ପାଟନା: ଭୋଜପୁରୀ ମନୋରଞ୍ଜନ ଦୁନିଆର ଲୋକପ୍ରିୟ ଭୋଜପୁରୀ ଗାୟିକା ନିଶା ଉପାଧ୍ୟାୟଙ୍କୁ ଗୁଳି ମାଡ । ଛପ୍ରା ଠାରେ ଏକ ଷ୍ଟେଜ୍ ସୋ ସମୟରେ ଗୁଳିମାଡ଼ ହୋଇଛି । ତାଙ୍କୁ ଗୁରୁତର ଅବସ୍ଥାରେ ପାଟନାର ମ୍ୟାକ୍ସ ହସ୍ପିଟାଲରେ ଭର୍ତ୍ତି କରାଯାଇଛି । ଅପରେସନ କରି ତାଙ୍କ ଗୋଡରୁ ଗୁଳି ବାହାର କରାଯିବା ପରେ ଏବେ ଗାୟିକା ସୁସ୍ଥ ଥିବା ଜଣାପଡିଛି। କାର୍ଯ୍ୟକ୍ରମରେ ଗୀତ ପରିବେଷଣ ବେଳେ ଜଣେ ସ୍ଥାନୀୟ ଯୁବକଙ୍କ ଗୁଳିମାଡରେ ନିଶା ଆହତ ହୋଇଥିଲେ। ଏହି ଘଟଣାସ୍ଳରୁ ଯୁବକ ଫେରାର ଥିବା ବେଳେ ଖବର ପାଇ ଗରଖା ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ସେପଟେ ଗୁରୁତର ଆହତ ଗାୟିକା ନିଶା କହିଛନ୍ତି, ଫାୟାରିଂ ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଲଗାଯିବା ଦରକାର।
ସୂଚନା ଅନୁସାରେ,ମଙ୍ଗଳବାର ରାତିରେ ନିଶା ଉପାଧ୍ୟାୟ ସେଡୁଆର ଗାଁର ବାସିନ୍ଦା ବିରେନ୍ଦ୍ର ସିଂଙ୍କ ଘରେ ଉପନୟନ ସଂସ୍କାର କାର୍ଯ୍ୟକ୍ରମ ଆୟୋଜିତ ହୋଇଥିଲା। ଯେଉଁଠାରେ ଭୋଜପୁରୀ ଗାୟକ ନିଶା ଉପାଧ୍ୟାୟ ସଙ୍ଗୀତ ପରିବେଷଣ କରୁଥିଲେ । ଏହି ସମୟରେ ଗାଁର ଜଣେ ଯୁବକ ଫାଙ୍କା ଗୁଳି ଚଳାଇ ଖୁସି ମନାଇଥିଲେ । ସେତେବେଳେ ଏକ ଗୁଳି ନିଶାଙ୍କ ଗୋଡରେ ବାଜିଥିଲା, ଯେଉଁଥିପାଇଁ ସେ ଚେତାଶୂନ୍ୟ ହୋଇଯାଇଥିଲେ । ଏହା ପରେ କାର୍ଯ୍ୟକ୍ରମରେ ଉତ୍ତେଜନା ଦେଖା ଦେଇଥିଲା । ଏହା ପରେ ସଙ୍ଗେ ସଙ୍ଗେ ସ୍ଥାନୀୟ ଲୋକେ ତାଙ୍କୁ ପାଟନାର ମ୍ୟାକ୍ସ ହସ୍ପିଟାଲରେ ଭର୍ତ୍ତି କରିଥିଲେ । ଅପରେସନ କରି ତାଙ୍କ ଗୋଡରୁ ଗୁଳି ବାହାର କରାଯାଇଛି। ତେବେ ବର୍ତ୍ତମାନ ଗାୟିକାଙ୍କ ଅବସ୍ଥା ଭଲ ରହିଛି।
