ହାଇଦ୍ରାବାଦ: ନିକଟରେ ଭାରତୀ ମାଆ ହୋଇଛନ୍ତି । ତାଙ୍କର ଏକ ପୁଅ ହୋଇଛି ବୋଲି ସେ ଇନଷ୍ଟାଗ୍ରାମରେ ପୋଷ୍ଟରେ ସୂଚନା ଦେଇଛନ୍ତି। ଭାରତୀ ଓ ହର୍ଷ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଜଣାଇଛନ୍ତି । ସୋସିଆଲ ମିଡିଆରେ ଏହି ଖୁସି ଖବର ଆସିବା ପରେ ତାଙ୍କ ପ୍ରଶଂସକମାନେ ତାଙ୍କୁ ଅଭିନନ୍ଦନ ଜଣାଇଥିଲେ। ବର୍ତ୍ତମାନ ଏହି ଦମ୍ପତି ସେମାନଙ୍କର ନବଜାତ ଶିଶୁକୁ ସମସ୍ତଙ୍କ ସାମ୍ନାକୁ ଆଣିଛନ୍ତି । ଯଦିଓ ଶିଶୁର ଚେହେରା ଦେଖାଯାଇନଥିଲା, କିନ୍ତୁ ଦମ୍ପତି ପାପାରାଜିଙ୍କ ଆଗରେ ଜୋରସୋର ପୋଜ୍ ଦେଇ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି।
ଏହି ସମୟରେ ଭାରତୀ ସିଂ ଏବଂ ହର୍ଷଙ୍କ ମୁହଁରେ ପିତାମାତା ହେବାର ଝଲକ ସ୍ପଷ୍ଟ ଦେଖାଯାଉଥିଲା । ମାଆ ହୋଇଥିବା ଭାରତୀ ସିଂଙ୍କୁ ଏକ ଓ୍ବାଇନ ରଙ୍ଗର ପୋଷାକରେ ଦେଖିବାକୁ ମିଳିଥିଲା । ଏଥିସହିତ ହର୍ଷ ନୀଳ ରଙ୍ଗର ସାର୍ଟ ଏବଂ ନୀଳ ରଙ୍ଗର ଜିନ୍ସ ପିନ୍ଧିଥିଲେ। ଡାକ୍ତର ଏବଂ ନର୍ସମାନେ ସେମାନଙ୍କ ପଛରେ ଦେଖାଯାଉଥିବାରୁ ଏହି ଦୃଶ୍ୟ ହସ୍ପିଟାଲ ବାହାରର ବୋଲି କୁହାଯାଉଛି ।