ହାଇଦ୍ରାବାଦ:ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଭୁଲ୍ ଭୁଲେୟା-୨'ର ଟ୍ରେଲର ରିଲିଜ୍ ହୋଇଛି । ଏହି ଚଳଚ୍ଚିତ୍ରଟି ଦୀର୍ଘ ଦିନ ଧରି ଏହାର ଚରିତ୍ରମାନଙ୍କ ପାଇଁ ଚର୍ଚ୍ଚାରେ ରହିଆସିଛି । ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ କାର୍ତ୍ତିକ ଆର୍ଯ୍ୟନ୍, କିଆରା ଆଡଭାନୀ, ତବୁ ଥିବାବେଳେ ସଞ୍ଜୟ ମିଶ୍ର ଏବଂ ରାଜପାଲ ଯାଦବଙ୍କ ଭଳି ଷ୍ଟାରଙ୍କୁ ଏକ ଚଳଚିତ୍ରରେ ପ୍ରମୁଖ ଭୂମିକାରେ ଦେଖିବାକୁ ମିଳିବ । ଏହି କମେଡି ଫିଲ୍ମ ଚଳିତ ବର୍ଷ ମଇ ୨୦ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ମଙ୍ଗଳବାର ଦିନ ହରର କମେଡି ଚଳଚ୍ଚିତ୍ର 'ଭୁଲ୍ ଭୁଲେୟା ୨' ର ଟ୍ରେଲର ମୁକ୍ତିଲାଭ କରିଛି । ଟ୍ରେଲରରେ ମଞ୍ଜୁଲିକାର ଭୟ ପୁଣି ଥରେ ନଜର ଆସୁଛି । ଆମିଜେ ତୋମାର ଧୂନ୍ ଶୁଣାଯାଉଛି କିନ୍ତୁ ଏଥର ଭୂତକୁ ବାହାର କରିବାକୁ ଅକ୍ଷୟ କୁମାର ନୁହଁନ୍ତି ବରଂ କାର୍ତ୍ତିକ ଆର୍ଯ୍ୟନ୍ ଆସିଛନ୍ତି । ଫିଲ୍ମର ଟ୍ରେଲର ପୂର୍ବରୁ ଅନେକ ପୋଷ୍ଟର ସାମ୍ନାକୁ ଆସିସାରିଛି, ଯାହାକୁ ଦର୍ଶକଙ୍କ ଠାରୁ ବହୁତ ଭଲ ପାଇବା ମିଳିଛି ।