ଏହି ଘଟଣାକୁ ନେଇ ଗାୟିକା ନିଶା କହିଛନ୍ତି, ‘‘ଗୁଳି ଚଳାଇବା ସମ୍ପୂର୍ଣ୍ଣ ନିଷେଧ ହେବା ଉଚିତ୍ । ଆଜି ଗୁଳିଟି ମୋ ଗୋଡରେ ବାଜିଛି । ଯଦି ଏହା ମୋ ଗଳାକୁ ବା ଅନ୍ୟ କୌଣସି ସ୍ଥାନରେ ଆଘାତ କରିଥାନ୍ତା, ତେବେ ମୁଁ ମରିଯାଇଥାନ୍ତି । କୌଣସି କାର୍ଯ୍ୟକ୍ରମରେ ଏଭଳି ଗୁଳି ଚଳାଇବା ସମ୍ପୂର୍ଣ୍ଣ ନିଷେଧ କରାଯିବା ଉଚିତ୍ ।’’ ସେପଟେ ଗୁଳି ଚଳାଇବା ଲୋକ ଘଟଣାସ୍ଥଳରୁ ଫେରାର ରହିଥିବା ବେଳେ ଗୁଳି ବିନିମୟ ସମ୍ପର୍କରେ ସୂଚନା ପାଇ ଗରଖା ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ଯେଉଁ ସ୍ଥାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ସେହି ବ୍ୟକ୍ତିଙ୍କୁ ମଧ୍ୟ ପୋଲିସ ପଚରାଉଚରା କରୁଛି । ଅନ୍ୟପଟେ ଥାନାଧିକାରୀ ନସିରୁଦ୍ଦିନ ଖାନ କହିଛନ୍ତି, ''ଘଟଣା ନେଇ ଆମେ କୌଣସି ଲିଖିତ ଅଭିଯୋଗ ପାଇ ନାହୁଁ । ତଥାପି ଖବର ପାଇ ଆମେ ଏହା ବିଷୟରେ ପଚରାଉଚରା ଜାରି ରଖିଛୁ ।'' ଏଥିସହ ଏହି ସୂଚନା ତାଙ୍କ ପରିବାର ସଦସ୍ୟଙ୍କୁ ମଧ୍ୟ ଦିଆଯାଇଥିଲା, ଏହା ପରେ ପରିବାର ସଦସ୍ୟ ମଧ୍ୟ ପାଟନା ମ୍ୟାକ୍ସ ହସ୍ପିଟାଲରେ ପହଞ୍ଚିଥିଲେ ।
ସୂଚନା ଥାଉ କି, ପ୍ରସିଦ୍ଧ ଭୋଜପୁରୀ ଗାୟିକା ନିଶା ଉପାଧ୍ୟାୟ ନିଜ ଗୀତ ମାଧ୍ୟମରେ ଅଳ୍ପ ସମୟ ମଧ୍ୟରେ ଅନେକ ଖ୍ୟାତି ଓ ନାମ ଅର୍ଜନ କରିଛନ୍ତି । ତାଙ୍କର ଭୋଜପୁରୀ ଗୀତ ପାଇଁ ଆଜି ବି ଲୋକେ ଦିୱାନା । ସୋସିଆଲ ମିଡିଆରେ ମଧ୍ୟ ତାଙ୍କର ବହୁତ ପ୍ରଶଂସକ ଅଛନ୍ତି ।
ଫେସବୁକ୍ ପେଜରେ ତାଙ୍କର 10 ମିଲିୟନ୍ ଫୋଲର୍ସ ରହିଛନ୍ତି । ନିଶାଙ୍କର ନିଜସ୍ୱ ୟୁଟ୍ୟୁବ୍ ଚ୍ୟାନେଲ୍ ମଧ୍ୟ ଅଛି, ଯେଉଁଠାରେ ସେ ପ୍ରାୟତଃ ତାଙ୍କ ସମସ୍ତ ଗୀତ ଭିଡିଓ ଅପଲୋଡ୍ କରିଥାନ୍ତି । ତେବେ ଲାଇଭ ପରଫରମାନ୍ସ ସମୟରେ କଣ୍ଠଶିଳ୍ପୀଙ୍କୁ ଗୁଳି ବାଜିବା ଖବର ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ତାଙ୍କ ପ୍ରଶଂସକମାନେ ତାଙ୍କ ଶୀଘ୍ର ସୁସ୍ଥ କାମନା କରିଛନ୍ତି।
