧିଥିଲେ । ଅନ୍ୟପକ୍ଷରେ ସବା ଆଜାଦ କାଜୁଆଲ ଲୁକରେ ସବୁଜ ଟ୍ରାଉଜର ଏବଂ ଧୂସର ରଙ୍ଗର ଟପରେ ନଜର ଆସିଥିଲେ ।