ମୁମ୍ବାଇ: ଫିଲ୍ମ ଇଣ୍ଡଷ୍ଟ୍ରିର ପ୍ରସିଦ୍ଧ ଚଳଚ୍ଚିତ୍ର ନିର୍ଦ୍ଦେଶକ ଅନୁଭବ ସିହ୍ନାଙ୍କ ଫିଲ୍ମ 'ଭିଡ଼'ର ଟ୍ରେଲର ଆଜି ରିଲିଜ ହୋଇଛି । ୟୁଟ୍ୟୁବରେ 2.39 ମିନିଟର ଟ୍ରେଲର ରିଲିଜ ହୋଇଥିବା ବେଳେ ଫିଲ୍ମକୁ ଦେଖିବାକୁ ଉତ୍ସାହର ସହ ଅପେକ୍ଷା କରିଛନ୍ତି ଦର୍ଶକ । ବାସ୍ତବରେ ଅନୁଭବ ସିହ୍ନା କୋରୋନା ସମୟର ଲକଡାଉନ୍ ଏବଂ ଏଥିରେ ଥିବା ଲୋକଙ୍କ ଅସୁବିଧାକୁ ନେଇ ଏହି ଫିଲ୍ମ ପ୍ରସ୍ତୁତ କରିଛନ୍ତି ।
ଫିଲ୍ମର ଟ୍ରେଲର ଅତ୍ୟନ୍ତ ସ୍ପର୍ଶକାତର ଏବଂ ଏହାର ପ୍ରତ୍ୟେକ ସିନକୁ ଦେଖିଲେ ସେହି କୋରୋନା ସମୟର ସେହି କରୁଣ କାହାଣୀ ମନେ ପଡିଯାଏ । ଏହି ଫିଲ୍ମରେ ଅଭିନେତା ରାଜକୁମାର ରାଓ ଓ ଅଭିନେତ୍ରୀ ଭୂମି ପେଡନେକର ମୁଖ୍ୟ ଭୂମିକାରେ ଅଭିନୟ କରିଛନ୍ତି । ତେବେ ନିକଟରେ ଏହି ଚଳଚ୍ଚିତ୍ରର ଟିଜର ରିଲିଜ ହୋଇଥିବାବେଳେ ଆଜି ଫିଲ୍ମର ଟ୍ରେଲର ରିଲିଜ ହୋଇଛି ।
2.39 ମିନିଟର ଟ୍ରେଲରରେ, ଲକଡାଉନର ସେହି ପାର୍ଶ୍ବକୁ ଅଧିକ ଧ୍ୟାନ ଦିଆଯାଇଛି । ଯାହା ଲକଡାଉନ ସମୟରେ ପୀଡିତ ଲୋକଙ୍କ ଉପରେ ପ୍ରଶାସନର ଅତ୍ୟାଚାର, ଅନ୍ୟପଟେ ରାଜନେତା ଏବଂ ପୋଲିସ ନିଜ ନିଜ କ୍ଷମତା ଯୋଗୁଁ ପରସ୍ପରକୁ ଧମକ ଦେଉଥିବା ଦେଖାଯାଇଛି । ତେବେ ଏହି ଫିଲ୍ମ ମାର୍ଚ୍ଚ 24ରେ ରିଲିଜ ହେବାକୁ ଯାଉଛି । ଏଥିସହ ଫିଲ୍ମର ଷ୍ଟାରକାଷ୍ଟରେ ରାଜକୁମାର ରାଓ ଏବଂ ଭୂମି ପେଡନେକରଙ୍କ ବ୍ୟତୀତ ପଙ୍କଜ କପୁର, ଆଶୁତୋଷ ରାଣା ଏବଂ ସିଆଇଡି ଅଭିନେତା ଆଦିତ୍ୟ ଶ୍ରୀବାସ୍ତବ ପ୍ରମୁଖ ଭୂମିକାରେ ନଜର ଆସିବେ ।
ସୂଚନା ଥାଉ କି, 22 ମାର୍ଚ୍ଚ 2020 ଏ ହେଉଛି ସେହି ଦିନ ଯେତେବେଳେ କରୋନା ଭାଇରସ୍ ପାଇଁ ଦେଶରେ ଲକଡାଉନ ଲାଗୁ କରାଯାଇଥିଲା । ଏହା ପରେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେବଳ ଲକଡାଉନର ସମ୍ପ୍ରସାରଣ ବିଷୟରେ ସୂଚନା ଦେବା ପାଇଁ ଟିଭିରେ ଦେଖାଦେଇଥିଲେ । ଲକଡାଉନ ସମୟରେ ତାଲା ବନ୍ଦଥିବାରୁ ଯେଉଁ ଲୋକମାନେ ବାହାରକୁ ରୋଜଗାର କରିବାକୁ ଯାଇଥିଲେ। ସେମାନେ ସମସ୍ତେ ନିଜ ଘରକୁ ଫେରିବାକୁ ଚାହୁଁଥିଲେ । ଏବଂ ସବୁଆଡେ ତାଲା ବନ୍ଦଥିବାରୁ ରାସ୍ତାରେ ଚାଲିଚାଲି ଘରକୁ ଆସିବାକୁ ଚେଷ୍ଟା କରିଥିଲେ । ଏହି ଅବସ୍ଥା ସାରା ଦେଶରେ ଦେଖିବାକୁ ମିଳିଥିଲା । ଏଭଳି ସ୍ଥିତିରେ ଅନେକଙ୍କ ଜୀବନ ଯାଇଥିବା ବେଳେ ଅନେକ ବହୁ ଅସୁବିଧାର ସମ୍ମୁଖୀନ ହେଇଥିଲେ । ତେବେ ସେହି ସମୟର ସେହି କରୁଣ କାହାଣୀକୁ ଏବି ଫିଲ୍ମର ଦର୍ଶାଯାଇଛି ।
ତେବେ ରାଜକୁମାର ରାଓଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ରାଜକୁମାର 2010ରେ ରନ୍, ଲଭ ସେକ୍ସ ଓ ଧୋକ୍କା, 2011ରେ ରାଗିନୀ mms, ସୈତାନ, 2012ରେ ତଲାସ, ସହୀଦ, 2013ରେ କାଇ ପୋଚେ, କୁଇନ୍, 2017ରେ ସାଦି ମେ ଜରୁର୍ ଆନା, 2018ରେ ସ୍ତ୍ରୀ, 5 weedings, 2021ରେ ବଧାଇ ହୋ ଭଳି ଅନେକ ହିଟ୍ ଫିଲ୍ମ ଦେଇଥିବା ବେଳେ ସେ ଆଗାମୀ ଫିଲ୍ମ mr and mrs mahiରେ ମଧ୍ୟ ନଜର ଆସିବାକୁ ଯାଉଛନ୍ତି ।
